سجل حضورك ببيت شعر على ذوقك

وبل المطر بلل لباس العاصمه
واظهر مفاتنها وبين رسمها
فتنه ومعشوقة مراوبح السحاب
اللي تقبلها وتحضن جسمها

تركتني في عز ما كنت محتاج ،
للحب .. والحين اتكلم عن الحب ؟

وفّر حديث الشوق منعاً للاحراج ،
ماعاد لك خاطر وماعاد لي قلب !

يروم القاف ، في صدري تناهيد ٍ من الأعماق
ويبكيه القلم ،، حبر ٍ ،، يسطرّ لي ، معاناته

أعصر الماء من اليابس وأنشّف أخضر الأوراق
على صوت ٍ سحب ،، من داخل الوجدان ، وناّته

محمد بن عمار

تقود الصيد رعبوب ٍ تباهى في أدب وأخلاق
لها بصمات ،، سجّلها الزمن ، داخل سجلاته

ومعدنها ذهب وأصل الذهب من عادته برّاق
جماله في عيون الناس ،، وسعره في جنيهاته

مودتي وتقديري
محمد بن عمار

ليتي أقرب لك ..!! أصير ابن عمّك
أو شر يك ٍ في النسب ، مع خوالك

ياعبير الورد ،، وش لون ،، أشمّك
وأنت بأعلى الغصن ، صعب ٍمنالك

بن عمار

كان حبي ، ذايب ٍ وسط ، دمّك
فالغلا لك ،، في فؤادي ،، لحالك

لك غلا ً..! مهما العواذل تذمّك
فوق ،، ما تتصوره ،، في خيالك

محمد بن عمار

هجرك ذبح خاااافقي والبرد مايرحم
وحدب الضلوع استجن الشوق داخلها!!

و ( مكابرك ) هدّ حيل (مكابري) وافحم
صدرٍ مواعيد لهفاته يأجلها!!


للشظايا

مدري عشقتك دون صوره ولا صوت
وش حال لو شفتك وصوتك سمعتـه

احلم بشوفك شوفتي لك ترى قـوت
والقلب عن غيـرك وشوفـي منعتـه