آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
22-12-2022, 12:55 AM
|
#37681 | |
 
|
ابو عبيد
شاعرة نجد لا الجم الله لكم لسان ولا شلّت ايمانكم قمة الابداع و الامتاع لله دركم |
|
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220 
|
|
22-12-2022, 12:58 AM
|
#37682 | |
|
الهواوي
———- فلاح من الصباح الى المساء ماحق له يرتاح ونجد الشاعره والشيخ معهم ضاعت الراحه شعوا هاجوس من قلبه يرف لكل برقٍ لاح يطري له علوم بعدها سوط الجفا لاحه @@@@@@@@@ شاعرة نجد ————- سمو الشاعر اللي قام يلعب في يده مسباح ينادينا ويشكينا على هجسه ومسباحه هُو اللي من جديد الشعر لاغنّى وسده باح يرجّعنا على الساحه بقافه كل ما باحه @@@@@@@ وهذي مجاراتي 😁 —————- الا يا واحة الشاعر بعبق الورد ريحك فاح و حمام الورق فوق اغصان زرعك يطرب الساحه شعيت اهل المشاعر كيف تشكي و انته الذبّاح عجب و شلون قاتل في الجنازه يزعج صياحه وسرى ليل الهجوس اللي ترازم والقمر وضاح عقب مضماه وردن صدر قفله ضاع مفتاحه رعاك الله يا وقت مضى لي فيه زرق رماح لو ان القلب باقي منه يذكر غاير جراحه ولا زلت احتفظ بالعهد ما قلت ان وقته راح و تعود الذاكرة و البّسه تيجان و وشاحه ولا والله سليت ولا نسيت،، الطيف لي ذبّاح ليا بيّن جفاه و ف الخفا يشهر لي سلاحه شربت من المراره كاس علقم و القلوب صحاح ولا اظن ءبه من قبلي شكر خصمه و ذبّاحه |
|
|
|
|
22-12-2022, 10:34 AM
|
#37683 | |
حزب العاصفه
|
ارحبي يالعاصفيه وصح الله لسانتس على المجاراه ولتصليه الاكثر من فاخره
ارحب يابو منصور تراحيب المطر مجاراة متمكن صح لسانك حنى ترضى واستلموا على رايك هههههه بس لاتقولو ن ابلشنا هالعود المهذري هههههههه هي اهدت ورد واهدى جارها لي سلة التفاح هذا ازكا ريح ورد اشم واحلا طعم تفاحه يحسب ان الهجوس من العيا ما يستحق وشاح على هداج تيما ما نزل من قُلْ مياحه لكن ابداع هالاثين يقصر دونه المداح ما وفا المدح نجد ولا انصف كديميس مداحه لكن لو ينشدون الضيقه اللي هدت الافراح بيد من حير بجده هل الخبرات وامزاحه لجل يستدركون اللي هلك دام المجال ءمتاح مثل ما يومي الصقار لطويره بملواحه ارز البيرق الابيض ابا استسلم ودونه طاح وطير راعبيٍ يزعج الفلاح بنواحه |
|
|
|
22-12-2022, 10:44 AM
|
#37684 | |
|
حزب العاصفه
|
خيال دور رحيل وهاتها للسجن
ابا اطلع وحط عمتنا بدالي نزيل دوك القوافي لها تسرج مهار وهجن واحلى تسالي على طاروق ياليل ليل غيابنا يرجعون وهن ليا اوحن يجن وتقول ربعك تلافوا ما بقى الا القليل |
|
|
|
|
23-12-2022, 02:16 PM
|
#37685 | |
|
حزب العاصفه
|
تسليه للسجينه ان جابها الخفير هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ ماعاد ابي للديره النايده شوف وانا من اول كل ما جيتها ارتاح شعيبها معروف والضلع معروف وعقلي تجاهلهن بعد صاحبي راح اللي على بيض الغنادبر به نوف علي يطري كل ما بارقٍ لاح وطاريه يشعل لاهب الشوق بالجوف ويشجي هجوس الشعر والسد ينباح |
|
|
|
|
23-12-2022, 11:02 PM
|
#37686 | |
|
حزب العاصفه
|
مساء الخيراات والمسراات والاجواء الرهيبه والممطرهـ
صح بدنك يـ الهواوي وصح لسانك على هـ الدرر الفاخرهـ وصح لسانك ابومنصور عـ المجاراة الممتعه, بديناها بيتين وجاريتها بمعلقه,أبدعت شاعرنا وماقصر الهواوي لاعدمنا ابدااع الجميع طابت الذوائق ودام التواجد,’’ |
|
|
سبحانك اللهم وبحمدك
أشهد الا اله الا أنت,أستغفرك واتوب اليك
|
|
23-12-2022, 11:18 PM
|
#37687 | |
|
السلام عليكم ورحمة الله وبركاته
وأسعد الله أوقاتكم بالخير والأمطار والجو الجميل غبت شهر وكان شهر عسل وأتهمت بتهمة لا أقرها ولا أنفيها .. والله يجعل أيامكم عسل هههه.. رحلة جميلة وتمشية من البحر للبحر . إستضافنا الشيخ أبو عبيد في منزله العامر وممرنا على مزرعته الجميلة وقدم مشكورا عزومة كبيرة ، جاد الله عليه من واسع فضله . وتشرفنا بمقابلة جماعته وأصحابه وحبايبنا ابو بندر وعبدالله الناقد وكثير من الأحباب حفظهم الله . وأستمتعنا بكل لحظة في ذلك الجمع الطيب .. ولهم مني ومن رفقائي ياسر وخالد أجمل التحايا والتقدير .. وأتمنى أن يشرفونا في موقعنا في اي وقت . وأستمرت الرحلة على القصيم وحفر الباطن والشرقية الجبيل والدمام ثم العودة للرياض وجدة .. والحمد لله كانت رحلة شيقة وتوقيت مناسب وأجواء مميزة .. وهذا علمي وسلامتكم . |
|
|
|
|
23-12-2022, 11:28 PM
|
#37688 | |
|
إعتذار وتصريح ..
المعذرة يالهواوي جعل عمرك طويل غيبة تمادت وشخصك يعرف أحوالها مابين بسط الجلوس وبين شدة رحيل شهرٍ مضى ذقت فيه الطيب واعسالها رحلةْ بدت من بحر جدة لبحر الجبيل وطفت نجد العذية سهل وأجبالها يا زين ذيك المزارع شامخة بالنخيل تستهوي العين للنظرات باشكالها وليا مشينا نشاهد كل وادي يسيل تحت المطر مشْيَنا يا زين همالها الجو روعة يذعذع بالهواء العليل هذا صبأ نجد فيما قيل باقوالها يا ما تذكرت والذكرى تحط وتشيل وأوهام هجسي تقلي ذاك منزالها ويا ما تصورت زوله والزمان الجميل وطيف الهواجيس في بالي وفي بالها وفي ديرتك يالهواوي جيت وقت الأصيل حتى طلال المغني شال موالها وأبختصر هرجتي وآقول شكراً جزيل وياسر وخالد يحييونك على أمثالها وأقبل سلامي وعذري وأنت عني وكيل وبلّغ أجمل تحية تاصل أرجالها أهلْ ضرية هلْ الهيلا وطبعٍ أصيل أهل الكرم والضيافة وأنت منصى لها &&& وسلامتكم جميع |
|
|
|
|
«
الموضوع السابق
|
الموضوع التالي
»
العرض العادي
|
|
