قصيدة العبيكان وردي عليها

الشاعر الشيخ / عبدالرحمن بن ناصر العبيكان.. مدير فرع وزارة الحرس الوطني بالطائف سابقاً
أخ عزيز وصديق تربطني به صداقه حميمه دار بيني وبينه عدة قصائد ,وكان دائماً هو البادي
في كل القصايد اللي دارت بيني وبيه ,عاقبني وشب علي بالقصايد الله يذكره بالخير هههههههههه
اختار لكم منها هذه القصيده وردي علاها
قصيدة/ عبد الرحمن بن ناصر العبيكان

يابو جزاء وش بلـى القلـب متعبنـي=والعـيـن هـلـت دمـعـهـا وانـتـثـر مـاهــا
والهم في وسط الحشا قـام يشعبنـي=مـثـل راع الـطــرش فالـقـفـر يسـعـاهـا
كــنـــي الـمــديــون والــنـــاس تـطـلـبـنــي=ليت عندي مطلب الناس ورضاها
لي عميل(ن) تالي العمـر منشبنـي=يطلب اللي بين الاضـلاع منشاهـا
يـبــي يـاخــذ روحــــي الــلــي تـعـذبـنـي=مـــا كـفــاه انــــه مــــن سـنـيــن عـنـاهــا
جـــرهـــا بــيــديــه لــلــمـــوت يـسـحـبــنــي=لـنــاره الـحـيـه يـبــا الــــروح تـصـلاهــا
كــنـــت انــــــا ويــــــاه والـــيـــوم جـنـبــنــي=والـمـحـبــه مـــــا يــبـــا عـــــاد طــريــاهــا
معرف الاسباب هـاذا سبـب غبنـي=ليتي اعرف قليـل(ن) مـن خفاياهـا
حـسـبـي الله عـلـيـه انـكــان مذهـبـنـي=الـمــوده كــيــف قــفــت بــــه مـطـايـاهـا
كـنــت انـــا المـحـبـوب دايـــم تـقـربـنـي=واشرب الشهد المصفى من ثناياها
وان هرجـت بهرجـة(ن) مـا تكذبنـي=تــفـــرح بـكـلـمـتـي لـــــو تــــــاه مـعـنــاهــا
اشــتـــري وابــيـــع مــاهـــي تـحـاسـبـنـي=وان طـلـبــت عـيـونـهـا مـــــا تـغــالاهــا
الـحــســود الــلـــي بـعـيــنــه مـصـوبــنــيي=يالله انــــك تـجـعـلـه مــــن ضـحـايـاهـا
ويالله انــــــــي دخـــيـــلـــك لاتـعــاقــبــنــي=وترحـم اللـي عجـز بالحـب ينسـاهـا

وهاذا ردي علااها

الــحـــب عــانـــه يــابـــو تـــركـــي مـشـيـبـنــي=وغــيــري وغــيــرك كـثـيــر الـعـالــم افـنــاهــا
حـطّـت بـجــوف الـلـحـود وفـوقـهـا اللـبني =الــــلــــي تــــغــــدا بــــهــــا والــــلــــي تــعــشــاهـــا
(قيـس الملوح)و(عنتـر ) قـد كـلـوا تبني =(وابـن الدجيمـا) مـن الحـب راح بيـداهـا
وانـــــا هـــــذا الــلـــي مـخـوفــنــي ومـرهـبــنــي=مـــن عـلــةٍ يـبـحــل الـدكـتــور بــدواهــا
بـعــض المـحـبـه تـهــد الـحــال مــــا تـبـنــي=عـيـّنــت ويــــن الـقــصــور الــلـــي بـنـيـنـاهـا
مـــع واحــــدٍ قــــام يـدرجـنــي ويلـعـبـنـي=ويـتــلــنــي مـــثــــل تـــــــل الــــدلــــو لــرشـــاهـــا
حــبـــه مـــــن الــــــراس لـــلاقـــدام شــاربــنــي=مـــابـــه خــلــيــه بـجـســمــي مــــــا تـغــشــاهــا
احـــــس بـــاغـــرآي زايــــــد فـــيـــه يـجـذبــنــي=وفـــيـــت لــــــه بـالـمـحـبــه مــــــار مــأوفــاهـــا
اثــــــره يــخــطــط عـــلـــى قــلــبــي بـيـنـهـبـنـي=يــــاخـــــذ قــــلـــــوب الاوادم ثـــــــــم خـــــلاهـــــا
اخــــذت درسٍ مـــــن الايـــــام تـوّبــنــي=صرت احسب حساب للجايات وادراها
مـــن ذلـتــي لا شـبــاك الــغــدر تقـضـبـنـي=احـســب لـســودا اللـيـالـي قــبــل بـاضـاهــا
والحـاجـه الـلـي لـســوق الـمــوت تجلـبـنـي=احـــســـب لـــهـــا قـــبــــل تـــاقــــع واتــفــاداهـــا
لــــو عـنـدهــا الــنــاس لاقـفــيــت تـشـذبـنــي=لا انـشــد عـــن الــلــي تــقــول ولا اتـقـفـاهـا
ما ابيـع واشـري بسـوقٍ مـا تكسبنـي=مـــــــن قـــــــدم الــطــيــبــه لــلـــنـــاس يــلــقــاهــا
وبـعــض الـشـكـاوي تـزعـلـنـي وتغـضـبـنـي=مــن يــوم جتـنـي ونــوم العـيـن مــا جـاهـا
ومــدام رجـلـي عـلـى المـيـقـاف تصلـبـنـي=ما صد عن راعـي الشكـوى وانـا اقواهـا
والــحــق والـمـاقــف الـغـصــاب يغـصـبـنـي=لو كـان لا آمر علـى العالـم ولا انهاهـا
عــــــن قـــولـــت فــــــلان نـخـيــتــه وخـيـبــنــي=باطرد ورى شرهتك لين الحق اقصاهـا
والا انـــــت تـبــغــى هـواجـيـســي تـقـالـبـنــي=فــي حـاجـةٍ لا اعــرف اولـهـا ولا اتـلاهـا
قــلـــي مـطـالـبــك وشـــهـــي يــــــوم تـنـدبــنــي=وابـــشـــر بـــهـــا كـلــبــوهــا لن قــدرنــاهـــا
وكــانــك مــغــار تـحـفــر عــنـــي بتـنـكـبـنـي=وتـــــردنــــــا لــلـــعـــلـــوم الــــــلــــــي تـــركـــنـــاهـــا
فــالـــحـــب غــــــــلاب وانــــتــــه لا تـغـلــبــنــي=الــنــفـــس مـــغــــار بـالـمـشــعــاب نــحــداهـــا
والله لــو الـنـاس قـاضـي حــب تنصـبـنـي=يـــابـــنــــت حــــــــــواء لـــذوقــــهــــا ســـوايــــاهــــا
لــســـوي ابــهـــا الــســـواه الـــلـــي تـنـاسـبـنــي=تـهــرج بــهــا قــاصــي الـعـربــان و ادنــاهــا

عايض العتيبي
القصيده هاذي كان مرسلها علي ايامها والها عندي حول أسبوع وقد قريتها كذا مره وحفظت مواقفها بس مالقيت وقت ارد علاها ويوم جاء هاك النهار وليني مسافر للرياض لحالي مامعي احد قلت اجل استغل الفرصه وارد علاها بس المشكله ان القصيده ماهي موجوده معي وانا ماني بحافظ منها شيء بس حافظ مواقفها وعارفٍ موضوعها.. ولاكني اذكر البيت الأول في خاطري انه يقول( يابو جزاء وش علام القلب متعبني = والعين هلت دموعي وانتثر ماها)وابني على البيت هذا ويوم وصلت الرياض وانا مكملها واسجلها وأرسلها علاه ويوم رجعت للطائف وعاينت في قصيدته ولا البحر حقها يختلف عن قصيدتي وقلت يمكن تمشي علاه واتصل علاه قلت هاه يابو تركي كيف الرد قال الرد طيب بس ماهو على بحر قصيدتي ههههه قلت والله معاد معك الا هي مار على بحر قصيدتك والا ماهي على بحرها ويجلس يضحك قال ابد اللي يجي منك مقبول يابو جزاء قلت والله مار تقبلها والا ماتقبلها يابو تركي
ما جايك غيرها . ويجلس يضحك قال انا خابر بدون ماتقول ههههه..انا بعض قصايده مارديت علاها ههههههههه
الله يذكره بالخير أبو تركي

ماشاء الله تبارك الله
صح لسانك وصح لسان العبيكان
قصيدتين جميلتين جداً
وانا ما شفت اختلاف في البحور

هههههههههههههههههههههههههه ياكثر ماتصير علي اختلاف البحور
انا قد صارت علي مثل اللي صارع ليك مع ردك على رفيقك
بس انا والله ما ارسلتها تعبت فيها وحذفتها ههههه
ابو جزاء
سجل اعجابي وتقديري
لاهنت

ماشاء الله تبارك الله لا هنتم الله يعطيكم العافية
كلمات ولا اروع

صح لسآنك اخوي عايض

وصح لسآن صاحبك العبيكان

أبدعتووووو يعطيكم العآفييه

صح الله لسانك ولسان العبيكان وبيض الله وجهك ع الرد الاكثر من رايع

اقتباس:

المشاركة الأصلية كتبت بواسطة محمد الغنامي

ماشاء الله تبارك الله
صح لسانك وصح لسان العبيكان
قصيدتين جميلتين جداً
وانا ما شفت اختلاف في البحور

هههههههههههههههههههههههههه ياكثر ماتصير علي اختلاف البحور
انا قد صارت علي مثل اللي صارع ليك مع ردك على رفيقك
بس انا والله ما ارسلتها تعبت فيها وحذفتها ههههه
ابو جزاء
سجل اعجابي وتقديري
لاهنت

محمد العنامي
صح بدنك باسمي ونيابة عن الأخ عبد الرحمن
هذا من ذوقك يابو بندر الله يعطيك العافيه
صحيح يامحمد الاختلاف بسيط جداً اللي مايركز ماينتبه له
بس اذا غنيت القصيدتين يظهر لك الاختلاف أوضح من عين الشمش
القصيدتين لايمكن يتغنن على لحن واحد . كل وحده منهن لها لحن مختلف عن الأخرى

ههههههههههه صحيح يحصل هذا الشيء أحياناً
لا انا ما اكتشف الاختلاف الابعد مارجعت للطائف والقصيده لها حول 5 ايام
من يوم أرسلتها عليه والا لو اكتشفت الاختلاف قبل أرسلها عليه
ماني بمرسلها اكيد أبا اسوي غيرها بس ما اكتشفتها الا وكل شيء قد انتهى هههه
اعجابك يابو بندر وسام اعتز وافتخربه الله يطول لي عمرك
ومشكور على مرورك المشرف لاهنت
تحياتي وتقديري لك

صح الله السنتكم جميع

صح الله لسانك ياعايض
وصح الله لسان العبيكان
مبدعين ماشاء الله عليكم
دمت ودام مدلد قلمك ورقي حرفك الشامخ
تقديري لسموك
النجلاء