سـماء نجد

أنا واحد يضحك حجاجه وصدره غلق
يبي ضحكته وظروف الأيام ما نعته
تحده على جور الليالي وبعض الخلق
وهو يدري إن الناس م هيب نافعته
تدور الليالي بين ضيقه وعبرة حلق
وأنا الطيب اللي دورة الوقت موجعته
أجامل وأنا دمي حياوي ووجهي طلق
وصبري بـ صدري لا شريته ولا بعته

اتسلا … و اتطرق مـع جداد الطروق
ماحذرت القاف .. لو المعاني حاذره
ياربيع القلب من عقب سيلت العروق
ليه حبك .. ماطلع في ضميري باذره
المشاعر من هويتك لها ارعود وبروق
في هوا غيرك تقـول المشاعر …ناذره
مير قلبك لا متى من تصاديده يفوق
لا عذرته يوم … يومين ماني عاذره

]ألا يا زمن ما دمت برْضى على المقسوم
علامك تحاول تأخذ اللي على ايْدَيّه
وأنا والذي يعلم بالأسرار دون علوم
عزيزة مخابر وأعرف القصد.. والنيّه
لك الله ما ذْكر في حياتي تلاشى يوم
وأنا احس به نفسي نوت تقترف سيّه
كرهت الخيانه.. والخيانه عمل مذموم
تنافى مع أهداف القلوب الشــماليّه
سرابي خيالي واستوى لي على المنظوم
صدى صوت حزني والأماني خياليّه
على من طعني في شطر سيفه المسموم
صباح الفرح وأحلام الاحفاد ورديّه
زرعتك يا زمن لكن جنيت الآسى واللوم
كسرت التعب وعيون غدرك حواليّه
احاول اهدّي من غضب قلبي المهموم
وأنا بين نار الغبن وأشواقي الحيّه

غنج نجد

لا يامهنا وصار الحب غلطة عمر
غلطة عمر يامهنا مير يازينها
اللي لمغليك فالزله تدور عذر
وانت الخطايا تحرك فيك سكينها
الشوق صدري غدا لوسوم جرحه مقر
وانا البلاء يا مهنا ويني ووينها

لاتشتكي لي ياحاكم والقلوب الخضر
في هالزمن يابن عمي الله يعينها
انا عن الحب لامني نويت السفر
يردني حبي لمحبوبي بحينها
اللي غرامه مشبعني سرور وقهر
فاول سنين الغرام وتالي سنينها

اشكي لك من الجفا والوقت عيا يمر
دقايق جروحنا تمشي على هوينها
صحيح بعض المحبه للمحبين مر
والله احاسيس قلبي ترفع ايدينها
شكوى لله وانا ما عاد فيني صبر
هاللحظه اللي تونس خافقي وينها

تشكي وانا اشكي وللمقسوم وجهة نظر
اللي فصل في وقوعه بيني وبينها
غرواُ نحرها القمر في ليل خمسة عشر
والموت من رسمة الشفه ليا عينها
الفاتن اللي ملامحها تسر النظر
احبها من تغنجها ومن لينها

محبوبتي يوم اميز في بنات البشر
في جنبها الغيد لا فرقت يا شينها
الشيخه اللي تقول الخد مثل الجمر
ما ودك انها تنوش القاع رجلينها
ضامر خصر كنها جيعانة من دهر
لا والله الا غدينا من مساجينها

النوم ما شافته عيني وذقت السهر
يا الناعمه نومتك من وين تلقينها
مرت علينا الليالي بالفرح والكدر
لحظة غيابك ما كنا صدق حازينها
خلاص ما عاد نبغي للمحبة ذكر
يالحظة صدق ما كنا متمنينها



https://www.youtube.com/watch?time_c...&v=dzeLpxuFxbc

يوم طار البريقع شفت لي فيه شاره
شفت شرقة خديده مع رهيف الثماني
الامبيسم حماره ساطعنأ في عفاره
والثنايا تشادي زهرة القحو ياني
اه ياليتني بالصدر موقع زراره
فوق مقرن نهيداته يقرر مكا ني
احتمي في حشاها عن سموم وحراره
وسط جو المحبه صافيلي زما ني
من ملكها بداره مالكله اتجاره
في حياته بخيت وفي مماته اجناني

ينجرح قلب لكن ترتفع هــــــــــــــــــــامه
والله اني أموت ولا انحني راســــــــي

لورماني زماني وسط دوامـــــــــــــــــــــه
العواصف شديدة والجبل راســــــــــــــــي

انقل الحزن وامشي منتصب قــــــــــــامه
قاسي الوقت لكني بعد قاســـــــــــــــــــي

واسمع الحلم يصرخ لحظة اعـــــــــدامه
رابط الجاش ماهز الخبر باســــــــــــــــي

عزتي غالية والناس ســـــــــــــــــــوامه
قلت ما اطيع حتيى تقطع انفاســـــــــــــي

زانت ايام عمري شانت ايــــــــــــــــــامه
مارجيت العزاء من رحمة الناســـــــــي

من عجز لايدوس الهم بقـــــــــــــــــدامه
لازم انة مع الايام ينداســــــــــــــــــــــي

يندمل جرح قلب ماتت احــــــــــــــــلامه
بس ما ظن يبرا جرح الاحســــــــــاسي

يوم صارت مابين القلب والـــــــــهامه
ويش ابي بالحياة اليا انحنى راســـــــي