هنا .. سجن القوافي !!

مساا الخير كيف الحال ياحضرة السجين
عسى ماتأخرنا عليك بتسالينا

عسى الورق حولك لاسجع بين حين وحين
يسليك ويسلي معك من حوالينا

والى ضاق صدرك غن مما تجود ايلين
تهيض خواطرنا لشوفة غوالينا

ونغني معك ماطاب من كل لحنٍ زين
ونجيب الغدا والكيف ونجيب حالينا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
بخيرٍ كماه يمسي الله من تمسين
مع جوري وفل وزهر نرجس وياسمينا

ابد ما حصل تقصير ياربعنا وافين
فطور وغدا والعصر معهم تقهوينا

حتى الورق نوحه بدله في غناه الزين
مع انه مقل وهـ الغنا ما يكفينا

وحنا ما اقام طويق في هـ السجن باقين
لو انا منه نطفش من العام ما جينا

وبختامها يالشاعره مرحبا واهلين
ويالجوهره يامرحبا فيك واهلينا

وهلا بالخفير الحلو ما رف رمش العين
وما رددوا(وجداه) بعض المغنينا

شاعرة نجد ,كديميس السيحاني ,الجووهره و 1 آخرون معجبون بهذا

خيال مطير

وانا جالس ليا غمضت جت بين الجفن والعين
وليا فتحت عيني طار ما شاهدت من عيني

عسى ما شان مع سود الليال قبل وقت يزين
وعسى اللي قسته مع هالبراد القادم ايليني

تتيح الغفوه الفرصه واقول ان زار طيف اهلين
ولا يعطيني التغميض وقت لقولة اهليني

تعليله فقط هههههه

كديميس السيحاني ,الجووهره ,خيال مطير معجبون بهذا

وانا جالس ليا غمضت جت بين الجفن والعين
وليا فتحت عيني طار ما شاهدت من عيني

عسى ما شان مع سود الليالي قبل وقت يزين
وعسى اللي قسته مع هالبراد القادم ايليني

تتيح الغفوه الفرصه واقول ان زار طيف اهلين
ولا يعطيني التغميض وقت لقولة اهليني

تعليله فقط هههههه

حبه بصدري سالفة سر في بير ..
.. وكن الفواد يقول هذا زبيني


أشفق على علمٍ يجي منه من غير ..
.. لا يسمع اللي سولفوا به ونيني


يا كثرهم غيرهم ولكن خبر خير ..
.. ما غير شوفه في الوجود يهنيني


رايي كذا يا عاشقين الغنادير ..
.. ماله على وجه البسيطه وزيني

شاعرة نجد ,كديميس السيحاني ,ناصر الهواوي و 1 آخرون معجبون بهذا

الجووهره

هلا بك شآعرنااا
وصح لسآنك ودآم ابدآعك
كل شي مع الأجواء الحلوه يزين
ان شاء الله.ههههههه
وهلا بك خيالناا
ويسلم ذووقك
ودآم حضورك

كديميس السيحاني ,ناصر الهواوي ,خيال مطير معجبون بهذا

منوره ياجهير


عيشة نكـد ماهـي بعيشـة مسـره=
=مدام بذل الجهـد مـا وكـل العيـش
هـذا زمـان اليـوم يكفيـك شــره =
=اليا بذلت الخيـر قالـو علـى ويـش
تبذل من المعـروف تلقـى المضـره=
=من أهل الحسد واهل القلوب المغاشيش
الحـظ الاقشـر قـام كــلاً يـفـره =
=وهوه على ما قيل طيـراً بـلا ريـش
حظـي يتيـم ومـا بـه احـداً يبـره =
=يمشي على كيفه ولا قلت لـه ليـش
تعبـت وممشـاي بضلـع(ن)وحـره =
=ورجلي ملاها شـوك مابـه مناقيـش
لوانـك مقـفـي وثـوبـك تــزره =
=يلحقك من شلة هـل الظلـم تحريـش
كـلام كذباًيشـوي القـلـب حــره =
=يجيبـه اللـي ضاريـاً لتشـاويـش
مــن هـوتـوكـل قـلــت لله دره =
=بالله متوكـل ولا يـقـرب الطـيـش
ماهـوبـجـايـه لـومـثـقـال ذره =
=لوكان قدامه من اهل الحسـد جيـش
________________________


ابراهيم صبحي العضيله

الجووهره ,كديميس السيحاني ,ناصر الهواوي معجبون بهذا

الخيال والجوهره اهلا وسهلا بكما
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
من قبل هــ القصه وانا كنت رايق
وصارت وانا الزيزوم وازريت لا اروق

روايةٍ فيها خيال وحقايق
بطاروق مبداها وزالت بطاروق

وين انت ياللي للطلاسيم فايق
منها وفي تحليلها شخص مرموق

ما انتب لو تضيق الفجوج متضايق
وما يعترض بالدرب ما تحسبه عوق

تكفى تحمل هالمهذري دقايق
لو زعلك ردك له يكون برفوق

لو زعل وادعى هالعريضه بنايق
وبدا البنا من غير تاسيس من فوق

لوضعه الحالي فلا هو بطايق
مكسور خاطر منه والبال مطروق

وبس

شاعرة نجد ,خيال مطير ,الجووهره و 1 آخرون معجبون بهذا

كديميس السيحاني

مساكم فل يا اهل الرواسي

وهذي تسلية للسجين




غن يالليل الطويل وناد للشيخ الهواوي ،،، هو كذا الشيخ الهواوي
كل ما صلى العشاء راسه زبن يم المخده،،، كيف يزبن للمخده

وقل لخيال المطيري في السجن هو ويش ناوي ،،، في المهمه ويش ناوي
يظهر المسجون ما كمّل من الاحكام مده،،،
كل ما حددت مده

وقل ل نجد الشاعرة تزعب من العد الرهاوي ،،، هكذا العد الرهاوي
مدوا الطاروق من دارين حتى بحر جده ،،، كيف يا صل بحر جده

و ان سجنت الجوهره لا ينقض الشيخ الفتاوي ،،، كل شيخٌ له فتاوي
زاوروها و اكرموها والخبر بكره نعده ،،،
كيف لا يمكن نعده

خيال مطير ,الجووهره معجبون بهذا