نزف وافي رواسي

‏"أسوأ شعور أن يخسر الإنسان توقعاته في الشخص الذي أراده حقًا، حينها لا أحد يستطيع أن يُعيد إليه طمأنينته نحو أي شيء"

الجووهره ,خيال مطير معجبون بهذا

‏" ومازلت لا أدري أيهما يؤلمني أكثر ، الأشياء التي أفعلها رغماً عن قلبي أم الأشياء التي يفعلها قلبي رغماً عني "

الجووهره ,خيال مطير معجبون بهذا

‏"مرّات مايزعلك السبب، ماتزعلك النبرة ولاتزعلك القسوة، كثر ما يزعّلك سؤال -انا شلون هنت عليه بالطريقة هذه؟.

الجووهره ,خيال مطير معجبون بهذا

يا سعود قلبي عذبوه المزايين

أهل الجدايل والعيون الوساعي

اللي لهم بالقلب عهد وعرابين

ود ومحبة تشترى ما تباعي

لي شفتهم قادت بقلبي براكين

وتسبقني اشواقي بزود اندفاعي

تبين الخافي وتعطي البراهين

عن حب ماكن بين الاضلاعي

واللي فتني بحبهم أدعج العين

الصاحب المملوح حلو الطباعي

ليهل شعره وانثنى كامل الزين

وسلهم بعينه زاد التياعي

ما شفت حسنه بكل البلادين

ليشفت زوله زالت أوجاعي

الجووهره ,وافي الحرف معجبون بهذا

ياسعود تكفى لايفكون الاطناب

ياسعود تكفى قلهم بس ليله

نفسي تشلع كل ماشلع منساب

طواري الفرقا علينا ثقيله

يومٍ طويتوا فرشكم خافقي ذاب

كن الضماير وسط حر المليله

ياسعود شفي من هوى البر ماطاب

خلوا حبيس الدار يبرد غليله

يكفيه من طول السنه صكت الباب

ويكفيه من طول السنين المحيله

خلوه يسلى عن همومه والاتعاب

ويسج رجله بالفياض الظليله

والصبح يشرف له على راس مرقاب

ويشم ريح الشيح وسط الخميله

خميلةٍ خضرا تقل مابها تراب

فيها الزبيدي مثل روس النثيله

وريح البختري والنفل وسط الاعشاب

يشفي قلوبٍ بالحنايا عليله

الجووهره ,وافي الحرف معجبون بهذا

يا سعود عَل دْياركم عمّها السّيل

عقب البروق اللّي تكاشف جِهَتْها

عطني جميع أخبارهم بالتفاصيل

عسى الرجوع التاليه سيّلَتْها

لعلّها دايم تِصب الهماليل

على فروع جْبالها وأوديتها

دارٍ ربو فيها الرجال المشاكيل

من ماضي الأيام مَحْدٍ شِمَتْها

الجووهره ,وافي الحرف معجبون بهذا

أردّها عن محجر العين ياسعود

جمره وتكويني بليّا سبايب

واقول: راحت ، لكن ترّد وتزود

إلين ماشّبت ب قلبي لهايب

ماكل ضيقه حلها: صبر وصمود

بالذّات: مابيني وبين الحبايب

ذبيت صوتي لكن الصوت مردود

توحيه قيعان الثرى والسحايب

واقفوا بدون وعود ، والبال موعود

مابين متناسي و جاحد وغايب

قلوبهم سوداء، أو عيوننا سود؟

ماعاد أميزّ بين وافي وخايب!

ليت المكابر عار و الدمع محمود

واطّفي أوجاع الحشا والترايب!

كنت هنا

الجووهره ,وافي الحرف معجبون بهذا

ياسعـود يامشكـاي ويـش التدابيـر
لاتشتكي جـور السنيـن وشطفهـا
جـور السنيـن يـحـل ويـمـر ويصـيـر
راجـع زمانـك واكثـر النـاس شفـهـا
النـاس لاحقهـا مـن الـوقـت تاثييـر
وتصبر على باس السنين وصلفهـا
تـمـيـل مـيــلات المـقـاديـر وتـغـيــر
وان وصفـت بتعـذب اللـي وصفـهـا
فإحرص على قرب الرجال المناعيـر
الـلــي دروب المـرجـلـه تحـتـرفـهـا
تـلـقـى بخـوتـهـم مـعــزه وتـقـديــر
ومجـالـسٍ مادنـسـت مــن عرفـهـا
تاقف معك لو همك اكبـر مـن النيـر
وبعزمهـا حتـى الصعـاب اتعسفهـا
ولا قــدر الله ثــم رمـتـك المـقـاديـر
الـرجـل مـنـهـم وقـفـتـه لا وقـفـهـا
تسـوا لهـا فزعـة صفـوف وطوابـيـر
ماهـوب لا شـاف الصمايـل حرفهـا
يقلط على الشده كما سالـم الزيـر
وتامن به الديـره وهـو فـي طرفهـا
لامازهمتـه قـام يشتـح كمـا الطيـر
لا ضـــف جنـحـانـه وكـفــه عكـفـهـا
واهـل الـردى مالـك وراهـا مداويـر
جـنـب مجالـسـهـا وجـنــب ولـفـهـا
لو اضحكـت لك في السنين المياسير
لابـد فـي وقـت القـسـا تكــتشــفـهـا
تفِرح بك الشــمات لـو ذنبـك إصغيـر
وتحتـار فـي اصغـر غلطـةٍ تقترفهـا
ويصير همك كبـر هضبـة شمنصيـر
لـكــن جــنــب معـرفـتـهـا وعـفـهــا
لانــذال رفقتـهـا مـهـونـه وتقـصـيـر
وتِكــثـر عنـا نفسـك وتكِــثـر حسفـهـا
فالرفقـه اللـي ماتدلـك علـى خـيـر
آلــلّّــه يلـعـنـهـا ويـلـعــن جـدفـهــا
ولا تـــرادع جـاهـلـيـن المـحـاضـيـر
ولو تعترض لك كلمة الـلاش طفهـا
و إحفظ إلسانـك لـو بلـوك المعاثيـر
الكلـمـه الـلـي دون مـيـزان خفـهـا
يـجـوز تـرمـي كـلـمـة دون تفـكـيـر
والصبـح سـودان القلـوب اتخطفـهـا
واصـدر ليامـا عفـت صـدارت ابعـيـر
لاترتجيـهـا 00 واطـلـب الله خلفـهـا
وتـرا النصيـب يصيـب مافيـه تغييـر
لــو تبجـــد امــواج البـحـر وتغـرفـهـا
وعـذر الرجـال الطيبـه خلـه ايصـيـر
ابـيــك تـعـذرهـا وتـقـبـل وسـفـهــا
الـعـذر يقـبـل لاحـصـل فـيـه تبـريـر
إمـن الرجـال اللـي صريـحٍ هدفـهـا
فـي كـل شـي قـد تجـوز المعاذيـر
إلا علـى اعـراض الرجـال وشرفهـا
أقولهـا وأنــا الــذي ســـلـوتـي غـيـر
البعـد عـن ضـيـق البـيـوت وكنفـهـا
واسـج فـي خبـت كستـه النواويـر
حيثـه ظفـر روحـي وحيثـه نصفـهـا
واسواق الاسهم والذهب والدنانير
لـو ســلموهـا فـي يـديّ اصطرفـهـا
ينوبـهـا ملـحـاٍ مــن ابــل المناصـيـر
ارعابـهـا زهــر الـفـيـاض وقطـفـهـا


كنت هنا

الجووهره ,وافي الحرف معجبون بهذا