صوت وصدى

06-08-2020, 11:24 AM

‏ يقول محمد الروقي/ابن الباديه
ــــــــــــــــــــــــــــــــــــــــــــــــــ ـــــــــــــــــــــــــــــــ

‏

توخرت ما عايدتني وانت عيدك غير=ومثلك يحز بخاطري عند تقصيره
عسى مانعك عني نهار الشهاده خير=رساله تكفي كان ما جيت للديره
انا علتي بعدك ووخوفي عليك صغير=وفالناس كذابه وفالناس شريره
انا اعرفك غنجك موت وبنظرتك خطير=وهذا سبب شري وبلواي والغيره
الا واهني الطير بالريش يوم ايطير=ليا ضاق صدره عاف هضبة مواكيره
يرف الجناح ولا مراكز ورخصة سير= كثير ان تنسم هي كلايف مخاسيره
يمر الهواوي (بضرمه)للسراير بير=يفل الكتاب وينقض رموز تعبيره
انا يالهواوي وسط صدري سواة الكير=علاه خلويٍ ينفخ بمنفخة كيره
سبايب غلا بين الحواني سواة النير=عوينن على ميل الزمان ومقاديره
انا خابرك للحمل تنقل حمول ابعير=تخير بعرف الفكر وابهل مصاريره
انا ويش اسوي ما نفع للغلا التخدير= ولا عاد لي شفٍ يابو عبيد في غيره

‏

بضرمه يقصد ضريه الله اعلم انه اخطا ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ

‏

وقت القايله للجخدب بحرها صرير=من حر اشهب اللال الضحى يبرك ابعيره
لفاني كلامٍ من ذهب خِط في حرير=لو انه نقلني فيه من ديره لديره
لاشك الخطا مرجوع مادام ما به ضير=ماهي سالفه ياهاجسي فضها سيره
بيوتٍ من ابن الباديه جابها الأثير=نقد ريال فيها المفرده والطعم شيره
الشاعر وجزل الشعر رحبت به كثير=اطربني بناها واجزع القلب تعبيره
يشكي صاحبٍ قلبه معه من زمان اسير=تجافا غرامه واحرقت قلبه الغيره
وانا اقول له شرحك سِرا بالهوا يا امير=قل لي ما تبي واتكل على الرب تدبيره
ضيقت المجال وقلت انا ابيه هو لاغير=والا كان اقول آمر وانا اشوف لك غيره
اذا انك تبا الفزعه فانا ابا اعلن النفير= وتجيك الخيول بسادة الروقه امغيره
كان المشكله بالمال بالأرصده وفير=نبذل جهدنا ووجيهنا لجل توفيره
وبختامها ياراعي البل انا ابا اشير=على حضرتك والراي بيديك تقريره
من اقفا عسى باقفايته عن جنابك خير=وعسى في بعض مانكرهه يالبطل خيره

‏

ملكة الرواسي ,الجووهره ,رحيل معجبون بهذا