لآيم ودآد

آه من حبّ عين تشوفني و مـآ تشـوف
ويلهـا مـا وصـل فيـهـا الـمـدى للـفـؤاد

تذبـح الّـلـي لـتلـويـع النـواظـر لـهـوف
حآنيـه , عشقهـا عشـق الجمـر للرمـاد

ياحياتـي . تـرى للّيـل همـس ٍ عطـوف
ما سمع به أبـد قلبـك .. ولا بـك سهـاد

لاتخـالـف شـعـور ٍ دايــم ٍ لـــك يـلــوف
مـنّـه الـحـبّ زآد . و منّـه الـوجـــد زآد

شوفني شوف من جرّب عذابه صنوف
بـيـن شـرهـة فــؤآد و بـيـن لايــم وداد

الليــالـي رمــت يـآمـا ألــوف و ألــوف
و الـزلـل جــوده لـيـا قـيـل زلّــة جــواد

المحـبّــه سـمــا فـيـهـا أمـلـنـا يـطــوف
و الوطـن بالقلـوب اللـي تـقـود و تقـآآد

لا تجـرّد مـن اْرمـوش المجافـا سيـوف
روف بـي قبلـمـا يسـهـرك لـيـل البـعـاد

يــا حيـآتـي تـعـال ولا تـقـول الـظـروف
لو زهمت اْمتـوفّي مثل ماازهـمـك عـآد

خـل قلبـك عيـون ٍ هآيمـه .. ثـم شـوف
و البـلا كـان مثـل العيـن أصبــح جـمـآآد

ملكة الرواسي ,عبدالله الدّنّيش ,ريم الفلا و 2 آخرون معجبون بهذا

رحيل ,محمد الغنامي

الله الله
عبدالله الصقري
صح لسانك واعتلا شانك
مبدع وجزل شاعرنا الله لايظرك
سجل اعجابي وتقديري
ولك اجمل تحيه

عبدالله الصقري معجب بهذا

الشاعر عبدالله الصقري
صح لسانك على هالجميلة الراقية
ودام تواجدك وإبداعك
لاهنت

عبدالله الصقري معجب بهذا

صح لسانك ياعبدالله والله لايهينك على الأبيات الرائعة
المكتسحة لتاج القصيد،لي عودة على جمالها
تواجد رائع يالقرم تشكر عليه الله لايهينك!
وتقبل تقديري،،،،

عبدالله الصقري معجب بهذا

يــا حيـآتـي تـعـال ولا تـقـول الـظـروف
لو زهمت اْمتـوفّي مثل ماازهـمـك عـآد

الله الله
تصوير راائع شاعرنا
صح لساانك,’’

عبدالله الصقري معجب بهذا

مبدع واكثر شاعرنا صح لسانك ولاهنت

عبدالله الصقري معجب بهذا

الصقري
صح لسانك يالجزل
قصيده فخمه وجزله
يعطيك الف عافيه

عبدالله الصقري معجب بهذا

صح بدنكم اجمعين و سلمت قلوبكم و ارواحكم

و والله لولا تواجدكم العذب العطر ما كان لحروفي بريق

الله يجعلني عند حسن ظنكم بي

دمتم بكل خير و محبَّه

و لكم جل الود وفآئق التقدير و الإحترام