سـماء نجد

يستطيع الكذب أن يدور حول الأرض في انتظار أن تلبس الحقيقة حذاءها
سماء نجد

الشخص الذكي حقا لا يخطو أي خطوة إلا بعد أن يحسب لها ألف حساب

وانا والله مالي عنهْ تـــوبهْ
إلين أنحط في لبّـة حصاتي
قتيلْ الشوقْ مَمحايهْ ذنوبهْ
ومَمحَاي الخطا والسيئآتي

للراحل : الجمري

لا غــاب عن عينك حبيب ٍ تـــوده … ..فاحسب نجوم الليل وامرح خلاوي
هذا وانا لي عنه ياناس مـــــــده .. ..والقلب من جور المحبه شقاوي
عن جيتي يمكن عذولـه يــــــرده… ..وإلا بهجري ناعم العـود نــاوي
مسكين قلب ٍ عودالحـــب ضـــده.. …ماهو على خفق ٍ بفرقاه قـــاوي
هجري تعدى مع هوى البال حده .. ..وبعده على قلبي كثير الــبــلاوي
حبل الوصل يرخيه وإلا يــشــــده… ..انا على درب المحبه رجاااااوي

وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه

لا تسقني كأس الحياة بذلّةٍ

رساله من بدويه



تعال بشرح لك أنا كل مغلوق
تعال شاهدني مع ذكرياتي
لا لا يغرك لبس موضة ومسحوق
انفض غبار الوقت تلقي صفاتي
قرب وطالع معن الشوف يحدوق
وزيف التطور جرده من حياتي
بتشوف في وجهي من الماضي اطروق
أخذت من بطن الصحاري صفاتي
طفلة بثوب مخيطينه ومفتوق
تنطر جديد الثوب بالعيد ياتي
سمعت طرف اخبار عن كلمة السوق
وتاخذ وتسأل هو وجوده ثباتي
طفله سحبها الوقت للهم برفوق
حتي انها صارت من العاشقاتي
وجار الزمن وعرض الحب للعوق
شرق ركايبها وهم مشملاتي
واتلا عهدها فيه يركض ورا توق
مسرود جيب وفي يدينه عصاتي
ويصد لكن يلتفت لي من الشوق
عجلان يلخصني بعين تحاتي
وقفي وخطواته يتلن معلوق
وخلاني ماتنقل عظامي عباتي
ودار الزمان ولا مشي الحظ بوفوق
ومازلت أخفي بالظلام اعبراتي
ولا زلت أنا العب له علي كل طاروق
حتي يجيب الله موعد وفاتي

الله يرحم شاعرتها

يالشامخه دامي معك لا تخافين
خلي طموحاتك معاية كبيره
اللي يحاول في ازالتك مسكين
ماله سوى قطع السيوف الشطيره
يالشامخه واللي خلقنا من الطين
تبقين لا عروش المحبه أميره
انا وفي معك من أول والحين
والصدق يبقي للنشامه ذخيره
انا الوفي عندي سلوم وقوانين
أموت وأقف مارضيت الكسيره
دامك معي قدرك علي الراس والعين
رغم القلوب الحاقده والحقيره
ذولا عباره فارغه بين قوسين
يالشامخه ذولا خباث السريره
كم شوهو بالظلم ناس كثيرين
وحظوظهم علي الظلايم جديره
الداب سمه مصدره بين نابين
إن دق راسه لين يخمد صفيره
نقرا علي الأشرار ( طه وياسين )
بسم الولي نحشر نفوس شريره
حتي يبين الحق فعل وبراهين
وتدري بها الشعار في كل ديره
يالشامخه بين العرب والبلادين
في كل موقع من بلاد الجزيره
إنتي هزمتي في شموخك ملايين
نجمه مضيئه في سماهن منيره
وإن كانها بالشعر يكفيك بيتين
لاقلتها يلعن عشير عشيره
ماهي غريبه إنك عليهم تشيخين
مادمتي فيما تحتوينه مثيره
دامك حرقتي كرت سيد المزايين
وش عاد لو صرتي عليهم اميره