هنا .. سجن القوافي !!

ارحبي يامبدعه وصح الله لسانك وادام سعادتك( وحضورك ) ههههههههه
هالمره ابا اجاريك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

مرحبا ما خايلت عين لبروقٍ تلوح
وما تغنت راعبيه على خضر الجريد

بقاف من هي للغياب اصبحت جدا طموح
راغبه وتريد عكس الذي حنا نريد

كم نحاول ردعها بالهلاوي والمدوح
وكل ما زدنا بالهصنف قامت هي تزيد

شباط حمسنا على مقابل النار وحنا بعز القيض دايم نشبه
ما للدلال بدونها ياملا كار لعماس روس الناس كيفه وطبه
ماهو بذا الموضوع وشلون ذا صار
ما كنت اريد الهجس وشلون كبه
قبل امس فكري من طواريه محتار
من كثرها بالصدر دق المنبه
وحركت حين الشمس شعت بالانوار
لدارٍ خشيف الريم كانت مربه
حيٍ قديم وضلع واشعيب واشجار
ما فيه لي مصلوح لكن احبه
لي ذكرياتٍ فيه وعلوم واسرار
من مستوي دربه وعالي مطبه
اقرا حروفٍ ما تبين للانظار
سطرٍ به ارحب وبه سطر اسبه

وبسسسسسسسسسسسسسسسسسسسسس

يالسجن قل وين الربع والربايع
راحوا بعذبات السوالف والاشعار

بقيت انا بين الزنازين ضايع
الهجس غير الهجس والفكر محتار

ال ربعنا يالسجن ضامي وجايع
واثبات ذلك كل ساعه وانا مار

قف ياقلم بكتب كلامي بالابهام
بلوحة الكيبورد همز الازره

اقارن احداث السنه ذي مع العام
لو بعضها يضر وضعي ممره

حيث ان في بعض الطرق يوجد الغام
والبعض خالي بس فيها مضره

هوجاسك ابـ ما قد مضى يؤلم ايلام
واثني على النسيان لله دره

ادخل ولا القى غير وانا واطلع واعود
وصدري يهيظ هاجسي من ضيقته

واقول له قل ما طرا وإطلع سنود
لو شاب قاف الشعر ابا اصبغ شيبته

بالذكريات امات زينات البنود
الطاري المبعد تعجل جيبته

تصيح يا(...............)ياهاله يالعنود
لــ نقط مكان اسمه حدتني هيبته

اظن ما تحتاج هالقيفان زود
قفل على باق الكلام بعيبته

هههههههههههه

ادخل ولا القى غير وانا واطلع واعود
وصدري يهيظ هاجسي من ضيقته

واقول له قل ما طرا وإطلع سنود
لو شاب قاف الشعر ابا اصبغ شيبته

بالذكريات امات زينات البنود
الطاري المبعد تعجل جيبته

تصيح يا(...............)ياهاله يالعنود
لــ نقط مكان اسمه حدتني هيبته

اظن ما تحتاج هالقيفان زود
قفل على باق الكلام بعيبته

هههههههههههه

ياشيب عين السجن والقاف والهجس
ومن هو يدوج بينهن شيب عينه

ويا كبر فرق اليوم عن وضع قبل امس
لو بالخيال اقول وينك ووينه

الله على اللي دقة السلف باللمس
انتاج هذا العام ضخم المكينه

ابي عليه اسلي الخاطر العمس
بفصيح قافٍ ما دخلته رطينه

اقول له ما فات لك كنسله وانس
ذي سدها بالطين وبــ ذي عجينه

ليا زن بــ اذنك ما تحلوى من الهمس
وبس

هنا خلل عسى محمد يسويه
ويزهم عليهم جعلهم يصلحونه
ذا المندى وارجع الى قلب راعيه
ياشيب عينه لاتذكر عيونه
يدوخ كن اليابسه تدرج فيه
وينخى ولا حوله عرب ينقذونه
وبس