بيـــرق الاحــزان

تعبت اكذب على نفسي واجامل والعذاب الوان = تعبت اتصنع الضحكه وامش بكفي دمعاتي
غديت لغربتي ديره علمها بيرق الاحزان = يرف اليا قرب فرحي لجل ينهي مسراتي
حياتي كلها شعري وشعري للحزن عنوان = وعنواني تعب دربي وبسمه تكره شفاتي
اسولف واخفي العبره واضيع بعالم الكتمان = وانا وان جيت ابي اضحك عذابي يجرح لهاتي
تصور صرت اشوف اني بقايا في جسد انسان = ادور للحياه مرسى لجل انهي محطاتي
اناظر للبشر حولي احد يضحك واحد فرحان =وانا مجبور اسايرهم لجل اخفي عذابااتي
انا قصه يبعثرها زمن ما يأتمن خوان=وابي لو يوم بس واحد احاول اجمع شتاتي
حبيبي العذر منك وابسكت واخفي الحرمان =اخاف دموعي تخذلني واكسر عزتي وذاتي

وســــلامتكم
اخووكم اوراق شـــاعر
بقـــــلمي
مـــن ارشيفي

صح صح صح سانك لين تقول خلاص
سجل المرور والتقدير وكل الشكر والاعجاب بهالجزله

ساقف واصفق لك على هالجززززززله
فالله دررررررك يالقرم

الشاعر علي العصيمي
لا جــديد سوى الابدآآع الا متناهــــي, كلمات جزلة وراآآقية جداً
تناغمت ع اعزوفة الحزن الكبير,, كلمات نسجت بماء الذهب , اتمنى لك
حياة خالية من كل الأحزان.. وان تعيش بحياة بعيد عن مايكدر صفوك
صح لسانك ملايين . وقلمي يقف عاجزاً حائراً امام شموخ سموك
دمت شلالاً من الابدآآع لا ينتهي يالنشمي... انتظر جديدك المميز
تحية مملوؤة بالود والتقدير لك

عــلــي آلــعصيــمــي

صـح لســآنك أخـوي ..قصيده في غـآية الجمـآل وأبيـآت شعريه متنـآغمه مع بعضها البعض..أتمنى أن تتحفنا بكم هـآئل من قصـآئدك مستقبلآآ

تحيــآتي لك

اناظـر للبشـر حولـي احـد يضحـك واحـد فـرحـان****** وانـــا مـجـبــور اسـايـرهــم لــجــل اخــفــي عـذابـااتــي

صح لسانك ..وصح بوحك ع الجزله ..

صح لسانك

ولاهنت على هـ الفاخره

تقديري,’’

يامرحباابك يالغالي محمدالرووفي

لاهنت علي التواصل الكريم
وصح الله بدنك


دمت سالم غانم
ولا خلا ولا عدم