هنا .. سجن القوافي !!

صح لسانكـ

مليووووووووووووون ولا يكفوووووووووووون
ولا عليك زود يابو بندر

/
يالله حي محمد الفراج نورت السجن الأدبي عامة والسجن الانفرادي خاصة
ارررحب

لاتنسى مع البطانيات جيب دفاية
تعرف هاليومين الأجواء باردة زود

/

يامرحبا يابو فيصل وحي هالجيّة
حياك ربي وهات القوافي والاشعار
/

المصممه الوايليه ,محمد فراج معجبون بهذا

يا مرااااحب
يا شيخة الغيد
النووور نووووركـ لا عدمنى حضووووركـ

وعلى البركه الاسم الجديد

جايب معي حطب ابي اشب النار في السجن
ههههههههههه

المصممه الوايليه ,شيخة الغـيد معجبون بهذا

/

الله يسعدك يابو فيصل
الغرفة متر في متر وين تحط عزبتك ووين تشب ههههههههههههههه
الله يبارك فيك .. تسلم
وقبل الزحمه
ان كان لك نية تنضم لحزب السعد فـآهو خير لك ههههههههههه

/

تسليــــــــــــة صباحية
==

طبيعي الخوف لكن هالمسآ خارج عن المألوف
جمعك غياب وأشواق وحنين وضيّع وصالك

وأنا في منتهى لمّ الحكايات الحزينه.. شُوف
هوا / عبره / ظلام وبرد .. حط البرد في بالك

ولاتنساك / وإحساسي بلاك/ وفكري الملقوف
وكيف الوقت يلعبنا (ضياع / أوجاع) بـ آمالك

على تلويحة الصد / ومواويل الشقا وحروف
ألف .. هاء / التعب جدّ وصياح الجوف متهالك

مطر ناشف على وجه الكآبه والزهر مكسوف
تساقط منه آمالي على الحرمان كرمالك

وأنا ماغير أجمع من سنيني للأماني (صُوف)
وأحاول أشبه اللي ماعليها منك وأمثالك ..!

وينبت يآس ،، في آخر مدآي وخاطري مكشوف
تجاه..البرد والفقد المُحاط بـ قمّة إهمالك ..!

بُكا .. ملّيييت أوراق البُكا.. من لونه المخطوف
ولكن ماتوقعت الأسى يكبر ويقرآ لك

عجزت ألقى وطن فاضي يرد لـ هالأنا معروف
يمشّي حال دنياي اللئيمه دون م ينالك

أبد ،، من رحت وسكوت المسافه بالجفا محفوف
يفتّ ويربك ضلوع الحنين وما إلى ذلك

واكررها طبيعي الخوف لكنْ خارج المألوف
بما إنّ المسا جمّع قساك وضيّع وصالك

هوا .. عبره ظلام وخوف .. شوق وهاجسن ملقوف
تخيّل تتعب وتتعب ،، بوسط البرد ولحالك ..!
/

رحيل ,محمد الغنامي ,محمد فراج و 1 آخرون معجبون بهذا

المصممه الوايليه

صحت السنتكم جميع
تصحبك السلامه
في حلك وترحالك
مديرنا الراقي محمدالغنامي
وان شاء الله
الكفيل يجود لنا بكل ماهو رائع وجميل
تقديري واحترامي لكم جميعا

شيخة الغـيد معجب بهذا

اقتباس:

المشاركة الأصلية كتبت بواسطة محمد الغنامي

كفاله ويعلم الله انها كيبورديه واعتذر ان كان فيها شي
انا بكره ولا بعده طالع للرياض والان مشغول ولا ودي اهمل السجن ويبردون الاعضاء
مذكرة اعتقال لمحمد فراج

يالربع انا ماودي اسبب احراج=واطول الهرجه على من هرجها
النص يبغاله معدين واخراج=وتبلش مجمعة الحجج في حججها
قم يانديبي قبل للصبح ينباج=وقبل العبال البيض يدرج درجها
اركب على اللي لا انطلق شبه ميراج=وبوج الصحاري يابيض الوجه بجها
وان جيت ظلم انشد عن عيال فراج=وخصٍ به اللي كل سكه نهجها
انشد عن محمد ولاعاد يحتاج=غيثٍ غطاء روس الجبال وحرجها
بالمعرفه وصفه مثل عد هداج=وسوالفه من خلقته ماسمجها
وشعره لعشاق الشعركنه علاج=يفداه عوران البيوت وعرجها
فالسجن حطوله مراكي وديباج=وزلٍ يادوب اللي نسجها نسجها
هاته ودونه حط للباب مزلاج=يالين ياتي يانديبي فرجها

تم اخباره تلفونياً

استلم يابو بندر

خطك وصلني ياابيض الوجه ونعاج=فكري على جزل البيوت وسرجها
ماني مدور عن هل الطيب مخراخ=ادروبنا دايم وساع فججها
ونص الكرم في سلمنا ضحكة حجاج=وسوالف ما عيبت من هرجها
يا موصل المكتوب عقب الدبل راج=وحشون خواطر من نضرها بهجها
اخذ مرد ابيوت قرم على اج=الشاعر اللي كل هزله سهجها
خطل اليمين اللي له الطيب منهاج=طيب وكرم وخلاق عنده مزجها
هو مزبن اللي ضده الوقت وحتاج=من دون وجهه واسطاته رهجها
عن درب ابوه وجده العود ما ماج=ماشٍ على سلم الرجال ونهجها
ثم علمه ماني مطالب بالافراج=لاكن يسجن من ذبحني غنجها
ابو جديل ما تبع كل هراج=اللي عيونه لجل عيني دعجها
ولا يوفر لنتر النت الابراج=من شان نور العين ياصل مسجها

للمعلوميه
الدبل نوع من طيب العود

رحيل ,المصممه الوايليه ,محمد الغنامي و 2 آخرون معجبون بهذا

سجين الرواسي ,شيخة الغـيد

ويسعدك يالشيخه

بعدين عندكم احزاب هههههههههه
حطوني في اي حزب بس لا تتركوني لحالي

المصممه الوايليه ,شيخة الغـيد معجبون بهذا

صح لسانكم جميع
مبدعين دوماً

محمد الفراج
حياك معاناا في حزب المدمر

المصممه الوايليه ,شيخة الغـيد ,محمد فراج معجبون بهذا