هنا .. سجن القوافي !!

ياسلام عليك يالخفير تسالي رائعه الله يحفظك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
كل ما ضقت تليت المغربل جنوب
ولا اقتنع لين افر الجيب في حارته

يمكن انه عليه من الليالي ذنوب
جعل حالة الد أعدا العِدا حالته

الليالي غثاها طال حتى الجيوب
ما وقف في نحر صولاتها شالته

كنت لاغنت سيوره من اول طروب
والمشاعر تسابق جيبها فالته

الوناسات تعلن بعد دريت هروب
له شهر شد ذا ما قالته جارته

شاعرة نجد ,الجووهره ,رحيل و 1 آخرون معجبون بهذا

خيال مطير

صح لسان ابو عبيد
يقول الشاعر

يقول منهو بالخفا خاف ربه
واستغفر الله قلبنا ما نزكيه

الناس تفرق ناقي البذر حبه
ولا كل زرّاعٍ حصاده بيكْفيه

الفأل زين وكثرت الظن غبه
يضيع فيها اللي ظنونه تقديه

ومن لا يختل الصيد بطراف خبه
العرق مزبان الجوازي مذاريه

الجووهره ,ناصر الهواوي معجبون بهذا

صح بدنك يالخيال وذوقك
ــــــــــــــــــــــــــــــــــــــــــــــــــ ـــــــــــــــــــــــــــــ
اقول ان من هو قز هالخط شغله زين
لو انه عن البيت المهدم نحاه ايسار
امره ليا سافرت وتلد فيه العين
واصفط واتوقف لي دقايق وانا محتار
لي ايفل فلم مصورٍ فيه قبل سنين
يوم إنه يسمى قصر واليوم صار آثار
على ما تبقى منه ينعق غراب البين
وباقي جدارٍ كان فوقه حمام وطار
انا اليوم ما ادري من رحل عنه راحوا وين
لي مده ماهيب إقصِّيره ما سمعت اخبار

شاعرة نجد ,الجووهره ,رحيل و 1 آخرون معجبون بهذا

خيال مطير

سيرت لاطراف المدينه ومريت
منازل(ن) م يندرا من نزلها


ماعاد من سكان اهلها ولا بيت
صبغت مبانيها وكثرت احللها


تغيرت من عقب ماغبت وابطيت
لاذي شوارعها ولا اولى باهلها


ان احسب ان علمي بها تو واخطيت
وش يردع ايام العمر دون اجلها


سنين من عمري قضت ماتوعيت
لمحة بصر دافع البلا ما اعجلها


قرب المشيب وشاب راسي وسجيت
ان السنين تدور والناس تلها


لو ادري ان ذا بيحصل ما تعنيت
انقض اجروحي واداوي عللها


كم مرة لاهزني الشوق ماامسيت
لين اتمثناها واباري فللها


لعيون من ساقت علي وتقهويت
فنجال وله وساقته كف ولها


منوة خفوق (ن) مزعته التناهيت
الى انتوله الشوق ولا انتولها


حفظتها من حكي العرب والشماميت
ومن كلمة يفرح بها اللي نقلها


لو ما قبلها القلب ما كان حبيت
ولولا نزاهة عرضها ما قبلها


هي داريه ويش السبب يوم قفيت
وذا عوقها والا وش اللي قتلها


تقطعت سبل المواصل وضحيت
وازعلتها وانا اتجنب زعلها


بغيت ادور لي بدلها وعييت
لا اخطي على روحي وادور بدلها


اخترت من جملة قصيدي شطر بيت
ما جارت الفرقا على غير اهلها


واخترت من بد الحروف وتنقيت
خمسة حروف نصفها الميم والها


تطري علي لاضاق صدري وسجيت
ان السنين تدور والناس تلها

لِ حمدآن آلمري

شاعرة نجد ,الجووهره ,ناصر الهواوي و 1 آخرون معجبون بهذا

رحيل

صباحكم ورد وفل وياسمين

البقى شاعرنا
وصح لسانك يابو عبيد مدد

مرحبا ي نجد صح لسانتس ارحبي شاعرتنا

صح ذوقك خيال

شاعرة نجد ,الجووهره ,ناصر الهواوي معجبون بهذا

ياماخذن قلبي على غير طوعي
وأنا حياتي بين سنه وتسبيح

الخوف لو إنه تمثنى ضلوعي
بفز لعيونك لو اقوم واطيـح

واليا انكشف ستري وسالت دموعي
أنا مضاوي روق وأنته شليويـح

شاعرة نجد ,الجووهره ,ناصر الهواوي و 1 آخرون معجبون بهذا

خيال مطير

ياسلام ياسلام
حياك الله يارحيل وحيا هالابيات الفاخره وصح الله ذوقتس ولسان قايلهن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
من جشع او من عشم كل انا ما جيت اقول
يمكن القا اليوم به ما يوسع خاطري

قاف مبدع له اتطاطي حصيفات العقول
ينقلك من جوك لبهو جوٍ عاطري

ياهجوسي لي تحمل ولا تصبح ملول
جارني وانا اوعدك ما تعقل فاطري

شف ملكة النحل تسرح به لشتى الحقول
وتنتج ليا روحت به لنا الشهد الطري

ودك افطارك منه او تبا الافطار فول
بينه ماهيب تحتاج اجابة شاطري

رحيل ,شاعرة نجد ,الجووهره معجبون بهذا

يسعد مساكم
هلا بالجميع
كيف حالكم
اعذروني على الغياب شوية ظروف
الله يعديها على خير يارب.

رحيل ,شاعرة نجد ,ناصر الهواوي معجبون بهذا