اعاصير الوريد(خاصة )

لو تخاوينا رديف (ن) مع رديف = تقتدي بي كل ما زاد العسام
و لو سكنتك ليل في وادي مخيف = ما ترجيتك تبدد للظلام
اعرف إن الليل له جنج (ن) لطيف = تحت جنحه يختفي بدر التمام
واعرف إن الليل نسناسه خفيف = فوح مسك إليا ابتديتي بالكلام

والله اني ما اتغير عن مبادي القديمه = كود ضلع طويق يتغيّر ويرحل عن مكانه
إن صفا جوي يجيك الشعر يالمجمول ديمه = و إن تعكر ما يجيك الا رشاش (ن) حسب اوانه
النباهه والذهانه ماتجي لي مستديمه = لا تشرّه و اعرف الاسباب ياالعقل الرزانه

يا صاحبي لا تحسب القلب مرتاح = نار الضماير في خفوقي لهبها

يا داعي الشوق متعة بصمة ابهامي = يوم اتجراء على الكلمة وعالمها
لا تدخلك ريبة (ن) من نزف الاقلامي = اكتب حروفي و وقت الجد اترجمها
عطني قوافي الشعر من حرفك السامي = واعطيك سامي حروفي و انت تفهمها
تسمو مزاياك بأخلاقك والإلهامي = عندي مزاياك في القمة معالمها

طفل (ن) غرير وفجعته توقد النار = فرقا شقيقه ولعت زود ناره
ماوده بفرقاه , جاثي ومحتار = لو حاولوا سحبه وقطعت زراره
و يقول للحكام يا مكبر العار = كم طفل قبله مات ما وخذ ثأره
و يطمح ليا منه كبر يأخذ الثأر = و دموع عينه نازفات بغزاره

سحاب الصيف في جوك علامه = يروج ولا هطل مِنّه غمامه
سحاب (ن) مركم ولا ناض برقه = عسى بشراه يا ولفي سلامه
ولو ماودي انشد عن علومك = مخافة لا تلحّقني ملامه

يا ليل وش عنده بعد ماضوى الليل = اشوف في جوه غبار وعسامي
ما مد لي من وافيات الفناجيل = اللي تقند كيف من جاه ضامي
قله ترى لسود الليالي محاحيل = تطوي الرشا للسانيه والمقامي
و قله اذا هو شاف من جانبي ميل = يقول لي ويبوج درب الظلامي

تعال قاسمني مقامات و اوتار = ونقسم حروف الشعر بينك وبيني
و لك من وريدي حرف اعاصير واعصار = وعن بعد لك مني ضحك حاجبيني