آخر 10 مشاركات |
|
الـــركــن الــهــــادي .. مرســى صدح الأنا وإختلاء الروح ( راسيه بلا ردود ) .. |
انشر الموضوع |
|
أدوات الموضوع | انواع عرض الموضوع |
08-03-2022, 11:11 PM | #417 |
حزب العاصفه
|
جديدي.. بالله شمس الغروب,اكتب لروحي رساله
على خيوطك قبل ما تعلنين الغروب جول الطيور وسكون الجو يذهل جماله ويْثير عذب القصيد,الله يَغَفْر الذنوب عادي ولو كانت حْروف الغلا في عُجاله بين المواليف رمز يْجيب مافي القلوب لهفة غلانا بسمانا نجمٍ تمَيّز لْحاله والشوق لو مر عـ القطب الشمالي يذوب مناي,نسمة هواي,اقصَى جهودي وصاله لو قصّر الحظ عن بلسم حياتي مـ اتوب وان طاب حظي وسوّىَ الوقت فيني جماله والا بصيص الامل شمعه تضيء الدروب! |
سبحانك اللهم وبحمدك
أشهد الا اله الا أنت,أستغفرك واتوب اليك |
27-03-2022, 11:38 PM | #418 |
حزب العاصفه
|
ساخنه!!
ماكل قافٍ يجي عـ البال غنيته لو القريحه تفيض بْموجها الطامي ياما وياما بجوف الصدر رديته ولا طلع غير بين الروح واحلامي والا طلاسم بسحر الشعر مخفيته لو حللت واستحلت رووس الاقلامي بيني وبينه ولا جاني ولاجيته الا مع الزفره اللي دقت عْظامي أفووق وارووق مخطيته ودليته هي هكذا الطلسمه يـ الصادر السامي |
|
16-05-2022, 11:53 PM | #419 |
حزب العاصفه
|
قفلت صندوق الضماير على السد
وحْـروف شعـري بيّحـت وفْضحتـنـي لابــــد مــــن قـمـريــة الـغـصــن لابــــد أن جـتـنـي مْـسـيـان وان صبحـتـنـي تـثـيـرنـي بـ الـحـانـهــا غــصـــب وارد صارحـتـهـا بـ اســـراري وصارحـتـنـي نــعــم اغــــار وغـيـرتــي مـالـهــا حــــد لاشـــــــــك مـابـيــنــتــهــا وذْبــحــتـــنـــي تقفـي وتقبـل بـي مـع الجـزر والـمـد لاغــــيـــــرت حــــالـــــي ولاريــحــتــنـــي! |
|
29-05-2022, 12:01 AM | #420 |
حزب العاصفه
|
يازين زقزقة العصافير عـ الصّبح
إيوالله انْها تفتح النفس ياسعود مخلوق ماهمه خساره ولاربح عايش على الفطره وساكن على العود ماطلسم التغريد,مابعّد الشبح ماشال من هم المناقيد منقود وانا ذبحني هم من همني ذبح غردت ماغردت مافِـ الحكي فود يسبح بي الهاجوس في غبته سبح ويْروح بي مع صفْق الامواج ويْعود |
|
29-05-2022, 12:12 AM | #421 |
حزب العاصفه
|
ياليل سولف لي بعيدٍ عن الناس
وأنا بسولف لك خفايا سْدودي بـ اشكي لك هْمومي من الراس لـ الراس أما يزوول الهم والا يزودي |
|
25-06-2022, 12:40 AM | #422 |
حزب العاصفه
|
ياسموم القيظ وش عاد باقي فـ الشهر؟
ننتظر,تكفين خفي علينا يـ السموم ونْتجهز عقبها للمصيف وللسفر لـ الديار اللي سماها تغطّى بالغيوم والخضار اللي نشوفه على جال النهر يشرح الخاطر ويجلا من الصدْر الهموم لو مـ هي بديارنا بس فتره فالعمر ننتعش ونْعيش في جوّهم لو كمّ يوم |
|
09-08-2022, 11:03 PM | #423 |
حزب العاصفه
|
ذكرااك صارت في حياتي حكايه
يامشغلٍ بالي على غير مصلوح رفعت لك يامسْهر العين رايه زرعت لك بستان من فااخر البوح يامهجتي يادنيتي ياهوايه قلب الحزينه من جفى الوقت مجروح لو غاب نجمك ماطلع في سمايه ماغبت,ساكن يـ الغلا داخل الروح |
|
15-08-2022, 12:31 AM | #424 |
حزب العاصفه
|
تسابق حْروفي واناا لي شْفوفي
متمكنه لو كل حرفٍ ولَه ظرف أدرَى بروحي لو تعاند ظروفي وأمس حبل الهجر لو يسهر الطرف بروحي وانا ادرى ليت روحي تروفي بْحالي بعد مـ اسرف بها همها سرف أطلع الى القمه على مد شوفي وكلّ الامل وانهل من جرف لاجرف مـ عاد لك ذرة غلا وسط جوفي ومـ عاد لك بين القوافي ولاحرف |
|
|
|