هنا .. سجن القوافي !!

الله الله
صح لسانك ي الهواوي ولاعليك زود ي كحيلان
اشغلنا الطير مدري وش يبي هههههههههههههه

عازف الشوق
الهواوي
صح السنتكم يامبدعين

لاهنتوا

للجميع صحت اللسنتكم .. شعار ممبدعين ولا فيكم قصور
كلنا نعلم ان الكلام اللي نقوله للتسلية والمزح لا اكثر ومما لا شك فيه كل طرف معنى يخلوو تماماً مما وصف او مماقيل من خلال الابيات

واتمنى ان نحصره داخل السجن ومن نعنيه فقط وان نبتعد عن مايكون خارج السجن للقبايل والافعال ونبعد العنصرية بقدر المستطاع والتمجيد او التقليل من الافراد والعوائل او القبيلة .

ونا عادي اللي بيجي معي حياه الله وان بقيت وحدي ما عندي مشكلة .. بس والله مخليكم فيها ههههههههه

غزلان ,صـدووودٓ معجبون بهذا

اقتباس:

المشاركة الأصلية كتبت بواسطة ناصر الهواوي

صح لسانك يابو بندر
وصح لسانك يالطير ولاهانت روسكم

هات القلم في بياض الطرس ابا اسوجه=باقصى خطوط الورق واعود لدناها
ما اناب عن وجه غزو الحزب في لوجه=كم هيةٍ لااقبلت تزحف نطحناها
وماضاقت الا وهي يالعبد مفروجه=دنياك من فعلتك وش فيك تشناها
حوران وشلك بحمرة ذاك مع دوجه= عينك لمحته وحنا ما لمحناها
ورياسة ابن سهل ماهي بممجوجه=قايد كتايب فخر بالعز يقداها
ياطا بها كل دربٍ وعر ويبوجه=ما دنق لشوف افاعيه وحياياها
وان طعت شوري تسوق عند ابن خوجه=كب الطواريق مالك في ملاحاها

صح بدنك ... اخذ هذي معك قدام ترقد هههههههه

عطوه الاوراق لجل إيوثّق اهروجه... ويكرر الكلمه اللي ماسمعناها

حتيش لو امتلت من كثرها دروجه... اليا بغينا تكرمنا وزدناها

ان سانعت معك والاّ غيّر الموجه... وشلون تنطح جبالٍ منت وياها

اشهودك اطقّها وحجتك مفلوجه... باهت رعيتك من كثرة رعاياها

ياليت حزبك تحصل لك منه زوجه...لعل لحيتك منها تموت عفراها

ماشفت دوجه ودارٍ فيه م ادوجه... ماشوف غير الفياض الخضر وأجواها

سوق ابن خوجه م اجيه ولا اعرف أل (حوجه)... والاّ بيوت القصيد اشيّد ابناها

غزلان ,محمد الغنامي معجبون بهذا

عزالله صح ومن ناحية العنصريه وابوك كلنا جدنا واحد يالقرم واللي يجي معنا من غيرنا اغلى عندنا من بعضنا ههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

اخيولنا يا اشقر الجنحان مسروجه=ورماحنا عن عدانا ما ثنيناها
كم قِلْةٍ من قنا الخفرات مدبوجه=وكم حلةٍ في غزاوينا سهجناها
قريحتك يا فتا الابداع مرجوجه=وكم فكرةٍ فكرك البارح تبناها
قدمت وجهة نظر ماهيب مسموجه=مبنى/ولايقبل الشارع بمعناها
ريح العطر من سعيده صار له فوجه=ولسعيد دايم تزين نقش حناها

طير حوران ,غنجَ ,غزلان و 1 آخرون معجبون بهذا

محمد الغنامي

الله الله
عازف الشوق صح لسانك يالرائع
ابو عبيد صح لسانك واعتلا شانك
الطير حوران صح لسانك واعتلا شانك


خذو ذي معكم لاهنتو

يامل قلبٍ يتله ود عمهوجه=تلت رشاء من على بيرٍ وردناها
لوان دونه ضلوعٍ صم معيوجه=غرامها صدور خلق الله تمثناها
يوم اقبلت والعيون الخرس مدعوجه=حازت شعوري من ادناها ليا اقصاها
مشاعرٍ قفر ماهي قبل مديوجه=ماطبها اللي من العربان يرعاها
الحب في ربع ساعه شادة بروجه=وراحت عقب شيدة في القلب مبناها
حيث ان ذي سكةٍ للعشق منهوجه=تجي من الله لو انا مارضيناها
عدة بيوتٍ غزل ماهيب معلوجه=ماقالها الطير وابو عبيد غناها
في حربٍ يدور مدري ويش منتوجه=هذا طبخنا وهذيه شويناها

رحيل ,النجلاء ,غنجَ و 1 آخرون معجبون بهذا

غزلان

الله الله ي عازف صح لسانك ي مبدع ~
صح لسانك ي الهواوي مبدع وجزل ي رئيسنا ~

صح لسانك ي الطير حوران ابدعت ~
صح لسانك ي الغنامي مبدع ~

ودي وتقديري للجميع ~

السلام عليكم
الان نعلن عن اسماء حزبنا حزب

(المدمر )

1-هزاع العاصمي ريس الحزب
2-النجلاء نائبة الريس
3-حبيس المشاعر
4 محمد الغنامي
5-غنج
6-رحيل
7-صدود

غنجَ معجب بهذا