يقول الله يا كم بكت عيني على صورة

30-11-2020, 04:06 AM

#1
يقول الله يا كم بكت عيني على صورة
في معرض الرسم صدفة واشخصت عيني
وقفت وعيوني الثنتين مبهورة
كاني لمحتك من ورى البرواز تدعيني
حزين من حولي الزوار مسرورة
سافرت من اخري الي اول سنين
حاولت اكذب عيوني من اول الثورة
الي انقلتها عيوني في شرايني
وازريت اكذب المأخوذ وشعورة
يالصورة الي تبعدني وتدنيني
قربت نفس الزوايا نفس ديكورة
هذي ملامح حكاية بينك وبيني
نفس البيوت القديمة واجمل قصورة
نفس الشبابيك يوم اقولك ويني ؟
قمتي رسمتي طفل بيديه عصفورة
سقتي السحاب بيدينك قلتي اسقيني
واسقيتك العذب والغدران ممطورة
ورسمتي حريتك من كف يديني
رسمتي اوراق مبلولة ومنثورة
معقولة هذي قصايد من دواويني
ليه ترسمين القصايد شبة مقبورة
اذا على ريشتك ما عاد تعنيني
وانتي ضحكتي قلتي : الريح مقهورة
غارت من بيوتك الي قلتها فيني
ولا قصايدك محفوظه ومحفورة
في داخل القلب تنعشني وتحيني
اسمع قصايدك مسحوبة ومجرورة
من فكرك الخصب اخراجي وتلحيني
يارب اشوفك كذا شاعر وجمهورة
تملا المسارح وساحات المياديني
وانا اتوقع يا رسامة يا اسطورة
لوحاتك البكر تاصل بالملايني
كفرة بالشك يا درة وبلورة
وأمن بالحب وانك ماتخليني
كبرة واثر الزمان يدور له دورة
وكبر معاي الحنين الي مخاويني
مجبور وانتي يا بنت الناس مجبورة
على عبايتك بامر الشرع وديني
من قبل ستر سواد البس مستورة
من هرج عذال ما تجانيني
غطا الزمان القى بالصوت والصورة
لكن عن القلب يبطي ما يغطيني
امر بيتك اقبل بابه وسورة
واتعجب انك سكنتيه وسكنتيني
عفوا ثلاث بيوت لكم معموره
بيت سكنتيه وفي قلبي وفي عيني
واحد ظفربك ولوحاتك على صدورة
ويقول من البرد لوحاتك تدفيني
واثنين معمورة بذكرك ومهجورة
من غيرك الي عجز يلمس يديني
وا شعري الي رماني الحظ في زورة
لولاك من كان في الدنيا يسليني
كاتبك ظاميك تكفى بل حنجورة
لا شح وصل الزمان ارجوك ترويني
راجت لغيري وانا واقف على دورة
قدام عيني وانا ماعاد يمديني
يا بنت منتي من العشاق معذورة
ليتك تركتيلي الوحه تعزيني
لاكن رحلتي ومعذورة ومشكورة
انا رسمت النهاية من تلاويني
وانتي كبرتي وصرتي حيل مشهورة
شوفي معارضك في لندن وبرليني
فجاة انا ما دريت الا من الصورة
في معرضك والحاكية بينك وبيني
شوفي اثره لوحتك بالدمه ممطورة
اخر اثر لي على الوحه يكفيني
صحيت واخر بيالت شاي مكسورة
من صوت ناس باعلى الصوت تدعيني
يا ليتني طعت ابو خالد على شورة
ماكان جيت فطريق لك يوديني

الشاعر: فهد الشهراني

رحيل ,الجووهره ,ملكة الرواسي معجبون بهذا