آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
23-09-2019, 08:06 AM
|
#27209 | |
 
|
ياهل العقول الراسخة واهل الالباب . ما رأيكم فيمن بسهم الهوى صيب
تعزز وله عند غضات الاشباب . لا يلتفنه بالكفوف المخاضيب او باللواحظ سمهريات الاهداب . او بابتسام ثغورهن المشانيب او بالجفا والهجر من غير الاسباب . لا ينشنن بحشاي خمس المخاليب في سنة العشاق ماهو بمرتاب . ابدت شؤونه بالغرام الاعاجيب |
|
الخط يبقى زمنا بعد كاتبه ،،، وصاحب الخط تحت الأرض مدفون 
|
|
23-09-2019, 08:37 AM
|
#27213 | |
|
من البارحة بالقلب هجس وتعبار =* هجس وهاجوس تعاقب نكيفه
الصبر مفتاح الفرج هو والافكار =* من لاصبر تصبح حواله كسيفه يالله يالمطلوب ياوال الاقدار =* انت الذي مدات جودك لطيفه يالله يالمعبود عاون هل الكار =* تحل شدات عليهم كليفه اللي مجالسهم بها بن وبهار =* ونجر يصوت للمسير رجيفه ومكارم للضيف عجلات وكبار =* ومفطحات في صحون نظيفه تقليطهم للضيف قعدان وبكار =* وحيل الغنم وقت السنين الحفيفه اكرام ضيف البيت حق وتعبار =* والكل منا يفتخر فيه ضيفه يا مزنة غرا من الوسم مبدار =* اللي جذبني من بعيد رفيفه هلت من القبله هماليل الأمطار =* من سيلها الوادي غداله وحيفه تمطر من الهدرا اليا خشم سنار =* وتسقي ديار محقبه والحتيفه وتضفي على كل المفالي والاقطار =* وتصبح بها خدان ربعي مريفه عقب الحيا فاحت بها ريح الازهار =* وتعاقب النوار مثل القطيفه وترعا بها الغرا وتبني لها طار =* عقب الضعف راحت ردوم منيفه اذوادنا مايرتعن دمنة الدار =* ولا يرعن الا بالفياض النظيفه يرعن بعبدالله وجبر وجبار =* خيالة يوم الملاقا عنيفه ترعى بها الوضحا من الذود معطار =* غبوقة الخطار عجل عطيفه يبني عليها بنية اللبن لجدار =* عقب الضعف راحت ردوم منيفه اذوادنا يرعن بنا سر وجهار =* من دونهن نروي الغلب والرديفه ترعى بضف الغوش بقصاف الاعمار =* تقطف زهر مرباعها مع مصيفه ما هي سوالف مسرد عقب ما نار =* اللي هرب واطراف رمحه نظيفه إن سوهجوا عنها قليلين الابصار =* من دونها نروي السيوف الرهيفه ان سوهجوا عنها معاميس الابصار =* حنا نرد اللي يبيها نكيفه خطو الولد مثل البليهي اليا ثار =* زود على حمله نقل حمل أليفه بشدا هديب الشام شيال الاقطار =* واليا كبر حمله تزاود زفيفه وخطو الولد مثل النداوي اليا طار =* صيده من الجزلات ماهي ضعيفه ترجي العشا من مخلبه وقع وطيار =* حسه على صيد الخلا له وحيفه وخطو الولد يصبر على موتة النار =* صفر على عود تضبه كتيفه وخطو الولد يامال قصاف الاعمار =* لانافع نفسه ولا منه خيفه ورجل بلا ربعه على الغبن صبار =* يمنى بلا يسرى تراها ضعيفه واليا بخصته ماسوى ربع دينار =* مع العرب يشبه خطاة الهديفه حنا فريق ولا نغبي سنا النار =* ما ننزل الا بالديار المخيفه ودار به الحقران ماهي لنا دار =* حتيش لو صارت خصاب مريفه وحنا لك الله من بعيدين الاخبار =* والنفس ما نلحق هواها حسيفه حلوين للصاحب وللخصم قهار =* وعدونا لو هو بعيد نخيفه حنا كما المشخص عن الصرف ما بار =* بالوزن يرجح والمصاري خفيفه وتلقى منازلنا رفيعات واخيار =* والرجل عن دوس القصاير حفيفه لابد ما نسجلها تواريخ واذكار =* وتبقى لدسمين الشوارب وظيفه الا ومع ذلك لك الله لنا كار =* عن جارنا ماقط نخفي الطريفه نرفا خمال الجار لو هو بنا بار =* ونضحك حجاجه بالعلوم اللطيفه ولا نبدي الخافي لاصار ما صار =* وندمح خمال الجار لو بان حيفه ونرفا خماله رفيه العش بالغار =* ونودع له النفس القويه ضعيفه والجار له قيمة وحشمة واعتبار=* وجارتنا عن كل عايز عفيفه ما زارهن من يبغي الحيف زوار =* الا ولا عنهن ندس الغريفه نبيه إليا بدل الدار بديار =* وكل بجيرانه يعد الوصيفه نكرم سبال الضيف حق وتعبار =* لا من ولد العفن شح برغيفه أحد على جاره بختري ونوار =* و احد على جاره صفات محيفه وصلاة ربي عد ماخضر الاشجار =* على الرسول اللي علومه شريفه محمد الصقري |
|
|
|
|
23-09-2019, 09:13 AM
|
#27214 | |
|
بالهون يامحمد تركد بممشاك
بين المدي والمزرعه وقف شوي في خاطري حاجه ولاهيب تخفاك ماهيب فـ ايدينك ولاهيب فـ ايدَي هذا مكان ابوي واشجاره وذاك مجلس سموّه لو رحل باقيٍ حي لكن تمهل ياعسى الروح تفداك بـ اكْحل عيوني لو تخيّل وتبكي |
|
|
|
|
23-09-2019, 07:40 PM
|
#27216 | |
حزب العاصفه
|
عني طلبتك اجل اللي نوينه=واكتف بما اقوله عن الفكر والحال
وعن خافقٍ في نار هجرك كويته=متلولسن بشراك حبك ولا زال الصبر عنك اسبوع انا ما قويته=شف ويش ظنك فيه يوم الجفا طال لا اتضيعه ما بين عله وليته=حفيت اسبوته بين الاقفا والاقبال اصبر واتفرج ما تغطي نسيته=اتكذب افعالك تناميق الاقوال |
|
|
|
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
