@~ يعيش راسك ياعــطر ليـلة العيد ~@

يعيشراسك ياعــطر ليـلة العيد
وش تنتظر ماعــــاد للشوق ذمه
ماعــادباقي للمــواعيد تجــــديد
لمــــلم رذاذك مـــن ثيــــابي ولمـــه
عطري تركته في كفوف المواعيد
باقي تفاصيله على اطراف كمه
سايح من المغرب على راحة الأيد
ينــطرحبيب في كــفوفه يضمه
طال انتظارالصبر والياس عــربيد
كســر مــواعيد الغـــرام المــهمه
والليـل شـاخ وغـيرته التــجاعيد
لمــــلم بقــــاي ظلمتــه في معــمه
وانابرجوا باقي الليـــــل تمديد
يمكن وليف الروح وعده يتمه
يمكن يجي من زايرالشوق توكيد
واعاتبه بشويش وابكي واخمه
واقول عطري مات ياسيدالغيد
بين الكـفوف الوافيــة سال دمه
طاح وتبدد بين الأشواق تبديد
صـــوته من العــبرة تعثـــر بفمه
تعال صاب العطرغربة وتشريد
اجمع غلاك وصادق الــود سمه
وان كان عشق العطر في قلبك يزيد
صافح عبيره والغلا لاتكمه
وش فايدة عطر تشمه من بعيد
رشه على راحت يدينك وشمه


بقلمي


عذب

صـدووودٓ معجب بهذا

الله الله ي عذب روعه صح لسانك ~
مبدع وراقي وابيات في قمة الروعه والجزاله ~
ودي وتقديري لحضورك المميز ~

صح لسانك
ابيات وكلمات جميله
يعطيك العافية

عذب
الله الله
صح لسانك مليون
انا اشهد بالله انها عذبه من شاعر عذب
سجل اعجاابي وتقديري
يسبقه ختم التميز

عذب
صح لساانك
قصيده جميلة
لك تقديري وتقيمي لجهودك

صح لسانك
رااائعه جدآ
تحياااتي الك

صح لسانك ملايين
ابيات رائعه وجميله
يعطيك العافيه
احترامي لك

غزلان

صح بدنك على التواجد الكريم وكل الشكر لك على المرور المشرف والحضور الجميل وتسلمين على اعجابك واشادتك تحياتي لك