الطير حوران :)

محاورة البارح بين كل من

ولد روق .... والطير حوران
ــــــــــــــــــــــــــــــــــــــــــــــــــ ــــــــــــ

ولد روق

هلا يامرحبا بطيرن من البارح ذبحه الحوم=وطيور الجو نعرفها ونعرف زين لــ اسماها
بعد ماغبت قلّي وش حصلّك ياحلال القوم=وعطني موجز النشره من اولها ليا اتلاها

الطير حوران

يدوم الك البقا والعافيه فوق الجميع تدوم =تعرف طيور بسماها وبعيونك تحلاها
نغيب نجوم في صدر السماء والاّ نبين انجوم=تبي تسمع علومي عطني اعلومك من اقصاها

ولد روق

اعرف انك عطاوي ً شنب منته بشبل رخوم=تسماّ بالحرار الشقر وافعالك تعداها
نشدتك وانت تنشدني لكن مالك عن المقسوم=ليامنك جحدت السالفه بكره لقاناها

الطير حوران

تسوم السلعه الجزله وحنا اللي فرقنا السوم =ليا دليت دلوك يالعطاوي جيت بملاها
تبى تزين العلوم وينشرح خاطرك يالزيزوم =بعد ماجاتنا النجلاء ودلتها بيمناها

ولد روق

تقوله والعلوم الاوله جا من بعدها علوم=واعرف الطير لو وقته يطيعه كان سواها
لنا اعراف وتقاليد ولنا عادات والنا سلوم=مانقلط عند من حطت بوسط الكف حناها

الطير حوران

ياغشام السنه هاذي سنة خير ومطر وغيوم.=سيوفك لاتحركها لياضاقت بها خباها
تذم اخت النشاما وانت اخوها اللي ماغيره توم.=وتنكر عزوت اللي مايعقّب راي لرياها

ولد روق

ياليتك بس تقضيها يابو ساره صلاه وصوم=تهقوالك هقاوي ً كايده منته بوياها
تبا تغيّر لمجراها لكن فاتت وصح النوم=انا ما اذمهّا وامدح لها وامدح لشرواها

تشوف السجده اللي صلحت فوق الجبين وسوم ....لاتنصحنا وحنا في جبينك مالمحناها
برك للحمله اشريفين وازرا بالحمول إيقوم ....واذا اوحينا هديره زاد فوق الحد زدناها

الجميع صحت ابدانكم

لاخلاء ولاعدم

صحت الالسن شعرائنا الجزلين
مبدعين ورائعين وطاروق جميل جدا
نكتفي بهذا القدر
وخير ختام
بيض الله وجيهكم

ههههههههههههه صح لسانك ي الطير
وصح بدنك يامحمد ولاهنت على التنسيق

صح بدنك ياولد روق