نزعل طبيعي لانة قلوبنا خضرا!!

تزعل طبيعي لانة قلوبنا خضرا

كانه موهّقك ( العذر )
إرجع ولك عندي عُمر
القلب مو شايل عليك
صدّقني , مولازم عذر

لـ تقول أدري جارحك
مهما تسوّي مسامحك
لاتعتذر إرجع ، أبيك
قلبي بدونك في خطر :

لو ما أبي القُرب ماقصّيت لك جرا ,
_____________ العمر ياخذ كثير أشياء ما ~ يعطي !
يا سارقه القلب وقت النوم والمسرا .. .
_____________ لو كان مابه حرامي نلغي الشرطي .
الليل | فاقد وجود : الليل ، والقمرا ,
_____________ جيب القمر ياحبيب الروح لا يبطي !
يإللي قريت القصايد ليش ماتقرا :
_____________ إحساسي إللي كتبته وصار هو خطي .
نزعل ! طبيعي ، لأنه قلوبنا خضرا .. .
_____________ لكن .. نفكّر قبل لا جرحنا يسطي !
جرح الحبايب يروح العمر ما يبرا ،
_____________ من أجل هذا السبب خل ناخذ ونعطي .
مثل البحر كنت وأدري غلطتي قشرا .. .
_____________ إرتاحي من قوّة الأمواج في شطي !
فْراقنا عن بعضنا قمة الحسرا ،
_____________ وإن شفنا أي عيب فينا لازم نغطي !
ألوان هذي الليالي ماهي بس حمرا ،
_____________ أرتاح لي يوم ويوم بـ يرتفع ضغطي .
لا آنا عيسى ولا إنتي مريم العذرا .. .
_____________ ما أبي أطوّل عليك .. ثنينا [ نخطي ] !

كيفك إزعَل .. بس موكيفك تغيب
ولا تطوّل بـ الزّعَل ، إلا ثواني
أجرحِك وأرجَع بـ لحظتها الطبيب
مايداوي الجرح .. أي إنسان ثاني
لو تروح بـ داخلك أبقى القريب
باخذك كلّي معاي ، ومامداني :
أوعدِك ، ما أجرحك بس اللبيب :
يفهم إنّي ما أكرّرها وأعاني
غصب عنْك تحبّني ماهو بـ طيب
ما أبي أقول لك : خلّك مُكاني
حبّني لو كان بي مليون عيب
وإقلب الدنيا إذا قلتلك عشاني
وإن جرحتك ياحبيبي لاتغيب
حتى جرحي له طعم ويّاك ثاني
إيه أناني فيك يـ أْكثر من حبيب
ومن لسانك صرت أحب كلمة أناني !

الوفاء طبعي

سلمتي ولاهنتي على هالطرح الجميل

راق كثيراً ما وجدته هنا بهذا المتصفح

سجلي اعجابي ولك أجمل تحيه

فــــــــــوــفـو
يعطيك الف عافية ياغلاتي, مقطوعات رائعة ولكنها لاتعلوا روعة منكـ
كلمات عذبة وراقية يسعد قلبك ع هيك اختيار وذائقة حلووة
لرووحك عبير وردي
وسمحيلي في تعديل كلمة تزعل, لنو تحمل رابط مخفي