آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
24-12-2008, 03:42 PM
|
#1 | |
|
•(-•مشرفة سابقة •-)•
|
لايفوتكم ربيعنا
بسم الله الرحمن الرحيم
هذا يوم الخميس قعدنا نتشحد امي لجل نطلع الجمعه الين وافقت<----ياكثر اعذاارها اذا مااشتهت تطلع البيت وصباح الجمعه الساعه 8 صاحين وهو مستغرب لي لاني مانمت الا 4 من الوناسه ويوم جينا خالتي وه فديتها وحنا نتغدى الغداء اللي يجنن وحنا نطلع البر نشوف الربيع لنستعرض الصور هذا رجل خالتي يحطب  يوم حملنا الحطب وحنا نمشي ندور بر حلو يوم لقيناه وحنا نجلس به شوفو  ولاني مااقدر اجلس عندهم بسبب وجود زوج خالتي قمت افحط في الارجاء واخذ صور شرايكم بهذي  تفتح النفس صح طبعا رجل خالتي يولع النار ويجهز القهوه والشاي قالت خالتي خلونا نروح نجمع قريص <----اذا ماتعرفونها اشرحه تحت ترو اسمائهن مالي دخل به من وانا صغيره اسمع به وحنا نقوم وحنا نبعد ونجلس نجمع قريص اللي هو هذا  وهو شجر يقرص اللسان مع جوانبه اللي عنده ولد صغير خلوه ياكله وانواع الشعيب مع فمه ههههه:brows: واللي عنده انسداد بالمسامات اللعابيه ياكلها ويمكن ينفتحن ماسمه وبعد جمعنا حميض وهو شجر حااااامض بعد يصلح بالمقالب  وبرضو جمعنا جهق وهو شجر طعمه كانه جرجير وصراحه انا افضله عليهن  يـــتــبـــع |
|
جاري البحث
|
|
24-12-2008, 03:54 PM
|
#2 | |
|
•(-•مشرفة سابقة •-)•
|
عاد قررنا نرجع قالت امي لاخوي رح وبنجي على رجولنا نسوي رياضه
 وحنا نمشي امي لقت شجره سنا وهو دواء مر مرره امي تحطه مع النعناع عشان مااحد يشك به من اخواني ينفع وينظف البطن<----صرت اشك بنعناع امي وربي  وحنا نمشي لقيت لكم شي  جحر ضب ههههههههههههه عاد وصلنا لمكاننا ولقينا رجل خالتي مسوي قهوه وكان معنا شوكلاته واستحيت اجلس معاهم فجتن القهو بالسياره  وبعدين طفشت ونزلت من السيار ولقيت طروقي ولد خالتي مستانس طبعا بعد ماوقف شعيب فمه<----اعطته قريص ههههههههه ابو الشباب لقيته مبسط بالتراب شوفو  عاد رجعنا ولاننا بمسقط راس امي حبت امي تورينا الاثار للعلم هالقريه مليانه اثاااار بقوه فرحنا للعين اللي كانو الحريم اول يتحممون بها  وبالموت وصلنا لها لانها من زماان واللي حولها صخور بس قهر مااحد مهتم بها  كنت ابي اصور عيون زبيده بس ماقدرنا نجيهن لانهن مسورات فصورت اقرب شي لي اللي هو هذي  من هنا يوصل لها المويه  وهذا شرحها  وبعدين جينا البيت وتعشينا واستانسنا وفلينها ورجعنا بيتنا الساعه 10 بالليل وكلنا تعبانين الطلعه هذي كانت الجمعه اللي فاتت والسبب اني اخرت تنزيلها لان كان عندي اختبار واليوم خلصته وعلى طول نزلتها لكم يلا عاد ابي ارائكم |
|
|
التعديل الأخير تم بواسطة بنت العود ; 24-12-2008 الساعة 03:59 PM
|
|
24-12-2008, 04:47 PM
|
#3 | |
|
•(-•ادارية سابقة •-)•
|
ماشالله رحلة جميلة الله يهنيكم دووووم يارب والصور رااائعة خصوصاالثالثة و مناطق الآثار إلا بسألك ايش علاقة الحجرة بفنجان القهوة والشكولاتة :asd: ربي يسلمك ويعطيك العافية على لقطاتك الجميلة الف شكر لك وبوووسي لي طروقي الله يحميه ويخليه لكم دمتي [[ حورية رواسي ]] |
|
|
|
|
24-12-2008, 06:48 PM
|
#4 | |
|
السلام عليكم ورحمة الله وبركاته
ماشالله رحله سعيده ومناظر جميله الله يعطيك العافيه فقط لدي تعريف بشجرة القريض واعتقد ان اسمه في نجد والحجاز بالحميض ويمكن تقصدين شجره ثانيه تقبل تحياتي |
|
|
|
|
24-12-2008, 08:10 PM
|
#6 | |
|
•(-• مشرفه سابقه •-)•
|
اش اش والله وناسه يابنت العود نص الصور ماظهرت عندي بس عجبتني الصور اللي شفتها والارض ونها يشرح القلب تهنيتو بالطلعه ويعطيج العافيه تقبلي مروري |
|
|
|
|
25-12-2008, 01:13 AM
|
#7 | |
|
•(-•مشرفة سابقة •-)•
|
هههههههه حوريه ابي اعلمكم اني لقيت حجر شكله غريب طبعا اللي بالصوره ضيعتها يوم اصور الاثار كانت بحضني ونزلت وطاحت بس لقيت ثانيه بنت عمها هههههههههههه وطروقي من عيوني بس وه يوسته لها طعم لحالها(وربي ماادري ليش)
ابراهيم خيو القريص غير الحميض لان الاول صراحه يقرص جوانب اللسان اما الحميض حامض<----خذها مني خبره بهن محمد وش اللي اكلتهن حط صورهن بشووف يمكن اعرفهن بس المسمى غير وبعدين تبي قريص رح احش بحالك قريصنا امي تعبانه عليه هههههههههههههه ابشر برسل لك كل اللي عندنا والله الطيب انت اخوي صبا فديتك والله الارض عندي بهذا بحايل وتحديدا بمدينه فيد التاريخيه (حسب اللوحه البنيه) والله الطلعه جنااااااااااااان وتسلمون والله عالمرور الرائع |
|
|
|
|
25-12-2008, 01:35 AM
|
#8 | |
|
ماأقول غير الله يزيد الديار واهلها من خيره
روعه والله يابنت العود والأروع المناضر دمتي ولاهنتي ولاتحرمينا من طلعاتك ترا ماعندنا بهالديره غير البحر وفانتا حميض هههههه |
|
|
يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه
|
|
«
الموضوع السابق
|
الموضوع التالي
»
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| عجوز تحتفل بعيد ميلادها ال 108.. (..لايفوتكم الاحتفال..) | طيف المشاعر | حكاية إبتسامه | 5 | 08-05-2010 11:17 AM |
| قتال الشوارع السعوديه...لايفوتكم | عناوين الشموخ | حكاية إبتسامه | 18 | 24-02-2009 03:13 AM |