سجل حضورك ببيت شعر على ذوقك

تستلذ البعد وتحب الغياب
كن مافي منهجك كلمة وصل
كل موعد نرسمه يصبح سراب
في مواعيد المحبة وش حصل
ياخي اهل الأرض وصلوا للسحاب
وانت ماحد يم ابوابك وصل ؟!

بوحي

النجلاء ,الجووهره معجبون بهذا

‏يا ناس دام الله فرق خلقه اجناس
‏هضم المكانه فيه غبن و إهانه

‏لا تنـزّلون الناس في منزلة ناس
‏تكفون حطو كل شخص بمكانه

‏⁧‫#محمدالعواد‬⁩

النجلاء ,الجووهره ,نايف الناجي معجبون بهذا

ياحمـود راحـو محــتمين المــغاتيـر
ماعـاد تلقى فزعة الهجـن والخيل

هـذا وانا باقــــول باقـــي لنـا خيـر
والطيب باقي في صدور الرياجيل

الــــوقــت غيــر ودورة ايامـنا غــير
والعـلم عند ام الرموش المظاليل

النجلاء ,الجووهره معجبون بهذا

البارحه يوم كل نام يانايف
أخوك ماهوب لانايم ولاواعي
يحوف قلبه من همومه مية حايف
من غير هم قديم بين الأضلاعي
هم يزعزع جبال طويق والطايف
مخفيه لي مدة مع باقي أوجاعي
لاشك ماني من غدر الزمن خايف
أعرف دخولي بعد ماأعرف مطلاعي
لكن الأيام منها خاطري عايف
لو إنها تجربة عمر وتمتاعي
يلوفني عن مقاصد خاطري لايف
وأمشي مع الدرب وعيوني لمرجاعي
لاعاد تنشد عيوني ويش أنا شايف
مافي عيوني يسولف لك عن أوضاعي

النجلاء ,الجووهره معجبون بهذا

خليف شوشبي و شوشت بشـــويـش
لوايش ياخــــليف العرب شوشوبـي

صارت كذا ياخليف لاتنشــــده ليـش
هوليـش طير مــــــع مطير الهبوبـي




لاعاش راسا ينقـل الغش والطيش
بالطيش دايـــــــم ماتــــزيـن الدروبـي

يلي تشوش ببن عمـــك علــى ويـش
حتيـش لوصـــــــــارت كبار الذنــــــــوبـي

ماادنى العلوم اللي على الخم والريش
ياويش ياخليف العرب شوشوبي!

ماتبلش العاقل علـوم الدراويـش
تشويش ماعمر العرب دروشوبـي

لوكنت ناويها بقفله على الشيـش
بالشيش ابقفلها شمـال وجنوبـي

صح لسانك نايف

الجووهره معجب بهذا

والله انا في زمــان (ن) مـايطمن.
فـيـه ذيب وفـيـه داب وفـيـه حـيه.

لو تـروح لصـــاحبك تـبغى تـطـمن.
قال مدري ويش عنده فـي مجيه.
#سلطان_الجابري

الجووهره معجب بهذا

الجووهره معجب بهذا

كلامك اجمل من سكوتك اذا طال
اسمعك باحساسي ويضحك خفوقي

شفت المطر ، لابلل وجيه الاطفال
يشبهك ،، لابلل كلامك عروقي ..!