آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
28-12-2020, 02:27 PM
|
#33281 | |
 
|
تعال عطني من مساك دقايق
خل المساء بـ طلتك يشتعل نور تدري مساك يجعل البال رايق ويخلي الدينا بها الورد نثور مسهم بالخير والرضى وشلونكم عساكم طيبين (: صحت السنتكم والاذواق منوره السجن مهوره |
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل 
|
|
28-12-2020, 02:38 PM
|
#33282 | |
|
مصير الليالي تثبت أني أحبك حيل
ولاظنتي وجهك يجي يوم وأمله ديارٍ تجيها كل ليله ... يجيها سيل وإذا غبت عنها غاب عنها المطر كله |
|
|
|
|
28-12-2020, 03:04 PM
|
#33283 | |
|
يقول الهواوي
يامرحبا فيك الف ترحيب واهلين=جابه تعادل عندي الفين جابه توي دريت بما نويتوه هالحين=وللسجن في نفس المغني صبابه وحبيت اجاوب للمنادي اب بيتين=لو كونوا ضدي نزوله عصابه من للي رفيق ومن لشخصي معادين=ودي تبين لي وجيه الذيابه للذيبه البندق وللذيب سكين=ولمصاحبي موال قاف وربابه ياناس انا لي كم سنه وسط سجنين=وهذا هو الثالث ولاهي تشابه واحد كلبشه من هدب داعج العين=لياقلت فكه قال ماجور يابه قلت الوعد دامك تقول الوعد دين=حوله كمل والود كمَّل نصابه قال الفرج قرَب وغب الصبر زين=على رجاك اجعل بصدرك رحابه الصبر ياعرقوب انا اجيبه منين=بالشمع الاحمر من قبل صك بابه |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
28-12-2020, 04:33 PM
|
#33284 | |
|
 ريم الفلا يامر حباو الظبي معروف شكله وبالصورة اللي واضحة بالجريدة محدن يشابه ولا احدن بمثله معروف عند الناس وكلن يريده يعرف دروبه لانوا احدن يقتله وهذا الظبي عايش حياةٍ جديدة نفل محمد الدوسري ياغزال الريم ياظبي الغلاه ياشبيه اللي على بالي طرا في عيونك من عيونه بالصفات بالنواظر انت وياه خشرا وفي وقوفك من وقوفه في ثبات حتى مشيه مثل مشيك بالثرى عبدالعزيز محمد ابورشيد - نعام الله يكثر شكل ذيك الغزالي ابو رموش هدب سود ومضاليل هي قصادو اهي تصوب رجالي كم شاعر منها دموعه هماليل عسى الحماية تحرسه بالجبالي من كل قانص يرمي الصيد ويشيل محمد عبدالله المجلي - حوطة بني تميم سبحان ربي ابدع الخلق وابهاه وخلى جمالك تنضرب فيه الامثال كم عاشق قد لاعه الحب واشقاه والصورة انت اللي رسمها على البال انته ملاك الزين قاصيه وادناه من يقول القرد في عين امه غزال؟! يوسف النغيمشي - الربيعية ياقانصين الصيد صيدوا لا حلياه ولا استروكم يالوجبة السفيره اظن ياهل القنص ما نتم بوياه صرتوا على العصفور نار سعيره ياقرب ممساكم ويا بعد ممساه انتم بدار وقايد الريم ديره بدر بن خلف الخريمي الريم محلا الريم والريم محبوب يازين ذاك الريم وكل يحبه في نظرته يعجبك وللناس مرغوب لاشفت زوله خص في وسط غبه والصد منا ماهو اليوم مطلوب لاجل التكاثر وافهموا يالاحبه محمد بن عبدالعزيز الخنيفر اشيقر ياريم يالي بالمفالي تروجين مستانسة ما شلتي الهم ساعة حباك رب الخلق ياريم بالزين خذتي قلوب اهل الهوى والجماعة ياما تغنى في جمالك ملايين اهل الشعر واهل الرسم والطباعة خالد بن ناصر المخيمر - روضة سدير حي الغزال اللي بصفحة خزامى اللي به الشعار دايم يغنون كم واحدن عاف الكرى ما ينامى وانت السبب ياظبي لا تقول وشلون يسعد صباحك ياحسين القوامى وانا احمد الله فيك ماني بمفتون محمد عفار المطيري عنيزة افزعوله يارجال الحماية ما بقى الاذبحته وانقراضه كل يوم يحط فوقه جناية فوقه الرشاش عجل انتفاضة الله الوالي يعز الولاية حوضها مليان ما فيه غاضة هذال بن سعيدان العصيمي - الرياض من اول الغزلان في روس الاقذال مدها لها روس الجبال النوايف مدها لها في المرقب النايف العال رجم طويل اخضر به العشب لايف واليوم في محميه وصبرها طال وضع الظبي موسف مثل انت شايف سلطان بن حمد الحبابي - الطائف واقف تفكر ولا ادري ويش طارلك هيضت قافي وجبت بيوت موزونة فكر على الكيف ياريم الغلا وش لك ياللي عيونك تشادي عيون مزيونة محمي ومصيون محد اليوم واصلك ومن راد صيدك يحول الشبك من دونه يوسف بن منور الميموني - عنيزة ريم الفلا اللي احتار فيه المحبين خذوا من اوصافه حقايق وكيده هيظتني بأبيات شعر وتلحين صورة عدد تشتاق شعر وقصيده ذكرتني بأوصاف سيد المزايين اقولها لو كان ماهي جديدة سعود بن سعد الحافي - الرياض خالي من الديرة ولا قد شفناك الا على صفحة خزامى الصحاري انا فدى الوقفة ولباي محياك وحياك كلك يارفيق البراري بس البراري واسعة وين ابا اللقاك ياواحد بين الشرايين ساري فارس العتيبي - الرياض الريم مثل الظبي والعنق للريم هذي صفاتك يالغزال الجفولي الله على شوفتك والجو به غيم في موقع ما به من الناس حولي ما غير انا وياك والثالث الديم نبني مشاريع الغرام البطولي عبدالرحمن عبيد العازمي - الخبراء يازين صورة غزال الريم يازين شوفه وتصويره بالبر ظله ظلال الغيم في ديرة مابها غيره ارضاً خلاء ما بها ترسيم الفين كيلو عن الديرة |
|
|
|
|
28-12-2020, 11:09 PM
|
#33286 | |
  حزب الرعد
|
يسعد مسآكم
وصحت الالسن والاذوآق ودآم حضوركم وابدآعكم ومنوره السجن مهوره وابشري بالتسآلي |
|
|
ورا صفحتك يالجوهره ما بها توقيع
انا يافتة تعليقه اليوم ابا الغيها من الروضه الغنا ابا اقطف زهر ربيع وارصع بها عذبات الابيات واهديها لبنتٍ لها التقدير وافي من الجميع لأدبها الرفيع ودمث الاخلاق نغليها صح لسآنك شآعرنا الهوآوي الله يحفظك ويسعدك
|
|
29-12-2020, 04:00 AM
|
#33287 | |
|
سلام الله عليكم يا رواسينا وكيف الحال
محدثكم يراسلكم وهو متعدي العقله على جمسٍ مديله 94له موال وقيره يشبه لريشة عبادي لا بدا نقله بعدها ما نقول إلا عسى ربي يرد الحال ويشملنا بعفوه ويتغاضى عن هل الرقله علينا برد والقمرا تبارينا بليلٍ طال الا يا ليت من هيف على ناصر وسط حقله يشب النار ثم يطبخ عليها حول خمس دلال ويقدع من كنيز الخضري اللي مخالطٍ بقله والا يا هاجسي شهرين وأكثر من 8 ليال وانا مقفي ويبقى كل مخلوقٍ على عقله يقولون الرجال ثقال واقول الرجال جبال ولا يشكي الثقيله من تبين للملا ثقله صبحكم الله بالخير جميع نصافحكم ونقول عساكم طيبين وبخير |
|
|
|
|
29-12-2020, 02:39 PM
|
#33288 | |
|
الخالدي
وعليكم السلام ورحمة الله الحمدلله على سلامة وعودا حميدا للروسي وتوصل ديرتك اللي تبيها سالم صح لسانك ويستاهل ابو عبيد من يمره |
|
|
|
|
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
