مهره وفارسها

مهره وفارسها

قالـت : انـا مهـره وماقـد عسفنـي اي رجـل
=قلت : وأنا فارس ٍ من ( يام ) وآعسف العصيـه
والله انـي لاعسفـش واروضـش علـى مـهـل
=واعلمـش ان الـدروب الجرهديـه جرهـديـه
مستعـد انـي ارتكـي للصعـب وآشـل الحمـل
=وادري انه مابقـى مـن دون حلقـي الا يديـه
شاعـر ومجنـون شعـر واتحرفـن بالجـمـل
=الا ودي اقـول انـي اللـي ابتكـرت الابجديـه
كـان ودش بالخبالـه فشوفنـي خلـقـه خـبـل
=وان كان ودش شاعريـه فأنـا آبـو الشاعريـه
وان كان ودش ايتكيـت اجيبهـا لـش بالاصـل
=وان كان ودش عربجيه جبتهـا لـش عربجيـه
والله ان آذم خصـلـه بالرجاجـيـل الـبـخـل
=وش تسـاوي لحيـة الرجـال وكفوفـه قصيـه
اللـي يحسـب للديـه ماكـان سواهـا وقـتـل
=يعني : اعقلها وتوكل بيـن حسنـه وبيـن سيـه
قال ابـن الذيـب ان احلـى البنـات ابـلا جـدل
=بنت ( ثالث ثانوي ) وانـا اقـول ( الجامعيـه )
مايشبهـش الا لغـز ومالـقـوا لــه اي حــل
=( انتي ) و ( برمودا ) وسبب افراطكم بالجاذبيـه
اتسائل اش خلى قريـش مـن اول تقـدس هُبـل
=واقول : يمكن أعين (ن) عمي(ن) وأفئدة(ن) غبيه
وانـا اتانـي مااتاهـم دون مااشـعـر بالمـثـل
=لكنهم عن دين ربـي وانـا عـن ايـة صبيـه
ودي اسلـم علـى ضـيـدان واسـألـه بثـقـل
=قلي وش سوت هنوفك بعد ماامست في الحويه ؟؟
ادري ان مالـي صلاحيـه ولا لـي اي دخــل
=بـس هـي كـذا لقافـه بفتـح اوراق القضيـه
وانا ماابشع من جروحي غيـر ( فقـدان الامـل )
=كيـه ولكنهـا اللـي كملـت تسعـيـن كـيـه
ابسألـش وش سبـة الدمعـه علـى خـد الكهـل
=كود من عوج السنيـن وصكـة الحـظ الشقيـه
احترامي ( للامل ) واللعنه لك يـا( آبـو جهـل)
=ليـه مايعتـق عـبـاد الله عـنـد المقـدريـه
قلبي اللـي ماسمـع شـوري ولحـدودش وصـل
=ابنشدش ليه الخوي البارحـه بـار بخويـه ؟؟؟
والله انـي قـد عذلتـه لكـن اعـرفـه عـجـل
=وانتي يومش ماانتي كفـوه ليـه تبـدي القابليـه
واعذابـي والله انـه مابـقـى فيـنـي مـحـل
=لاجل تطعن خنجرش يـاام العيـون النرجسيـه
تبعـاً لنيـات البشـر تأتـي تصانيـف العمـل
=يعني على قـول المثـل يافاتنـه النيـه مطيـه
وانا لو اعرف مسبقـاً انـه بيحصـل ماحصـل
=لكنت انا مأيد ( لـوأد البنـت ) منـذ ُ الجاهليـه
وماكان شفتش فـي طريقـي او ياهانـم عالاقـل
=ماكان شفتش تنهبيني وانـا ساكـت لـش كذيـه
والله أنها موجعه وجتنـي علـى قـول المثـل :
=لا ارفعتها جت بشنبي ولاانزلتها بلحيه اجوديـه
لكـن عـادي اوجعـي وانـا وربـي لاحتـمـل
=واذا سالتي : انت راضي ؟؟ بملئ فمي اقول : إيه
يكفـي إنّـا عيـال عـم ونعتبـر حسبـة اهـل
=ووالله ان آحول دونش لاوصلـت حـد الحميـه
ماذبـح أهـل الـعـراق الا افتـقـاره للـعـدل
=الرافديـن يصيـح وتـرد القصـور البابلـيـه
ألم ترى اني جريح (ن) صـاح يستنجـد فهـل :
=تابى مرؤتك الاغاثـة ُ فـي جراحاتـي العتيـه
يعني كـذا علـى بلاطـه قولهـا وابـلا خجـل
=ياامـا إنـا نبتـدي او إننـا نـوقـف هنـيـه

شيخـــة الغــيــد ,المصممه الوايليه ,محمد الغنامي معجبون بهذا

خيال مطير
صح لسانك ولسان شاعرها
جميله جدا وذوق اجمل
مروري وتقديري
لاهنت

خيال مطير ,المصممه الوايليه معجبون بهذا

تسلم ياخيال
اختيار ذووق من ذووق
يسعدك ربي ويوفقك
تقديري لك

خيال مطير معجب بهذا

ههههههههههههههههه خيال
صح لسانك
وصح لسان شاعرها
يعطيك العافيه على الانتقاء المميز
تقديري لك

خيال مطير معجب بهذا

مشكورين

ابسألـش وش سبـة الدمعـه علـى خـد الكهـل
=كود من عوج السنيـن وصكـة الحـظ الشقيـه
احترامي ( للامل ) واللعنه لك يـا( آبـو جهـل)
=ليـه مايعتـق عـبـاد الله عـنـد المقـدريـه
قلبي اللـي ماسمـع شـوري ولحـدودش وصـل
=ابنشدش ليه الخوي البارحـه بـار بخويـه ؟؟؟
.

الله عليك صح لسان شاعرهاااا
ولاهنت خيال على جلبك الراقي
.

خيال مطير معجب بهذا

يعطيكم العافيةة مشكورين ع المرور

/

الله يعطيك العافية على الاختيار الراقي
صح لسان شاعرها وسلمت يمين ناقلها

لاهنت

خيال مطير معجب بهذا