** مقتطفــااااتـــي **(خاص)

صف جيش المشاعر واستباح الشعور
واسْرف بْقو صبري لين هده وطاح

استثاار الغباار وطاار جول الطيور
يوم هبت على غصن الغراام الرياح

باح سد الحروف,وسااح حبر السطور
وفااح صدر الغلا من حر الاشوااق فاح

مابقى غير جُمله(ياعذااب الصبور)
طاال ليله وهو ينطر خيوط الصبااح

عبدالله الدّنّيش ,ناصر الهواوي ,خيال مطير معجبون بهذا

ياليل سلم لي على الليل ياليل
قلله ترى ضيّعت وجهة مساري

تعطلت عندي وصارت غرابيل
بعض الخطوط اللي تشوّش مداري

هي هكذا صارت ولو يطفح الكيل
واللي فرضها الوقت موب اختياري!

حاولت لين ازريت وابليت بالحيل
ومع النسيم أرسلت جل اعتذاري’,

عبدالله الدّنّيش ,ناصر الهواوي ,خيال مطير معجبون بهذا

لاسمعت الورق يسجع على الغصن الرطيب
غنَّ لي وارسل مع الحدس لاهبت هبوب

العصر قبل المساا حوله وقبل المغيب
للهوى في ذيك الاوقات متعه فـ القلوب

ومع نسيم الصبح كل المشاعر تستجيب
من شمال وشرق والغرب والا من جنوب

بالتجاه اللي توجّه مع الحس الغريب
لاجذب قلبي وغلبي وجت من كل صوب

المطر والغيم والبرق والجو الرهيب
جابت الليله ذالابيات والعمر مْحَسوب

عبدالله الدّنّيش ,ناصر الهواوي ,خيال مطير معجبون بهذا

بصراحه مريت على اخر صفحه وتمنيت لو عندي وقت وابداها من اول صفحه من روعة
وجمال ما وجدت في الروضه المزهره بعد علها همال الابداع
صح الله لسانتس شاعرتنا ولاهنتي ودمتي وسلمتي
تحياتي

عبدالله الدّنّيش معجب بهذا

الله يصح بدنك شاعرنا
مرور المبدعين تشريف طال عمرك

شكري وتقديري,’’

عبدالله الدّنّيش معجب بهذا

قلّب الصفحات واقرأ وانا بـ اقرأ وازيد
من جديد الشعر لو مامضى يرفض زْياده

لو عنيده وانت بالمثل يالمجرم عنيد
بس حوى اعظم ولو يبطي آدم في عناده

تكسره مع طول الايام لو باسه شديد
ويْتردد ويْتودد وينزل من شداده

يمكن اقول انحنَى لو قوامه من حديد
ويمكن اقول البطل يحترم رغبة فواده

للنسيم الى اصبح الصبح واومَى بالجريد
نفحةٍ ينعش بها الروح لاذعذع براده

ويْتهيض هاجس الشعر من عذب القصيد
والمشاعر تلهمه لين يسهب في مراده

إيه والله غصب عنّه يوضّح مايريد
لافرغ صبره وعدّاه من شربه وزاده!

الهواوي

هههههههههههههه الله سبحانه قال/عن كيد الشيطان ضعيف وقال سبحانه ان كيدكن عظيم
اهلا بشاعرتنا المبدعه بدون مجامله صح الله لسانك ولاهان راسك ودام تواجدك رائعه وعذبه القصيده تعتبر من الوزن الثقيل كما يقال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
مرحبا ترحيب معجب ولا تبغى مزيد
بمن تحل وتفتل القاف بهدو وركاده

ما يحصل ختم(ممتاز)من مخه بليد
لو من كبار النعم تحسب احيان البلاده

كل ما قلتي مدون بقرآنٍ مجيد
وانتي اعلم به ولكن من باب الإفاده

مع سعيده لو يقولون وش شربك سعيد
والسؤال موجهٍ لي انا قلت القراده

مسلكٍ ما تقدر اتحيد عنه ولا يحيد
موجب وسالب شريكين في حزن وسعاده

من قسا حوى ومن كيدها كثر الوعيد
بحق هالمسكين لو كان ما تقوى بعاده


تنبسط لاقالوا الناس جابت فيه عيد
وفص ملح يذوب لوقال مالي فيك راده

ترجمة ظاهر مقاله لتوكيد الاكيد
مع بقى رمزية محرر القاف ومراده

تشرفت بمجاراته شاعرنا في سجن القوافي
وحبيت احتفظ فيها بركني
شكري وتقديري له,’’

ناصر الهواوي ,عبدالله الدّنّيش معجبون بهذا

ارحميني ياظروفي واسعفيني ياحروفي
الشتاا ليله طويل وفـ السهر متعه وراحه

ياهجوسي ابتعد وارعد ولاتخشى ظروفي
هات ماعندك وكوّن في دجَى ليلي مساحه

ناصر الهواوي معجب بهذا

يازين غايم جونا اليوم زيناهـ
ياليت جوي داخلي مثل ذالجو

أنشهد انّه جاا على مـ اتمناهـ
صدر السماا (يُم)شعلل البرق محلو

عانقت غيمه لين حجري نثر ماهـ
دمعٍ على خدي مثل وابل النو

ياليت للهاجوس ريموت ليتاهـ
واسكره وارتاح لآنا ولا هو

واسلا واعيش ومامضى كله انساهـ
واقول ياقلبي كفَى,ماتبي سو

قررت يوم العزم والعزم مـ اقواهـ
شد وسندني دون لكن ولا لو’,

ناصر الهواوي معجب بهذا