سجل حضورك ببيت شعر على ذوقك

الحمد لله جونا غيم ورشاش
يعني رومنسي مثل ما ياصفونه

وضعٍ جميل ووضع ياصاحبي ماش
تعجب بـ لون وباهتٍ نوب لونه

موج الخيال يشوت فكري على الطاش
وكلٍ يرى ما حاولوا ينقذونه

الجووهره ,شاعرة نجد ,عذب معجبون بهذا

صح بدنك يالهواوي وصح لسانك
ولاهنت على هـ الابيات,وصح لسانك عذب


وسلمتم ودمتم,’’

عذب ,ناصر الهواوي معجبون بهذا

ليه تشكي وتبكي ماضيٍ فات ليه؟
ليت صندوق سرك ماكشفنا غطاه

كل ماراح رااح ومـ اتحسّف عليه
كافي الحق على قلبي وباقي عطاه

عذب ,ناصر الهواوي معجبون بهذا

يا خاطري علِّم وقل وش مزعلك
لا تحترق من داخلك وانت زعلان

مع واقعك حاول تحدث تفاعلك
قل ها انا ذا مانبي ذكر ما كان

ما كان لك دايم يحرك مواجعك
انسه ودور طب جرحك من الآن

ما فات مات وما يجي لا يروعك
لاهنت يالخاطر وصاحبك لا هان

شاعرة نجد ,عذب معجبون بهذا

شاعرة نجد ,ناصر الهواوي معجبون بهذا

روعه يالعذب روعه
ــــــــــــــــــــــــــــــــــــــــــــــــــ
كبرت وصغرت وكبرت هــ المنى من جديد
لكن مجرد اماني حلو توصيفها

ارسال عن بُعد مافيها إيد جت جانب إيد
لها العنان ارتخا ترثع على كيفها

لو فيه رغبه وتصميمٍ ورايٍ سديد
بعد غدت عمد ما احدٍ قال يا حيفها

شاعرة نجد معجب بهذا

صحت السنتكم,الهواوي والعذب
أبدعتوا وامتعتوا,’’

ناصر الهواوي معجب بهذا

ياحظ من له أم ويقول يمه
ولاقطع من دونها ياسه الموت

ولامسح دمعه عليها بكمه
عايش ربيعه مابعد فاته الفوت

بكفوفها لاضاق صدره تضمه
وتجمع شتاته بالمشاعر وبالصوت

ناصر الهواوي معجب بهذا