محمد العواد ضيفنا على كرسي الأعتراف

ارحب يا بوسيف، لازلتُ مستمتعاً بهذا الحوار رغم إجاباتك الدبلوماسية :)

والشكر الموفور للفاضل محمد الغنامي لاختيارك، و لجلالة الملكة لأنها أجلستك على هذا العرش ..

صديقي أبوسيف ..

لن أسأل .. لأن علومك كلها عندي
لكني أبي أنبش من ذاكرتك قصة وقصيدة، وأتمنى أن أقرأها في هذا الموضوع

قصيدة السفاري والردية بينكما وقت المقناص والجو حار ..
يوم تخبط مكينته وتبلش بطيورك هههههه


وتقبل مروري أيها الصديق النبيل

اقتباس:

المشاركة الأصلية كتبت بواسطة سعد المختاري

ارحب يا بوسيف، لازلتُ مستمتعاً بهذا الحوار رغم إجاباتك الدبلوماسية :)

والشكر الموفور للفاضل محمد الغنامي لاختيارك، و لجلالة الملكة لأنها أجلستك على هذا العرش ..

صديقي أبوسيف ..

لن أسأل .. لأن علومك كلها عندي
لكني أبي أنبش من ذاكرتك قصة وقصيدة، وأتمنى أن أقرأها في هذا الموضوع

قصيدة السفاري والردية بينكما وقت المقناص والجو حار ..
يوم تخبط مكينته وتبلش بطيورك هههههه

وتقبل مروري أيها الصديق النبيل

ــــــــــــــــــــــــــــــــــــــــــــــــــ ـــــــــــــ

ههههههههه يابو مشاري انت من وين طلعت لي الله يهداك هههههههههههه

أبشر غالي والطلب رخيص يا طويل العمر

طبعا هذي زي منت عارف لها قصة ولها سبب
وسببها هو اني كنت أقنص على جكسار مريح و جديد
وحبيت اريحه واخذ لي موتر قديم للبر وللمقانيص
وشريت البلوى هذا ((النيسان)) مودييله قديم
ومع ذلك ما قصر معي اخذته نظيف

و قنصت عليه سنتين ماحطيت به ولا ريال
وتعطل ببداية الحر يعني بنهاية وقت المقناص
ووقتها أغلب أخويانا كانو رابطين طيورهم قبل حوالي شهر
يعني الجو حار والقاع نفود ورمضاها مثل ماهو معروف تبوّخ القايله

وزبنّا مخيم لراعي ذود الله يذكره بالخير حول لينه
((لينه تقع 100 كم جنوب رفحاء على طريق حائل سامودا))
فما كان موجود الله يذكره بالخير ولا جانا الا المغرب وحنا من الضحى بمحله المهم قهوانا و سحب موترنا يم لينه
وصلحناه ومشينا لديرتنا أنا وخويي
وربطت الطير من بكرا هههه...
و قلت فيه الابيات وانا ماكنت
ادري انه شاعر ولا ماتحرشت فيه
.
.
.
.
قلت :

خسران يالنيسان يوم اشتريتك = لا واخساره فيك يوم افرق السوم
للبرّ و لقطع الفيافي خذيتك = ما كنت أحسب انّك تعطّل بي اليوم
ياليت ما دوّرت عنْك ولقيتك = طير السعد جكسار مهو انت يالبوم

رد النيسان علي يقول :

يا صاحبي للي خلقنا شكيتك = معاك انا مبطي يابو سيف مظلوم
لا تقول انا خسران يوم اشتريتك = عقب العذاب العام تشمت بي اليوم
يا شين انا ما اوقفْت من يوم جيتك = انا بلاي سواقتك واترك اللوم
ياما مع فجوج الفيافي خذيتك = يوم انت ترقا بي على كل مزموم
(( عامين والجكسار في ظل بيتك = وانا تقلّبني بجيلان وحزوم ))

قلت :

يا موتري في خلط ميّك لزيتك = معذور مايلحقْك يا موتري لوم
ودّعت ظل البيت يوم اشتريتك = أنظمت عقب العز وأصبحت مضيوم
والطير انا كان لمهدّه وليتك = تضرب مثل ماقلت جيلان و حزوم
راعي جميل بكل درب بغيتك = من جيت وانت تدور بالبرّ وتحوم
اليوم بالتصليح والصلح جيتك = بس الوعد يا وسمت القاع بوسوم

(( يعني مامني فكه يالنيسان هههههه ))

وسلامتكم

والموتر عندي إلى الان ولا افرط فيه ابد هههههه

وقلت فيه ابيات تشجيعيه غير هذي ... طبعا بعد ما صلحته وارضيته :

يا موتري لازم مع دروب راعيك = تصبر على جلعد نواظر ولوقه
تصبر ولو ضرب الوعر مثّرن فيك = بالذات يا تلّ النداوي سبوقه
راعيك هذي رغبته يوم يشريك = نفسه على قطع الفيافي شفوقه

وسلامتك يابو مشاري وسلامة الجميع..

محمد الله يعطيك العافية

اقتباس:

المشاركة الأصلية كتبت بواسطة الملكة

محمد الله يعطيك العافية

أهلا أهلا بالملكة

نورتي طال عمرك

الله يعافيك ويخليك

بعد ماتم اطلاق سراحي

أتوجه بالشكر الجزيل لجميع الاخوه والاخوات على هذه الروح الطيبه

أشكر ابو بندر على اختياره لي وأشكر من سألني والشكر موصول للمبدعه المتميزه في حضورها

اختنا الملكة وأنا أختارها بعدي لتشريف كرسي الاعتراف

شدي حيلك يالملكة والله يعينك

تقديري واحترامي

ياسلام عليك شاعرنا
حضورك مميز واجاباتك رائعه وممتعه
وتمنينا لو انك طولت اكثر بالكرسي
صح لسانك ع القصه والقصيده والله الطير عزام والنيسان ان شاء الله

اقتباس:

المشاركة الأصلية كتبت بواسطة محمد العواد

بعد ماتم اطلاق سراحي

أتوجه بالشكر الجزيل لجميع الاخوه والاخوات على هذه الروح الطيبه

أشكر ابو بندر على اختياره لي وأشكر من سألني والشكر موصول للمبدعه المتميزه في حضورها

اختنا الملكة وأنا أختارها بعدي لتشريف كرسي الاعتراف

شدي حيلك يالملكة والله يعينك

تقديري واحترامي

محمد الله يعطيك العافية وسعدنا بتواجدك

اتحت لنا ان نتعرف على نسان فريد من نوعه يحمل كل هذه الطيبة

شاعر بمعنى الكلمة

رسمت الابتسامة وسطرت لنا اجمل الحروف

الشكر موصول لاعضاء رواسي

\

شكرا على اختيارك

ههههههههه

ملوكة شدي حيلك يادبه