هنا .. سجن القوافي !!

أحتاج لكَ والليْ خلقكَ وَ خلقنيْ )*
عود الوجع من هبة الشوقَ مطروقَ*
ودمع الغيآبَ الليْ دفآنيَ حرقنيَ !*
وكف الكرآ عيآ علىَ مصآفحَ الموقٌ*
والذنبْ ذنبكَ والعتبَ مآلحقنيَ ،*

طير حوران ,هزاع العاصمي ,الشموووخ معجبون بهذا

في عيونيَ فرح وبقلبيْ شجونَ
دآيم العنوآنَ غير المحتوىَ
ليه غربتوآ الهوآويه دونَ ذنبَ
يآوجيه المظآهر والغوىَ

ان كان هذي ما جابت طيركم
فانه مهدود مسيان وتقفاه عقاب وراح مراح امقيط ورشاه هههههههههههههههههههههه

بهر بهيل وصب للطير فنجال=وحط الجمر بالمبخره واحرق العود
ان كانه بزنزانة السجن لازال=وقل للخفير ان كان ماهو بموجود
وتعال واكتب مانضمته من امثال=حتى تعرف اللي لهد خاطر العود
بعد تبدل حاله العام باحوال=يبي السلامه عقب ماايس من الفود
فكره يحط من الطواري ويشتال=مطفوق هجسه حيل والحظ مقرود
حاسه جوابٍ ما طرا له على بال=برسالةٍ من راعي الخدَّر السود
مفادها عساه ماهو لكم فال=(لاتشتقي بي روح من غير مطرود)

الشموووخ ,عازف الشوق معجبون بهذا

عسى الله يجيب اللي يصب أوله و أتلاه
سحابٍ من المنشا تسبّح ملايكته

سنا برق نوّه لا لمع من جهة منشاه
تفاجابه الأرصاد ماهي بـ مدركته

صدوق الحيا سيله يسابق غشاين ماه
على وجه الأرض وماه ما يسبق بركته

يجينا تقول إنه حزينٍ يجرّ إخطاه
على ما مضى نادم والأيـام منهكته

سبب من تركها لأشهب اللال والمضماه
وهي خدها لـ مزونه الغرّ تاركته

على اليابسة كنه يبي يسجد لـ مولاه
يالولا يد المولى عن الأرض ماسكته

ضحك ثم بكى سبحان من ضحّكه وأبكاه
مثل عاشقٍ تبكيه الأيام لـ أضحكته

تكاشف مزونه كنّ برقه من محيّاه
يصوّر مسايل ماه و يتابع إ حركته

غرام بدويٍ يتبع إبله ولا يشعاه
سوى بارقٍ فيه أكثر الناس شـاركته

تخيّل مخاييله لـ عيني و بـ إذن الله
يخيلونه أهل المملكة غرب مملكته

ويعمّ الله بنفعه ربوع الوطن و أرجاه
ولا عاد يبقى جيب في وسط بايكته

طير حوران ,الشموووخ ,النجلاء معجبون بهذا

اممم كاهو سجين الرواسي وهزاع=حضار ومخيم على جوهم صمت
اثنين كلٍ بالشعر طايل الباع=ولسكوتهم واللي خلق ماتفهمت
من العصر هجسي يهجرس بلذاع=واقصر هجاره واكمته دونهم كمت
وللعين يمة دار خلي تلذاع=ودكت طواري بالخفوق وتولمت
لولا ضلوعي قبلي القلب ينزاع=لايردعه ذله ولاهمه الشمت

سجين الرواسي ,النجلاء ,عازف الشوق معجبون بهذا

صح لسانك واعتلى شانك ي الهواوي
حضور راااائع جدآ لله درك ي عميدنا

�� تحذير عاجل !!

اللي يبي أمه تخطب له
يخليها تختار له من العزاء
وليس من الأعراس
لتجنب الغش التجاري.

مع تحيات:
حماية المستهلك قسم الزواج

هههههههههه خروج عن النص وتوصيه يستفاد منها ههههههههه

رحيل ,هزاع العاصمي ,النجلاء معجبون بهذا

صح الله لسانك ياعازف مليار في مليار لي عليها عوده بعدالصلاه ان شاء الله لقراءتها مرات
كايفه ونايفه وبيض الله وجهك واستجاب لك

عازف الشوق معجب بهذا