** مقتطفــااااتـــي **(خاص)

يابحر لاتغري عْيونـي بالامـواج=وأغرق وأنا ما اجيد فن السباحـه
أحتاج لك من ماضي الوقت واحتاج=ل.هدير موجك في خفوقي مساحه
مالي عن الضيقه ولا الهم مخـراج=وألقى عليك العصر لاجيت راحـه
معظم قصيدي يابحر طـي الادراج=الا على جالـك حْرووفـي مباحـه
أفرح إلى ماشفت حولك حد(ن) داج=ماحولي الا الطير يكفـخ جناحـه
عشان أغني دون منقود واحـراج=واجر مبدأ القاف واطلق سراحـه

عبدالله الصقري ,لقيت روحي معجبون بهذا

كانـك نويـت القطاعـه لاتعلمـنـي=أبنتظر لو حَرَقنـي وااهـج الأنتظـار
شفتـك وأنـا فـي منامي(يُم)تكلمنـي=وتقول يوم الودااع المر يابنـت صـار
أجحد شعـوري وأنـا قلبـي مْألمنـي=يْخاف يمشي به التيار عكس المسـار
وأشره على الوقت وأعْتب ليش ظالمني=والفكر شغال مايرتـاح ليـل ونهـار

عبدالله الصقري ,لقيت روحي معجبون بهذا

عطني طرف حبل القضيه ويكفـي=وأنا عليه أبني صحيـح المعانـي
أبي الجواب اللي عن الشك يشفـي=جاني مـن التّمويـه ماهوكفانـي
مرات أقول أشتلت حتفـي بكتفـي=وأنا سبب مـادار حولـي وجانـي
ياكثـر ماجـوّي يغبّـر ويصفـي=عايشت طقسه لو لهيبـه شوانـي
وياكثر مالحاجب رقص لي ورفـي=وياكثر ماهوجـاس قلبـي خذانـي
ومرات أقول الوصف ماهوب وصفي=يمكن فهمته غير والقصـد ثانـي!

عبدالله الصقري ,لقيت روحي معجبون بهذا

الا ياعيوني لاسهرتي لتالـي الليـل=تعلّي على سطح القمر فووق واخْذيني
خذيني ولو لحظات باعيش بالتمثيـل=لو أني مااحب الزيف تكفين ياعينـي
أنا مجهده ماعاد باقي بروحي حيـل=ولا أدري على وين المقادير ترمينـي
تحداني أفكاري وتصهل صهيل الخيل=وتْعاهد على ميـدان همـي تودينـي

عبدالله الصقري ,لقيت روحي معجبون بهذا

يقولون نجد سْيولها تضرب الجيلان=عسى يختلط من رجعها لون زاهرها
أتابع عْلووم أمطارها وأنشد العربان=شعاني عليها الشوق لازاد ماطرها
بعيده ولكن في رجى مدّة الرحمـن=يعجّل علي بشوف نجد ومناظرهـا

عبدالله الصقري ,لقيت روحي معجبون بهذا

شاعرة العالم كله لاهنتي بيض الله وجهك

ارويتنا باشعارك الفاتنه بجمالها الاخاذ
لله درك

عبدالله الصقري معجب بهذا

أحْسب الليل وظلامه يستـر حْـروف القوافـي=وأحْسب أن السيل لانحى ما أحـدٍ يقـدر يـرده
وأحسب أن الجسم دايم في نشاطـه وامتعافـي=وأحسب أن راعي الوفاء مهما حصل ماباح سده
لين شفت النور ظاهر وأحسب أن الجفن غافي!=وشفت حتى السيل حطوا له جْسورٍ مستجـده!
وشفت تنقيب ورقابه,وشفت نيـران ومطافـي=وشفت بعض الناس يلبس ملبسٍ ماهوب قـده!
وشفت حرفي يُم تعلّـى والله أعلـم بالخوافـي=والصحيح يصح والباطـل عليـه الله يهـده!!

عبدالله الصقري ,لقيت روحي معجبون بهذا

اقتباس:

المشاركة الأصلية كتبت بواسطة الاجوديه

شاعرة العالم كله لاهنتي بيض الله وجهك

ارويتنا باشعارك الفاتنه بجمالها الاخاذ
لله درك

تسلمين ولاهنتي فديت روحك

شكري لحضورك العطر’,,

عبدالله الصقري معجب بهذا