** مقتطفــااااتـــي **(خاص)

يقول غني لي مـن الشعـر مادمـت=غالي عليـك وتفرحيـن بحضـوري
غني وأنا ب/أسمـع ولـو ماتكلمـت=رذراذ حرفـك تنتشـي بـه زهـوري
و هيبة شموخه تفرض العقل والصمت=والقـاف عيّـى لا يعبّـر شـعـوري
ودي أغنـي لـه ولكـن تلعثـمـت=مدري خجل,مـدري يكابـر غـروري
طبع ابدويـه مـن زمانـي تعلمـت=كتم المشاعـر لـو ثمنهـا سـروري

عبدالله الصقري معجب بهذا

سريت أطرد هجوسي والقمر يشهد على مسراي=لقيت الهاجس اللـي ممتحنـي صـار يلعبّـي
تبلاني,تولاني,وشتتـنـي عـلـى عمـيـاي=هلكني واتلَف أعصابي,ولاحصّلـت لـه طبّـي
أحَسْب أني على نور القمر لامن وزنت اخطاي=تسهّل دربي اللي للأسف معْـهْ الهـوى هبّـي
عواصف تحجب الرؤيه,وليلي طال يامشكـاي=غريقه وان طلبت العون,ما اطلب غير مـن ربّـي

عبدالله الصقري معجب بهذا

ياحروف الشعر روحـي علميـه=ويش كان و ويش كنا واسمعـي
سافري له فـي منامـه قوميـه=قولي أصحا,واستعد اسهر معـي
علميـه الليـل طـال وفهميـه=وش ورى ذيك السحابه؟وأسرعي
وان صحى فالحال والا ودعيـه=قولي أحلامك سعيـده وارجعـي
الخيال اللي مْعذّبنـي مـا ابيـه=كيف صوّر لـي وغيّـر واقعـي
أبدع الأبيات واكتب ما اشتهيـه=وابني أحلامي وأدشّـن موقعـي

عبدالله الصقري معجب بهذا

تمر الليالي كنـّها البرق يامنصور=ولا كن حنا يوم!رحنا ولاجينا
دقايق وساعات وليالي وبعض شْهور=وكن البواخر ماتعدت موانينا
غريب الزمن يالهفة الخاطر المكسور=يسيطر علينا مانشد عن شهاوينا

عبدالله الصقري معجب بهذا

كان تسأل عن عْلومي في غيابك=ماتسر الحال ف/غيابك عْلومـي
لاتهيضنـي ولاترسـل جوابـك=ليتها ف/إيدي وأوزعها همومـي
مره أوصل مع خيالي عند بابـك=واتعلّى في سماك امْع النجومـي
ومره أنهر خافقي لامن حكابـك=واجحد دْموعي ولو تغرق كْمومي

عبدالله الصقري معجب بهذا

محتاجتك يابوي واللي خلقني=ماغبت عن عيني ولايوم يابوي
عقبك عشقت الحزن مدري عشقني=يشكي لك الوجدان لو مانطق فوي

عبدالله الصقري معجب بهذا

تخيّل خيالي والخيال الرهيف امباح=خذاني وانا غمضت واسهب وسافربي
خذاني وأنا في مرقدي والبدن مرتاح=يمينه تيامن بي والاخرى تياسربي
معه زولٍ أشغلني لمحته وبرقه لاح=على سطح مظلم جاب حسه هوى الغربي
يقول ألحقي عمرك وأنا قاصدك نصاح=بـ أشيل الذنوب وسايريني على دربي
وأخافه يوهقني وسيف الغدر ذباح=ويخْـلِي سبيله لاطريقي تعثّربي
خيالي تخلوابي وأنا كل ليلي راح=لانومٍ تهنيته ولاطاب لي شربي

عبدالله الصقري معجب بهذا

عسى الضيقه اللي كل ماقلت راحت جات=تروّح مراح مقيط يوم ألحقوه رْشاه
علشان عيني لابغيت المبيت تبات=وعلشان يسلى خاطري عقب كثر الآه
بلعت وكفاني ماوصلني من الوجعات=عسى الله يفرج ضيقةٍ ف/الحشا تصلاه

عبدالله الصقري معجب بهذا