آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
21-10-2020, 12:26 AM | #377 |
حزب العاصفه
|
ياطير بشرني عسى خير ياطير
يومك تعَرْف اللي بقلبي واريده تدري وانا ادري بس انا وانت لاغير حتى ولو يقرأ الفطين القصيده رموز ودي ماتجيد التعابير في تمتمه لو تدخل القلب سيده شعر ومشاعر بددتها المشاوير وان لمّها المشتاق قصت وريده بين الامل والياس من غير تبرير لو كل يوم اكتب قصيده جديده واشرح عليها بعض ماصار ويصير وان بيّحت,سويت نفسي بليده ياطير لك عندي معزه وتقدير بيدك مفاتيح الخفوق وبريده وان جاك في تقرير الايام تقصير غصبٍ علي حكم الظروف العنيده قسم فْراقك من كبار المخاسير والامر لله والمقادير بيده!! |
سبحانك اللهم وبحمدك
أشهد الا اله الا أنت,أستغفرك واتوب اليك |
01-12-2020, 12:15 AM | #378 |
حزب العاصفه
|
كنّ في خاطري ذالليل حاجه
ومْتهيض على بدع القصيد ليش مدري وش مْكدر مزاجه ضايعه بين اريد وما اريد لـ نهض لي فرج صبري حْجاجه جد لي من مقاديري جديد |
|
31-03-2021, 01:36 PM | #379 |
حزب العاصفه
|
ياحلم كم ضاعت منَ سْنين وايام
وانا انتظر ولاتحققت ياحلم الحال مثله قبل واليوم والعام عيت تجي عـ الكيف مدري وش العلم نجري ورى الايام ونْقول قدام حياتنا قصه وانا نجمة الفلم البُعد والحرمان في حكم الاسلام ياشيخ وش فرقه عن الجرم والظلم؟ |
|
25-05-2021, 10:48 PM | #380 |
حزب العاصفه
|
ياقمر نورك على سطح البحر يسحر ويبهر مع هدير الموج يازين البحر والجو ساكن ودي اجلس طول ليلي لين شمس الصبح تظهر عندي اروع جلسة الشاطي ولا فخم المساكن |
|
07-06-2021, 12:57 AM | #381 |
حزب العاصفه
|
نمت وُحَلمت وقمت ماحولي الا
شالي وجوالي لْحالي وعودت أنام واحاول عساي ولعلا أقطع طويل الليل لو ما تعودت على فرااقه,لين قمت اتسلا بـ ابيات شعرٍ في بناها تجيودت وارسلتها عبر البريد اتغلا واشره ولو طعت اعذب الشعر زودت, |
|
10-06-2021, 01:19 AM | #382 |
حزب العاصفه
|
يشبهني الموج واشبه جزره ومده
زحمة هواجيس تقبل بي وتقفي بي مدري وش اللي بصدري طول ذا المده متى على الله تحقق لي مطاليبي |
|
06-07-2021, 12:47 AM | #383 |
حزب العاصفه
|
لـ ضاق صدري وصب الشعر فنجاله مدّ وتقهويت عذبه,طيّر عْماسي والا سحب ناصر السيحانِ(ي) مواله في شيلةٍ لامست شكواي واحساسي والشوق فرّغ قفص صدري من اقفاله واظهر غزيره وسطّرته بكراسي وجريت قافٍ يصوّر حالي وحاله من صادق الروح حتى يقطع انفاسي أبحر بسطح البحر مدري على جاله مركب غرامي يعوم ويوم غطاسي ياغيمة الود شوفي نجد رحاله مع هاجس الشعر حتى لو وسط ناسي هيَّا امطري من وبل عذبك وهماله لين ارتوي من ضمايه يابعد راسي, |
|
25-07-2021, 12:25 AM | #384 |
حزب العاصفه
|
هديل والا نوح ياللي على السور
في صبح يوم العيد شد انتباهي حسك وانا كلي احاسيس وشْعور لو ظاهري مبسوط واللبس زاهي بالله روحي لحظة افرااح وسْرور بجاه الكريم استعطفك ثم جاهي يامصدر الهامي ترى القلب معذور والفكر لامنّه شرد بي وتاهي لـ ضاق صدري ضاق من ضيقه صْدور وانا افتخر بـ اعياد ناسي واباهي طيري امانه غادري ساحة الدور مداام كلٍّ في ضحاياه لاهي.. |
|
|
|