هنا .. سجن القوافي !!

الجو روعة وانت اروع من الجو
‏والغيم عالي وانت اعلى من الغيم

‏يسعد عيوونك جيت في هاجسي تو
‏حفلة مطر وانا وقلبي معازيم

خيال مطير ,ناصر الهواوي معجبون بهذا

روعه يالجوهره صح ذوقك وهلا بك
صح نقلك يالخيال ومرحبا بك
ــــــــــــــــــــــــــــــــــــــــــــــــــ ـــــــــــــــــــــــــــــ
ساكن ورايق والهواء عذب ورشاش
في مجمله ينقال جوٍ رومنسي

بس الفكر من كثر ما فيه منداش
ياليت ما يطري على البال منسي

واقول له لو لد للخلف ما هناش
ويقنع لو ان الراس من ساس عمسي

خيال مطير معجب بهذا

لو ضاق صدري طفت برياض الاشعار

أحيا بها وأقطف نوامي ثمرها

يسلى بها فكري على الذوق يختار

ما أحتار كيف أنضد غرايب زهرها

أنقِّي الصَّافي وأصفِّيه تكرار

وأرويه من جرح شباتي حفرها

وأهديه للغالي مع الحب تـذكار

هي جذوة الفكرة وأنا أرسم صورها

وان ضاقت الدنيا تخطيت الاسوار

وأتعبت روحي لين أعدِّي خطرها

سَلَّمت ربي حيلتي قبل الاشوار

وأكرمت نفسي لا الزمان يحقرها

أشقى بها وأرقى بها عند الاحرار

فوق الظَّلام العين يصفي نظرها

ما نيب أضيق بحمل الأيام لو جار

ما أعاتب الدنيـا وأعاند قدرها

الشوق في نفس تَعَرَّض للاخطار

يبلى الجَهَد وعقالها ما زجرها

بيني وبين أحلامها النُّور والنَّار

وأسرار وأطوار المسار تعسرها

غَمَّضت عين تنظر الشين والعار

وأطلقت روحي للجمال يغمرها

يا نعمة الباري تواشيح الاطيار

في مهجة حب الخليقة عمرها

في كل شي أحلام وأنغام وأنوار

وأفكار ما يدري بها من هجرها

ما توجع الماشي طويلات الاسفار

لي صار عدلات الدروب يخبرها

ناصر الهواوي معجب بهذا

ارحب يالخيال وصح نقلك
ــــــــــــــــــــــــــــــــــــــــــــــــــ ــــــــــــ
ضيق الصدر مهما حصل مايزيله
الا الذي سبب له التك والضيق

ماجور صدر دوم ضيقه نزيله
راعيه وجهه شاحب وناشف الريق

ما يشبه الــ ليل البشر طول ليله
يفرح ليا طالع سنا صبحه امويق

له سجة ابـ بحر الطواري طويله
يسبح مجاديفه عذاب الطواريق

خيال مطير معجب بهذا