سجل حضورك ببيت شعر على ذوقك

تسلم يالعذب وصح الله لسانم ترليون مبدع الله لا يضرك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
دقيت سلفه وعشق واحترك ثم اتجه صوب
الديره اللي لو اطلق طارته وجه نحاها
بي فز فزة مروع قد قرصه الداب مرعوب
الاربعين وميه ما هاد صوته لين جاها
وقف بجنب البويت اللي من الايام منكوب
تشيد العنكبوت بما بقي واهي بناها
قد كان هذا المكان بما مضى للقلب مرغوب
وللروح راحه قبل يصبح بعد راحوا عناها

شاعرة نجد ,عذب معجبون بهذا

تسلم اخوي ناصر وصح الله بدنك ولا عليك زود تحياتي لشخصك الكريم

ناصر الهواوي معجب بهذا

اسلم وسلم واستلم مني رساله يالاثير
شلها على متنك وسلمها وجب لي ردها

ضعها بكفٍ ملمسه مغري وناعم كالحرير
بالهون لاتجرح بزاوية الرساله يدها

لو تنتظر لك نصف ساعه عند بابه وش بضير
لو تنفعل وتقول كلمه ما تعجبك عدها

فكر اللبيب بما يجي منها وما يسمع يحير
تاه بتصرفها ما يعرف مزحها من جدها

وبس هههه

شاعرة نجد ,خيال مطير معجبون بهذا

غياب صار انتشاره مثل فيروس الكرونا
العذب ما اخذ لقاح(احضر)مبكر والمرض جاه
ما فيه قولتك اظنه يوم قفوا وتركونا
العلم شي امتوقع من قبل ما به مفاجاه

شاعرة نجد ,خيال مطير معجبون بهذا

كنت احسب اني بطل في حال ما قفا وقفيت
ولي اتضح عكس ذلك حين خارت صملة الجاش

ياليت كم قلتها لو كان ينفع قول ياليت
السالفه حلقةٍ داخل مسلسل طاش ماطاش

احداثها اعدها فكر المولف داخل اليبت
نسج خياله ما كابد ما جرى فيها ولا عاش

يعصر مخه يبي فيها يحصل كيت من كيت
سمعه وميلان ولاعلام يحدث شرح ونقاش

ما جرهد عواه مثل عواً بصدري لا تراكيت
ولا باع والا اشترى في سوق يا وجداه بالكاش

شاعرة نجد ,خيال مطير معجبون بهذا

الكرونا يوم اخذنا جرعته ماعلمونا
ان له تأثير سلبي للمريض اللي خذاه
لكن احنا يالهواوي بكل جرعه اجبرونا
والأمر امر الحكومه مايصير انا نعصاه
لكن احنا ياعميلي نشتري من يشترونا
لا ولا ننسى الرفيق اللي يوافقنا هواه

عذب

شاعرة نجد ,ناصر الهواوي معجبون بهذا

ما ينعذل من طفح شبله وذا رايٍ لبن عون
صحيح/وانا معه واخالف اللي يعذلونه
ويوكد الراي من له فكر وسمع وعيون
يميز الصوت في سمعه ويبصر في عيونه
ــــــــــــــــــــــــــــــــــــــــــــــــــ ـــــــــــــــــــــــــــــــ
توقيع حضور فقط هههههههه

شاعرة نجد ,عذب معجبون بهذا

شاعرة نجد ,ناصر الهواوي معجبون بهذا