ملهمة شاعر

البارحه غنيت وعيونك الليل =والنور وجهك وأبيض الطرس مدهال
حرفي سهر وأنفاس حبك تعاليل = ويجود من غيم المعاليق همّال
ومن مربط ضلوعي ومن خيرة الخيل = أسرجت لك مهرة لها الشوق خيال
مشتاق لك بالحيل بالحيل بالحيل = محتاج لك كبر الهقاوي والآمال
يا ملهمه شاعر رقى نجمة سهيل = يا باعثه من وسط الاحزان رجال
طموحه اكبر من هدف يحلمه جيل =وعْـزومه تثبّت محيطات وجْبال
عزفت لك من نبض صدري مووايل = يطرب لها عاشق وتسري برحال
واليوم ضاقت بالشعور المراسيل = والموعد اللي يحتري ضمتك طال
أنا أدري إنك من سفوح الغرابيل = شلتي حبيبك وانتقل كل غربال
وأنا ادري ان لي في خفوقك مداهيل =وإن كحل عينك من قسى شوقنا سال
لكن فديتك ما بقى للمقابيل =صبر ٍ يشيل الشوق يوم اتعب الحال
أبغى وصل مرّه ولا هي مواصيل = فيه أحضنك وأهدي تفاصيلك البال
مشتاق لك بالحيل بالحيل بالحيل = محتاج لك كبر الهقاوي والآمال

الشاعر / سامي الوايلي

الجووهره ,خيال مطير معجبون بهذا

الله الله يا النجلاء

أقف عاجزاً لتعبير عن هذه القصيدهـ

الرائعه .. فهنيئاً لنا بصاحب هذا القلم

الرائع .. فمرحباً بكـ وبقلمكـ الذهبي

تقبلي مروري

دمتي بود

الله الله صح لسان شاعرها ~
ابيات في قمه الروعه والجزاله ~
ودي وتقديري لانتقائك المميز يالغلا ~

ابدعتي غاليتي ب انتقأك
الرائع وصح لسان شاعرها وموب غريب
عليگ الابداعات يعطيك ربي العافيه

اسعدني المرور من خلال قصيدة الشاعر ....سامي الوايلي
لماتحمل من معاني جدا سامية بالاضافة لقوة سبكها وجل معانيها وروعة بنائها
صح السانك حد رضاك والشكر موصول للمتألقة النجلاء على حسن اختيارها وروعة ذوقها
كل الشكر اخي الشاعر وكل الشكر النجلاء
دام الجميع بخير

النجلاء
انتقاء ان دل يدل على مشاعر شاعره
صح ذوقك وصح لسان شاعرها
مروري وتقديري الابدي
دمتي بخير

النجلاء
صح لسانك ولسان الشاعر سامي
ابيات جميله وكلها فخامه
دايما مبدعه بانتقاءك
تقبلي مروري واحترامي

يسلمو على الاختيار الذوق
دمتي بخير وسعاده دائمه