هنا .. سجن القوافي !!

السلام عليكم جميعا ورحمة الله وبركاته

ومسائكم جميل بتواجدكم وشعركم وتعقيبكم

الحقيقة إني لم أز منتجعكم هذا إلا مؤخراً ... دخلت وأستمتعت وتهت ولم أعرف باب الخروج ، وهذا يدلل على أنه سجن الإبداع وقد سررت وأُسرت بجمال جميع المشاركات .. وتابعت أغلب المشاركات
الأخيرة من سجينتكم شاعرتنا المبدعة شاعرة نجد ، وليت أبو عبيد منحها يومين زيادة .. ولكن اللي حصل كان فيه الخير والبركة .. وننتظر إبداعها في بيت القصيد .. ونرحب بشاعرنا سعد بن حسين في سجن القوافي .. وشكرا يالهواوي والنجلاء على متابعتكم .. وعساكم سالمين ،،

النجلاء معجب بهذا

تحررررش بقريحة الهواوي ههههه
وتسلية للسجين .. وعليه المتابعة مع أبو عبيد
^^

غنّ بالطرق هذا يالهواوي = شلّ باللحن لعب السامريه
ردّ بالصوت دام الصف لاوي = وأضرب الطار وأسمِعنا دويه
وأنظم القاف وأسجع بالغناوي= واطرب اللي لعب والسامعيه
ميّل الرأس وأدحن وأنت قاوي = وأظبط الصف مثل العسكريه
خابرك يالهواوي وأنت هاوي = وأنت مازلت هاوي بالهويه
والحمامة على الغابة تغاوي= وكل ذيبٍ عوى تسمع عويه
وآآه يا صاحبي شفت البلاوي = من صحيبٍ خذا عقلي عليه
مثل قيس الملوح والعطاوي = يوم جنوا بليلى العامريه
في زمنّا نشوف ولا لقاوي = ليت هذا الزمن مثل أوليه
يالهواوي ترى مثلك نخاوي = لأتجهنا على نجد العذيه
ودي أجيك وأعطيك الحكاوي = ولازم أصوب دارك في ضريه

وسلامتكم

الله الله
ابداع في ابداع
ابو عبيد صح لسانك على الكفاله .. بالرغم انك استعجلت ولاكن لنا رجعه مع شاعرة نجد
عبد الله الدنيش .. مرحبا ومسهلا مليون يالمبدع صح لسانك على هالعذبه الموجهه
شاعرة نجد صح لسانك مليون كنتي ولازلتي مبدعه شاعرتنا .. الحمد لله على السلامه .. ولك عوده للزنزانه قريب ان شاء الله ههههههه
ننتظر الشاعر/ سعد حسين

السلام عليكم وصبحكم الله بالخير شعراء وشاعرات وسجناء وسجينات منتى الابداع منتدى رواسي ويشرفني تواجدي بين كوكبه من المبدعين والمبدعات واعذروني على عدم الرد لوجود مشكله في متصفحي لانه كل شوي يسوي لي خروج وانا مابي الخروج من سجن الابداع وتقبلوا مروري بها الابيات عساها تسلي كل مسجون

حاربوني دون ما ذنب وخطيه
وقطعوا من بيننا حبل التواصل

الجواهر صغتها صبح وعشيه
والبلا دقوا وتد بين المفاصل

ومن يلخبط بالحروف الأبجديه
مدركاته عندنا تحصيل حاصل

دام ما حسًب خطاويه الجريه
جعل ما بيني ولا بينه تواصل

الله الله
صح لسانك يالدنيش على هالرائعه
وياهلا ومرحبا بك في سجن الرواسي ولاتغيب خلك قريب ياشاعرنا
المزيني
ياهلا ومرحبا بك نورت السجن
وصح الله لسانك ودام ابداعك شاعرنا

غنّ بالطرق هذا يالهواوي = شلّ باللحن لعب السامريه
ردّ بالصوت دام الصف لاوي = وأضرب الطار وأسمِعنا دويه
وأنظم القاف وأسجع بالغناوي= واطرب اللي لعب والسامعيه
ميّل الرأس وأدحن وأنت قاوي = وأظبط الصف مثل العسكريه
خابرك يالهواوي وأنت هاوي = وأنت مازلت هاوي بالهويه
والحمامة على الغابة تغاوي= وكل ذيبٍ عوى تسمع عويه
وآآه يا صاحبي شفت البلاوي = من صحيبٍ خذا عقلي عليه
مثل قيس الملوح والعطاوي = يوم جنوا بليلى العامريه
في زمنّا نشوف ولا لقاوي = ليت هذا الزمن مثل أوليه
يالهواوي ترى مثلك نخاوي = لأتجهنا على نجد العذيه
ودي أجيك وأعطيك الحكاوي = ولازم أصوب دارك في ضريه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

مرحبا مرحبا يانجم ضاوي=نعتبر جيتك عيد الضحيه
تو ما طاب لي شرب القهاوي=واستعديت والهمه قويه
من شدا غامد رجال العزاوي=منبع الطيب ورجال الحميه
اعرف اني على الفزعه رهاوي=باسي وجاهي ومدت يديه
كان بالمال ماعند الهواوي=اجعله للغلا سوق وهديه
وكان بالجاه انا بالحيل قاوي=جيت بالاد ناصر في شويه
وكان الاخرى تمسك بالعراوي= سطوة عتيبه الهيلا قويه
تسعت افواج لكبار الدعاوي=الشيوخ الحرار الصيرميه
غن طرقك ولا يلويك لاوي=وابشر ابشر بشوف الغشمريه

يالربع من عين ابن حسين= بالسجن ما شفت له ريغه
غالي وفي منتدا غالين=ولاهوب من قوم تروغيه
من ملهمه ننتظر بيتين=يبعث بها يمنا صيغه

اهلا يالمزيني وحياك الله في سجن الابداع ومعتقل القصيد
والله انا فرحين بتوجدك ونطمع بمشاركاتك من تسالي للسجنا وامتاعا لك ولنا اذا اعتقلت ان شاء الله
وانت الاان من رواسي نجد بل من قممها
ــــــــــــــــــــــــــــــــــــــــــــــــــ ــــــــــــــــــــــ

هلا بالمزيني يوم سير بسجن القاف=عدد ما على خضر النخل ناح قمريه
وعدد مانجم في ليل تم الشهر ينشاف=تفضل على دله وفنجال بريه
سعد ساجنينه بالسجن والقلوب نظاف=يبي تسليه لعل الاحلام ورديه
وعقب ايام لف فراشك ولا تجيب لحاف=حرارة هالاجواء شوب ماهيب عاديه