آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
27-12-2018, 04:37 AM
|
#9 | |
أبعد قريب
|
درب الخـراب متّبــع درب الخـراب يعـــاب كـ الّلـذي يرقى كثيب مهـيــل أو كما نجم ٍ يطيح شْـهــــاب يحتـرق بـالجــوّ قبل يـغـيـــل هزّني صمت الـفــؤاد و ذاب لين غــرّق دمعـي المنــديـــل عشت مع صادق ومع كذّاب تـهــت بين الظل و التـظليــل بين بيبـــان المــوافـــا بــاب مــات مفتــاحـه بـكـفّ بخيـل حـرّم المعبــود شرع الغــاب في هدى التـنـزيـــل كل دليـل بين قطع رقـاب وعتق رقاب مثـلمـا بين الســرا و الـنيــل العفـاف اطهر و اعـزّ ثـيـاب و العزيــز بـدون ديـن ذليـــل دين جـاعـل كل شي بـكتــاب منــزل التـــوراة و الإنجيـــل غـافـر الذنب العلي التـــوّاب مخـزي اهل الفيل بالسجّـيــل |
|
|
|
27-12-2018, 04:39 AM
|
#10 | |
|
أبعد قريب
|
يالله ياللي كل مــا دونـك عـــدم يا آمـر ٍ عبدك يطيعك و نـاهيــه يامن فرضت بحكمتك شكرالنعم أستغـفـرك يـارب ممّــا أنـا فـيــه يامن بغيثك مزهر ٍ شوك السلـم بالناظر اللي عانقه في خطاويــه لاترحـم اللي بالعنــاد اقسـم قسم حتى حسم بيدينه السـود ماضيـه منّه لفـاني من هزمْـه و ما هزم اللي انطفى واغنت نجومه مضاويه من حالتـه موعــودٍ بحالي سقــم والـروح معناهــا يطابق معانيـــه بـ اكتب على صفحة لياليه بـ فحم من لونها واسري بقافه و اغنّيـه و اسهر أعلّق هالمصابيح بْـ جهم صبح ٍ لفكره تلهم القلب و تنجيـه تـخـبّــر اللي ما بعــد مــرّه رحــم قـول ٍ يبلّـغ مـاهـو بْـقــول يرجيــه ترى عشـم إبليـس بالجنّــه عـشـم حتى ولـو يـسجـــد لـ ءآدم بتاليــه لا والـذي سـاوى عربهــا بالعجـم بعض المصايب ميّت القلب تحييه خلّــه ولابــدّه مثل مـاهـو ضــــرم يجيـك ينخى دمعـة اشفـاق تطفيـه عـوّد لربّـك .. علّق بـذاك الحـرم الغــافـر اللي من يناجيـه يرضيــه يفـرّج اللي في محــانيـك ازدحــم واللي يبي منه المسـاتيـر يكسيــه واذا بـدى في لوحـة النــاظر نـدم تراه نجم ٍ يلهي الشوف و يعميـه يـقــدّي اللي لا تـأمّـلْــــه اقـتـــــدم أمّـا الذي يبكـي مطيحــه يـردّيـــه ترى عـذولك لو تمكّـن بك هــــدم لاتجعلـه يــدري بمبنــاك و اعليــه هذا زمان ٍ من زرع به ما صــرم وكل ٍ على ليلاه يبــدي مشــاكيـــه مـا كلّ رجّـــال ٍ تـشـمّــغ محـتـــرم ولا كلّ من جـمّـل كلامــه توافيــــه ما تحضن الكف النديّــه من هضـم أغلى الحقـوق و ذوّق المر غاليـه يا كيف حــر ٍ قـمّـتــه فـوق الـقمـم حـداه وقته ينتـزع ريشـه بـ فيـــــه والاّ عطـارد كيف بالزهــره صــدم و اتفجّـر من القرب مغلي و مغليه حتى الملـوك بنـارهـم صاروا خـدم كل ٍ جحــد للـذات لـو كـان تدعـيــه يـا عـلّ يمنــاً ما يدسّمهـــا الشحـــم تقطف خريف عروقهــا ما تداريـــه و ياعلّ يهنـأ بالوســم راعي الغنــم ما يـرتحـل ويطــارد الغيــم بالتيــــه ويـا علّ قلبـــــ ٍ مثـل قلبي ما سلـــم يصبـر على دنياً من الشـرّ تغنيـــــه شعــل بهـا نـــار ٍعلى راس العلــــم و اصبـح علـم للنـار والنـار تـلظيــه فيهــا بقى مشلول ٍ و أبكــم أصــــم ولا درى به كـود حرف ٍ يواسيـــــه يـلـبّـي و يبني لــه المعـنى هــــــرم وان جات هقوى بالتجـارب يلاقيــه لا يا قصيــدي ما معي غيـرك حكـم عنـدك حبيب وعـنـد قلبي معـنّـيــــه غـلاه في قلبي تقسـّـــــم و اقتســــم عهــد ٍ مربّيني و عهـــد ٍ مربّيـــــه شـوفي من العـلاّت يغشـــاه العتــــم كنّ العنـاكب تنسـج خيـوطهــا فيـــه لا والله اللي صبّ في قلبـي حـمــــم مْجـاوب ٍ غيـري وانا اللي منـاديـــه رويتـــه بـ دمّ الأنـــامـل بــالـقـلــــــم ثـم اعـتبــرنـي لعبــــة ٍ ما تسلّيـــــه هو الكريـم و قد ما اعطـاني حــرم يبيني اشهـد بيعـة الحب و اغريـــه هو الغـديـر اللي سقــانـي بـ الـوهم رمى لي بْجال الظمــا شوق ٍ ابكيــه هـو الهـوى علّق على قلبي سهـــم ليتـه بعــد ما حـلّ وسطــه مهـنّيــــه خـذاني الريشـه وعلى صدره رسـم صـوره لإنسـان ٍ وهـو حيّ ترثيــــه عليـه ثـقـل ٍ لـو تــداعبــْــه الـنســــم تـتـبـسّــــم بعـطــره شفـاه و وجانيـه واذا سـمـع منّي مـراسـيـــــل الألــــم جفنـه يغضّ احسـاسه و دوم يخفيـه المشكلــه مـالي علـى دربــــه قــــدم مأسـور ٍ بـحـبـّـه و عجــزان احاكيـه أنــا عـطـيـتـــــه أجمـل وأحلى نغــــم وهـو عطـاني عن غرامــه مبـاديـــه دامــه من اللي لاحـظـــه فيني فهــم لا ينتظـر منهــو عـن الصبّ ينبيــــه أمـانـتـــه قلبـــــ ٍ من الوقت انظلــــم إمّـا يـهــــزّه بــالـغـــلا أو يـهــدّيـــــه والاّ يســاقـيـنـي الهـوى من كل جـم مــا دام عينــه بيّنت حبّ مـدمـيـــــه ليتـــه يحسّ بـ خـافق ٍ مليـــان هـــم ألفين قــاف من الولـــه ما تـكفّـيــــه |
|
|
|
|
27-12-2018, 04:41 AM
|
#11 | |
|
أبعد قريب
|
أحب كتابة النثر لكن لا أجيد الكتابة بالفصحى فأرجوا المعذرة مسبقا و أتمنَّى أن ينال هذا النص استحسانكم .... لو ملّت اطراف الحنين تلوّن المعنى ... بــ اعيــــد و يا عسى وبل ٍ سقاني رحمة ٍ .. مـاهو وعيـد وحيد لكن للأسف من يعطي الكلمه نظر من ساكنه بيت القصيــد أعيش في دنيـــا غريبــه مثلهـا جرحي غريب ما بقلبي غير صوره عانقتني من زمــان والمكان اللي أزوره مابقى لي به مكان ولو لصوت الآه فيني صوت رعّـاد و بريق ينبت بروحي ظلام و ما لمس بوحي رقيق ... ( وحيد ) ماتعني ( لحالي ألمح ظلالي سؤال و ساهرٍ في ليل بالي ملتهي ... ملهي و نبضي مغترب في عين غالي ) .. ( تعني ) انّي رامي ٍ بيـدينكم قلبٍ عنيـد و بـ صراحه تعني اجرح كل شريان و وريـــد إيه يا جرح ٍ طرقته تايهٍ يمّك طريق يالصديق اللي صدقته كيف لا خانك صديق كيف لا صارت عيونك تنطمس بالنور طمس و كيف لا بشّرك باكر بالرمس في جوف الامس !؟ فلا تصوغ لناظرك عقدٍ فريد و لاتقول اسبق عذابي و انتحر لا ما يفيد وما يسمّى كل غرقان ٍ شهيد .. بعيد مالي من سراب آمالي الاّ زود بعد و لي خفوق ٍ كل مازان الطرب نوحه يزيد ليت من فارق حبيبه فرقة الميّت .. يطيب ـ البلا ـ حرف ٍ يموت و يدفن بـدمّــه سطور .. لو دروا بـه حي في صدري يغنّي لكل حي .. و للوجود احساس حيّ ٍ غارق بليل الصدور و من طفى نوره بـيـــدّه يندفن ما شاف نور يا ضميري لا تغرّق هالسطور بلا ضمير لو سمعتك .. منهو اللي يستمع لاهل القبور .. يالقـدر صدري وسيع و داخلي عمري يضيع من أكون و من يكون اللي يحس بـ هالوحـيــد و يمحي الكلمه من أيامه و لا يرحل بعيـد |
|
|
|
|
27-12-2018, 04:42 AM
|
#12 | |
|
أبعد قريب
|
يا نجم يا نجم يالّلي رعاك الشوف دون المجرّه سـريـت عنّي و انا عـيني لـ ضـيّـك رقيبــه تركـتـني في دجـى ليـل ٍ بلاني بـ شــرّه غريب واصدق معاني الحب صارت غريبه حـرام و اللّه يا مـن صـرت للعـيـن قــرّه تـخـلّـي الّلي بــدا فـي حبّـكم يـنـتـهـي بـــه ياليت قـلبـك يحـسّ بـْ لوعتي بس مــرّه و يروف بالّلي جنى دون المصيبه مصيبه بدايتك لمتني في من خذا القلب و غـرّه واخـذت قلبي و معه الـرّوح راحت سليبـه يا معـذّبي وان خذيت البـال يهنـاك فَـرَّه لكـن بـربّـك مثل مآ اخـذت بـالـي تـجـيـبــه ماني بْـ طير ٍ يجاذب ماه من قـآع جـرّه نعم شربت الغـلا والـسّـيـل مشـدي نحيبــه ولاني الّلي لـبـس ثـوب ٍ توَهَّـم و زرّه ولا شفـع لي سوى صبـر ٍ لـراسي يشيبـه المشكلـه ما حد ٍ لو يشتكي القلب حـرّه يكـفّ دمـع ٍ من اسبـاب الشـمـاتــه يذيـبـه على حبيب ٍ غـدى بين المحـانـي مقـرّه ياليت يـدري بـلاه الـوقـت كيف التهي بــه ما اقول غاب و جحد للطّيب مثقـال ذرّه لكـن أقـول الأصيــل يبـان حــزّة مـغـيـبـــه أنا ادري انّ الكلام الّلي خفى ما يـغــرّه و عارف انّ الغلا الفيّاض عيب الحكي بـه ألاحظ الخوف بعيــونــه بـ حلوه و مـرّه وانا أبـد ما طلبت مْن الهــوى ما يـعـيـبــه إذا على الحب دسّـيتـه بـ قلبي و صَـــرَّه واذا على القُـرب في ليـل الجفـا ملتقي بـه و اقـول واللّه تـرى ما حــدّ قلبي و طَـرَّه سوى شعـور ٍعجزت اعرف خباله و طيبه يا نـاس خـلاَّني الغـرقــان لـكـن فِـ بَــرَّه وين النّجـاه و بَحَـرْهْ الّلي يطبّ يغَـدي بــه وان جيت للحقّ ماعندي سبب و آتشـرّه لـكـن خـوفـي عليـه يـزيــد فـيـنـي لهـيـبـه أبيه يسعـــد بدنيــاه و يـلاقـي المـســـرّه حتَّى و لـو مـا بقى غير الحيــاة الرهيبـــه إذا هـنــانــا على كَـفَّ الـمــأآسـي مـبـرَّه ما بالحزن مـا يجـرّحنـا سـوى انّـه غليبـه و اذا قَـلَـقْـنــا على منهو عشقنـاه ضـرّه أبـ ابتـعـــد قـبـل مـا قـلـبـي يهينـه حبيبــه |
|
|
|
|
27-12-2018, 04:44 AM
|
#13 | |
|
أبعد قريب
|
بَرَّآق نآب آه لـيـت القـلـب مـمّــا جـــاه طـــاب والـــدروب الـلــي مـشـاهـا زلّــهــا وليـتـه الـلـي سـامـرٍ بالـذّنـب تــاب مـاخــذا مــــن كــــل ديــــره دلّــهــا لـلـعـتـاب قــلــوبٍ تــظــنّ الـعـتــاب فــيــيّـــةٍ مـايــســتــراح بــظــلّــهــا مــادرت انّ القـلـوب الـلـي تـهــاب مــن الـهـوى مــا تستـريـح بخلّـهـا إيــه يــا دمـــعٍ مـــن الـخــلاّن ذاب لـــو عـذابــي مـلّـنــي مــــا مـلّـهــا كيف بانساها و بعض الشوق جاب مـــــا يـخـلّـيـنـي أبـــــوح لـطـلّــهــا دامـهــا عـذبــه نـهـايـات الــعــذاب خـلّـهــا تــقــرأ جــروحـــي خـلّـهــا كــل جــرحٍ خــطّ بــابٍ فـــي كـتــاب و كــــل حـــــرفٍ تـلّــنــي مـاتـلّـهــا دونـهــا لـيــلٍ و نـجــمٍ فـيــه غـــاب مـــا سـتـرهـا لـيــن بــانــت كـلّـهــا للـشـفـايـف دلّــنــي بــــرّاق نـــــاب و مـا سريـت الاّ أبــي أوصــل لـهـا |
|
|
|
|
27-12-2018, 04:46 AM
|
#14 | |
|
أبعد قريب
|
حالة المجروح حالة المجــروح ياللي تســأليـن مـا تـســـرّك كـان تبغـين الخـبــر لا تهينيـن الدمـــوع و تـذرفيـن و الحـذر لـو فــاد مـا يمنـع قـــدر لا تـغــرّك ضحكتي لاتـضحكيـن عـزّي الفرحــات و انعيهــا شهـر جرحي اللي ما يــدارى ما يبين قاسي و ما لـيّـنــه صــوت الوتـر لـه سنين و مـا تغـيـّـره السنين الوعــد ويـّـااه بـ اعتــاب السهــر لا تلاقينا وهـجــرس بي الونين إلتقيتك هــاجــس المـوت الحمــر أسـألـك بالله يـ الطـرف الحـزين يا نـظـر عيني و يا بــآهي النظـر وشهو التـحنــان لو مابـه ظنين وش هم العشّـاق لـو كـل ٍ هـجــر الشعــور اللي هـقـيتـه مستكيـن إرتعش من همسك العذب وحضـر والشجن ميّل غصون المهتويـن والغيــوم التــآآعـت وهلّت مـطــر الهـوى يا مـلّــة الحبـــ الـرهيـن العنـــا ثـلـثـيـنــه و ثـلـثـــه قـهــر والزمــان اتعب قلوب العـاشقين والأمــل أوّل تـبـــاشـيــره خـطـــر والصّبر منفـى عـزوم الصادقين لا نـسـآآهــم في مهـاميـه السهــر لا متى هـالقلبــــــ ما يلقى حنين لا متى و الليـل يجفـــآه الـقـمـــــر يا حيـاة الـروح ابـد لا تـزعـليـن العــذاب لـ بــــوح مكـنـونـي أمــر آآمـريني واـبشـري باللي تـبيـن والعيون فــدآآك و آآنـا والـبـشـــر لا تظنين ابتعـــد لو تـجـرحـيــن الجـروح لـ يآبـس عـروقـي نـهــر كلّنـا بــاحساس واحـد مبحـريـن هـايمين و ما حــد ٍ خـان او غــدر الخواطـر هـمسـهـا الوافي دفين والعهــد منقـوش في صـدر الزهــر و كلمةٍ بـ آقولهـا لك لـو تـجـيـن ما يـســـاوي حروفهــا درّ البـحــر |
|
|
|
|
27-12-2018, 04:47 AM
|
#15 | |
|
أبعد قريب
|
حنين القلب حنين القلب .. معناه الغيــاب لـ فـكــر ٍ لا قسى قلبي حضـر معـاه اظمتني وعـودالسـراب وضيّعـت البصيــره و البصـر ينــادمني مثل كـاس الشـراب و يحكي لي مواجـيـع البشــر يـذكّـر بالعـبـر اهـل الصــواب و من يستغـفــر المولى غـفـر ألا ليت الغـنيمـه و المـصــاب تـذكّــر من تـغــشـِّــاهـــم غرر و ليت النّــور يفهـم ليه غـاب ومن بعــد السّـكـر تأتي الفكـر إرم ذات العـمـــاد من العــذاب بعد شوف العيــان امست أثــر أنا ما انـكــرت ربي و الكتـاب ولا خـطّـيـت آيــــه بـالصخـــر ولاني بـالّـذي لا اقفيت عـــاب و لا من قــاده الشـوك لـ زهــر بــلاي مـن الــذي لا حــنّ ذاب و صـبّ آلآمــه بصـدري نهــر هـذاك القلب ما يحسب حساب سـوى لعهـــوده ولو ما انتصر دعــاه الحبــــ و لبّـاه و أجـاب وعــانـق بيض صفحـاتي مطر فــؤادٍ مـع هـمـالـيـل السحــاب غـمــرني بالأمــل ثـم انهـمـــر روى بالـدّم صحــرا الإغتـراب ولـيـت الغــرس جـانـا بالثمـــر ألا يـا خــــافـق ٍ ذاق العـقـــاب من اقـــدار ابــن آدم لا مـفــــر إذا جافـاك مـيـثـــاق الصحــاب خــــذ الـمـيـثــــاق للي به أمــر وقــل يا الله لـك عـبــدك أنـــاب و تـعــرف بعـدهـا ويش الخبـر وتعرف من يُهـــاب ومن يَهاب وتلمس وصلـه بـ نصف العشر إذا شـــآب الطفـل قبل الشّبــاب تـراهــا من نـواقـيــس الخطــر واذا المجــروح بالأوهـام طـاب بقى تـحـت امــر خـلاّق البشــر لـيــوم ٍ سُمّيَ بـ يـوم الحســـاب إذا بــه نــاسـي ٍ لـلـمـسـتــقــــر |
|
|
|
|
27-12-2018, 04:49 AM
|
#16 | |
|
أبعد قريب
|
يا قوّ قلبك يا قوّ قلبك لا تنـاسى و زَعَل و اقفى و عن شوفي تباعد مداه ما الوم .. لكن ما هقيته رحل واغناك حتى عن فروض الصلاه خابرك معذور ٍ ولا بك زلل ومالك على ترويض قلبك جداه مثلي ولكن ماصرفته هلل أطيع قلبي مير ماني فداه ذكّرتني من لهفتك للغزل بالحب و آهآته و أوّل مهاه عوّدت بي للهاجس اللي همل أصدق تعابيره بـ ماه و دماه بلاك ماتدري بسهم ٍ نزل في خافق ٍ ما عذّب اللي رماه شي ٍ على التوصيف ما هو سهل يجمع من الماضي لجرحي عزاه قلب ٍ على مدماة شوقه سدل واخفى عذابه لين ما بهواه من غالي ٍ له في ضميري محل لا مالقاه المغرم و لا نساه اللي ذبحني فيه طبع الخجل حين استمال و هامستني شفاه هو مترف ٍ بالحسن ماله مثل من رقّته حسّيت موتي نجاه أثر المحبّه موت ٍ بلا مهل في كل حين تجرِّع الصبّ آه ياما غشاني من فراقه وجل واغليت في غبّ المحاجر سناه مستقبلي أرسيته مْن الأزل لعيونه وما نلت مرّه دفاه راح و تركني فوق ذاك الجبل أنقش حكاية حبّنا في حصاه واعيش وحدي بلا حبايب و اهل ولا منزلٍ غير المسا في خلاه لاشك بالفكر المتيّم خلل والقلب ماظنّيت يعشق سواه أبغاه لكن لو حصل .. ما حصل والله يصرِّفنا على ما يراه ياصاحبي ما قلتها لك هزل هي قصِّتي و الجرح لبًّى صداه صوت ٍ على ونّات شعري حمل معنى الألم و الهمّ للي قراه في مرتع ٍ خايلته احلى نهل و اثْره يغثرب كل صافي صفاه في غبّ صدري لابس ٍ له حلل من جوهر ٍ وصله بقايا جفاه و اقول : ما عذّبني الاّ الجهل حين استباح العمر كلّه وراه يموت فيني كل لحظه أمل والذكريات تزيد فيني لظاه وان بان بالصفحات لا ما اكتمل الهاجس الباقي يداري غلاه والمشكله مادام فيها جدل كل ٍ على مسراه يلقى جزاه نصيحتي لاصار مالك بدل عنها ولا لك من بَعَدْهَا غناه شاور حكيم ولا تشاور خَبَل ما من تصاريف المولَّع هناه من سار في درب السلامه وصل ومن هان ساسه ما تعلاّ بناه ومن لاتوقّع.. لو بدى له شِكَل مرحوم قبل الموت ياخذ مناه مايولج بـ سـمّ الخياط الجمل وما كلّ ينبوع ٍ يطيب اِلْك ماه الليل يسبي ما عطاك بـ عَجَل واللي يذوق البرد يبكي عباه و مادام طبَّك في مرير العسل خايف تصير اللي بـ كحله عماه والاّ العمي لو كان شوفه خذل يميِّز بقلبه مواطيء خطاه واذا رضينا منك سوء العمل لاواحسافه كان عقلك رضاه خل الجهل و لكل علم ٍ أجل وما كل ما نسقيه يحلى جناه جرحك سبايبه الفراغ و ملل والقلب يحييه الأمل بالأناه آسف إذاه مْن الحقيقه زعل و اقفى وعن شوفي تباعد مداه |
|
|
|
|
«
الموضوع السابق
|
الموضوع التالي
»
العرض العادي
|
|
