هنا .. سجن القوافي !!

اقتباس:

المشاركة الأصلية كتبت بواسطة النجلاء

شاعرة نجد حياك وبالهنا والعافيه ان شاء الله

الله الله نجلاء,جرى ريقي على الرمان
يمال الغناة على هـ الكرم الحاتمي
حياكم اخواني وخواتي وزواري تفضلوا

لاهنتي ,’’

اسعد الله مساكم بكل خير
بيت للسجينه تسلايه

ماجيت ادور فالسجن للمفاطيح=ولا الحلا ولا صحون الفواكه
جيته من همومٍ تجيني مراويح=الها على صدري عصير اصتواكه

طفـح كيـل المشاعـر واستفـزت صــادق الـوجـدان=ونـوى طيـر الغـلا مــن ضيقـتـه يكـفـخ بجنحـانـه
وتشاكت ساير اعضاء البدن من لوعة الحرمان=وتبـاكـت للمشـاعـر مــن شـمــال الـشــوق بـردانــه
ورعــد غـيـم العـيـون وهــلّ مـــاه وسـيّــل الـوديــان=وفرض صمت الظروف القاسيه حكمه وسلطانـه

النجلاء ,طير حوران معجبون بهذا

اقتباس:

المشاركة الأصلية كتبت بواسطة محمد الغنامي

اسعد الله مساكم بكل خير
بيت للسجينه تسلايه

ماجيت ادور فالسجن للمفاطيح=ولا الحلا ولا صحون الفواكه
جيته من همومٍ تجيني مراويح=الها على صدري عصير اصتواكه

ومساك اسعد
وصح لسانك,ولاهنت شاعرنا

تقديري,’’

كفاله لشاعرة نجد كما وعدتها وبغيت ابو بندر وذكرت ان النضام مايسمح وابن حسين ضيف وحبينا نسولف معه لو 72ساعه فقط
وتهمته الابداع لا غير

شغلت جيب السجن بالله على وين=ياريسه بالله عاقب خفيره
يوم الاحد في منتصف ليل الاثنين=اصدر اوامركم بفك الاسيره
ولا اظن يصلح بعدها غير ابو حسين=سجنة سعد انا اعتبرها بريره
توه شباب ونطرب لقافه الزين=هو مقصدي ما اردة انا شخص غيره
قل ياسعد بيتين في داعج العين=ام الجدايل والخدود النضيره
واصبر وغب الصبر تلقاه بعدين=هذا وانا ابا افضها اليوم سيره

عزف الشوق ما سمعنا منه اي كلمه
ابو عامر اسم فقط وينه

اقتباس:

المشاركة الأصلية كتبت بواسطة ناصر الهواوي

كفاله لشاعرة نجد كما وعدتها وبغيت ابو بندر وذكرت ان النضام مايسمح وابن حسين ضيف وحبينا نسولف معه لو 72ساعه فقط
وتهمته الابداع لا غير

شغلت جيب السجن بالله على وين=ياريسه بالله عاقب خفيره
يوم الاحد في منتصف ليل الاثنين=اصدر اوامركم بفك الاسيره
ولا اظن يصلح بعدها غير ابو حسين=سجنة سعد انا اعتبرها بريره
توه شباب ونطرب لقافه الزين=هو مقصدي ما اردة انا شخص غيره
قل ياسعد بيتين في داعج العين=ام الجدايل والخدود النضيره
واصبر وغب الصبر تلقاه بعدين=هذا وانا ابا افضها اليوم سيره

الله يصح لسانك يـ الهواوي
عز الله كفاله كاايفه,بيض الله وجهك ودام بوحك اخوي القرم
واختيار موفق وبانتظار ابداع المبدعين

شكري وتقديري,’’

شاعرة نجد
صح الله لسانك يالغلا مبدعه الله لايضرك
صح الله لسانك يابو عبيد
لاهنت ع الكفاله الكايفه والاختيار الكايف لسجين الجديد
رغم انا مابعد شبعنا من شاعرتنا
وابو عامر موجود لكن شكله مستاحش من السجن يدش بالخفا مايبينا نشوفه هههههههه
وفي انتضار الشاعر سعد بن حسين