هنا .. سجن القوافي !!

هنا خلل عسى محمد يسويه
ويزهم عليهم جعلهم يصلحونه
ذا المندى وارجع الى قلب راعيه
ياشيب عينه لاتذكر عيونه
يدوخ كن اليابسه تدرج فيه
وينخى ولا حوله عرب ينقذونه
وبس

شاعرة نجد معجب بهذا

سلام عليكم

كيفكم يـ الرواسي
وصح لسانك شاعرنا المبدع
ولاعدمنا روائعك العذبه

تقديري،'

مرحبا بك يـ الهواجيس فالليل الطويل
متعيني نسري الليل ساري وسْروي

ذكريني واتذكر وياصبراً جميل
أتجاهل ذكرياتي وتدوي بي دوي

آهـ يالماضي على الشاعره حمله ثقيل
لو تناست مانست، ذيبها يعوي عوي

فوق الاطلال القديمه حمامه والهديل
كل مافي وسعها تسجع الحس القوي

فوق غصنٍ كل ماهبه الشرقي يميل
هو هواها ماتبي لارفيق وُلا خوي

هات ياشعري ترى خافي القلب العليل
تطوي أشجانه قوافيك لاهلت طوي

ناصر الهواوي معجب بهذا

ارحبي يا شاعرة نجد مع الدفا ما كنا في شباط ولله الحمد
وصح الله لسانك ولا هنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يتغلغل الياس لين اقول وينك يالامل عقب الرجا وين
وتجاذبه شاعرتنا من تجاويف الصدر والفكر والروح

بابياتها الرايعه بعد الغياب القاف منها عن ثمانين
واطرب القبفانها واشوح عن هجسي مخاليب العيا شوح

ماجازت لي بس لي عوده عسى المزاج يتحسن ههههههههههه

ارحبي يا شاعرة نجد مع الدفا ما كنا في شباط ولله الحمد
وصح الله لسانك ولا هنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
يتغلغل الياس لين اقول وينك يالامل عقب الرجا وين
وتجاذبه شاعرتنا من تجاويف الصدر والفكر والروح

بابياتها الرايعه بعد الغياب القاف منها عن ثمانين
واطرب القبفانها واشوح عن هجسي مخاليب العيا شوح

ماجازت لي بس لي عوده عسى المزاج يتحسن ههههههههههه

مرحبابك يالطواري وبي حطي واشيل
اقلقي ما شيتي قلاقه ولا تسألي

لو رجوعك بي لما فات لي شره وبيل
ودي اسلم لا لي يكون شي ولا علي

يالطواري كثرتك تودع العاقل هبيل
ياهني قلبٍ منك ياهواجيسي خلي

كنت اشاور من يشاور واحصل لي دليل
وهالسنه عليا بغيبه ولا شفنا علي

مرحبابك يالطواري وبي حطي واشيل
اقلقي ما شيتي قلاقه ولا تسألي

لو رجوعك بي لما فات لي شره وبيل
ودي اسلم لا لي يكون شي ولا علي

يالطواري كثرتك تودع العاقل هبيل
ياهني قلبٍ منك ياهواجيسي خلي

كنت اشاور من يشاور واحصل لي دليل
وهالسنه عليا بغيبه ولا شفنا علي

ازور انا الوادي المشجر يذكرني بطاريه
ولا عاد فيني تحمل ياهجوسي للطواري

اقفي عنه غصب كني كاره الوادي وانا ابيه
لو رحت عنه الصباح ومعتنع له جيت ساري