آخر 10 مشاركات |
|
نصوص شعريه وخواطر من ذائقتكم .. مرسى ملفات الـقصائد والخواطر المنقوله .. |
انشر الموضوع |
|
أدوات الموضوع | انواع عرض الموضوع |
04-09-2018, 10:38 PM | #1 |
|
ألجوهره أهداء خاص
البارحه جاني من الشوق مرسال الشاهد الله يوم شفته تهنّيت من جوهرتنا ذربة الحرف والقال أصدق مشاعرها لمسته وحسّيت أبيات صاغتها جواهر على آل عجزت أنقّي من غلاها ولا بيت عريبة المنسب من العم للخال من طيّب النّبته تبين المنابيت أغليتها لاشكّ والقلب ميّال طبعي إذا حبّيت من قلبي أغليت جت فوق هقواتي على كل معدال الله هداني يوم فيها تهقويت ليت المعاني تنتظم وسط سلسال وانظم ثمين القاف والشعر ياليت والله لالبسها بلا شك واختال وافخر بها بين الملا لاتباهيت يالجوهرة لاتشغلك بعض الأحوال لايشغلك حالي إذا غبت وأبطيت وسط الحنايا لك من الجال للجال سيرة غلا ماتنتهي رحت أو جيت ولك في عيوني ياغلا الروح منزال وداخل رياض القلب شيّدت لك بيت بعض الغلا يثبت كما تثبت جبال حتى ولو أبطيت عنه وتنحّيت ولايشغلك ياغالية هرج جهّال لاتزعجك بعض العلوم الفتافيت بعض الرجال المعذره ماهم رجال ماتعرفين الحي منهم من الميت البعض مايسوى ولايوصل ريال ويخيس لو حطّوه وسط الحوانيت كذّاب في غالب هروجه ومحتال ومايحمل إلا الشر مثل الطواغيت لو بحسب الشينه ترى ليلنا طال أزرى المربّي ( مثل ماقيل ) وأزريت والبعض لا والله صناديد وأشبال يطير لانادوه مثل العفاريت خفيف نفس وللمواجيب حمّال ولايترك المسجد بكل المواقيت ثابت على مبداه لو مات مامالل اشفت مثله داخل القلب سمّيت لكنّهم قلّه مثل حبة الخال في وسط قفرا كلها هيت في هيت ياللي تحسب المرجله هرج وجدال زليت في ظنّك بلا شكّ وأخطيت المرجله ماهي ترى كثرة أموال الفقر ماعيّب قروم وشفاليت والمرجله ماهي ترى بشت وعقال ونتفة شنب لاحكّه الموس صديت والمرجله ماهي خلق ثوب وسمال وشماغ من كثر النشا به تنشيت وتطرد بنزواتك ورا كل خلخال ياكم لقيت من المهانه وهجّيت والمرجله ماهي ترى هرج جوّال وتعيش لحظاتك خداع وتناهيت لاهمّتك زوجه ولاهمّك عيال راحت حياتك بالسخافات تشتيت المرجله صدق المواقف والأفعال وسلوم مايقدر عليها الهلافيت وختامها يالجوهره سترك الفال يحفظك ربي كل مااصبحت وامسيت وحبّك ترى مايثبته قطع ووصال مادام لك في خافقي يالغلا بيت مما راق لي خيال |
الخط يبقى زمنا بعد كاتبه ،،، وصاحب الخط تحت الأرض مدفون |
04-09-2018, 11:25 PM | #3 |
|
قصيده جزله وأبيآت رآئعه
يعطيك العاافيه خيال على الاختيار الجميل والنقل المميز ومشكوور على الاهداء أخوي الغالي انت كريم وأنا باستآهل ههههه وختم تميز تستاهل القصيده لجزالتهااا |
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك |
05-09-2018, 12:31 AM | #4 |
|
صح لسانك ولسان شاعرها
قصيده جزله ورائعه يعطيك العافيه خيال على النقل وتستاهل الجوهره الاهداء لاهنت |
|
05-09-2018, 01:36 AM | #6 |
|
الصح ذوقك واختيارك خيال
وجوجو تستاهل كل خير لاهنت |
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل |
05-09-2018, 03:40 PM | #7 |
|
جميل وابدااااااااااااع
تستاهل جوجو |
فِــيَ صَــمَــتــيَ كْــلآم ْ.. مَــآ يـَـفــهَــمَــهَ كِــلْ إنــسَــآنْ وفـِـيَ شِــمَــوَخِــيَ مَــهَــآبــَه تِــعَــدَت كِــلْ الأوَطَــآنْ !! |
06-09-2018, 06:28 PM | #8 |
|
خيال
يسلم ذوقك الراقي ياذوق انتقاء جميل وتستاهل مراقبتنا الاهداء الذوق شاكره لك جهودك ومجهودكً تقديري لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
|
|