سلامة وطني الغالي

صباح الخير يا اطهر ما خلق ربي من الاوطان=صباحٍ عطر احروف القصيد وفاح بوراقي
على نفحة عبيره فاح ريح المسك والريحان=شذى ورد الربيع ان مالت اغصانه على الساقي
تبي تعرف وش الي ميزك عن ساير البلدان=حكم فيك الملك عبدالعزيز وصرت تواقي
اخو نوره ليا منه تعزوى بالفم الملــــيان=وقال اليوم يومي وابتدا في نسف الاعناقي
جمع شمل القبايل تحت رايه لا اله الا الولي اخوان=وصفى جوك بعد ضرب السيوف ويبس الارياقي
وابك سيفٍ شطير وللعدل شرع الله الميزان=وابك نخلة عطاء للشعب تثمركلها ارزاقي
ولك مجدٍ تليد وباالمعارك بك صهيل حصان=ولك لا ثارت الهيجا عسام وريح تفاقي
وابك حكام حطو للشريعه في البلد عنوان=على دين الرسول معاهدين الله بميثاقي
وعلى آرضك ولد صفوه قريش ونزل القرآن=وابك مكه وطيبه يا وطن قلي وش الباقي
احبك يا وطن حبٍ تمكن داخل الشريان=ورثته في صباي وكل ما اكبر صار بعماقي
ابيع الروح من شانك فدا لرضك ومهما كان=انا ما اشوف غيرك وانت تسكن داخل احداقي
حماك الله من كل الشرور وزمرة العدوان=وحماك الله من مفسد ومن حاسد وبواقي
تطمن يا وطن في ضل ابو محمد عظيم الشان=ولو ضاق الفضاء يادار جوك ما بعد ضاقي
ما دام ان الملك دونك ثنى في طاعة الرحمن=ابو محمد صليب الراي مخلف هقوة الهاقي
جنودك يا وطن وابن الوطن في داخل الميدان=اذا درات رحاة الحرب حنا درعك الواقي
سعوديين لا هبت هبوبك كلنا شجعان=ليا ركب عسام الجو كلٍ جاك منساقي
انا ابنك وانت ابوي وكل ملي وانت اعز انسان=علشان الولا والحب جيت اهدي لك اشواقي
واهنيك السعاده في سلامة شعبنا=ونا ادري يا وطن من غاب زوله وانت مشتاقي
تبي شوفه ونا مثلك على شوفه بعد شفقان=عسى ربي يرده وانت شمسك تشرق اشراقي

روووووعه

كلمات جداً جميله
وطرح مميز


ريح المسك

تسلم على الاختيار الرائع
بارك الله فيك

الله الله

صح صح لسانك ياريح المسك
يستاهل الوطن ومهما قلنا فيه مانوفيه حقه
شرفني وقوفي امام هذه الفاخره الرائعه
سلمت ولاهنت
ولك احلى تقييم


تنقل لشعراء المستقبل بالاسماء المستعاره

أشكر الأخت روابي على روعة المرور وكم هي جميلة إطلالتك على مشاركتي بارك الله فيك

صح لسانك شاعرنا ودمت.

أخوك - ابن سينا.

صح لسانك
قصيده جميله ومشاعر مغموره بالحب
دمت بخير وسعاده دائمه

ريح المسك
صح الله لسانك على هالوطنيه الشامخه
ويستاهل ويستحق وطنا هذه المشاعر الراقيه
دمت ودام مداد قلمك الفاخر
تقديري وتقييمي لسموك
النجلاء

ريح المسك
دائما بين حروفك اجد روحا تتمزج بما بنا من وجدان

وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بكل تميز وابداع