هنا .. سجن القوافي !!

تسلمين يالجوهره وهلا بك ودام العطاء ولا جاء خطا ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
تماهيت مع مالي طرا حسب ما قويت
وانا الحين تايه لاش حولٍ ولا قوه

ليا قلت يا وقتي علامك علي قسيت
ضحك ضحكةٍ صفرا وقال القسى توه

ولا جت حساباتي على مثل ما هقيت
وتعكر مزاجي والهجس ما صفى جوه

جعته شوق لكن من نبع ماه ما رويت
حصل بين ماعوني وبين النبع هوه

على ضوح برق المزنه الراعده سريت
يقفي واتبعه واقول في خاطري لووه

اقصد وبلها ينهل من فوق باقي بيت
مسكن من حوى دمثات الاخلاق ومروه

صد بدون قول اسباب ما صار كيت وكيت
ولا قلت كيت وكيت يوم اختلف نوه

ويسسسسس

الجووهره ,شاعرة نجد ,خيال مطير معجبون بهذا

صحت الالسن. جميع
وصح لسانك وذوقك ياجهير ,


__________________

الجووهره معجب بهذا

[quote=شاعرة نجد;619437]

ياليت عندي لـ السجن مفتاح
واطلع على كيفي واعود له

لـ صار بالي فـ السجن مرتاح
وان ضقت تفرج ضيقتي وادله

في عزلتي لاجا،،،ولا من راح
متساويه عندي ،،ومعتدله

مع قاف شعري والخفَى لـ باح
يحق له،،قدله،،وكم قدله

وأنا اكتمه واضفي عليه اوشاح
وفاض الصبر والصدر يشهد له

[/quote

صح لسانك شاعرتنا ..

مدي يدك مع الدريشه واعطيك الممفتاح

بس اخون سر المهنه لا ثم لا,, وشوفي ابو عبيد معه سبير

الجووهره ,شاعرة نجد معجبون بهذا

تسليه لسجينه المزيونه

اول مشاوير الهوى نظره وتاليها غرام=
وليا تمكن في فوأد العاشق يجيب خبره

وانا مولع في هوى اللي كنها بدر التمام=
اللي تشابه طلته لاطل في نص شهره

بنت الحسب بنت النسب بنت الكرام ابنا الكرام=
اللي لهم في صفحة التاريخ مجد ومفخره

احبها واعشق لها حبّ ً وصل حد الهيام=
معاد باقي بيني وبين الجنون الا شعره

ولا الهواوي لو شكا من حب راعية اللثام=
ماحاصل له غير متر بمتر وسط المقبره

عود ً مولي والليالي خلته جلد وعظام=
قامت عظامه تنتفض مثل منيف المنقره

ليته يصلي للفروض الخمس ويتم الصيام=
وليا استطاع يحمِد لله كل وقت ويشكره

الجووهره ,شاعرة نجد ,ناصر الهواوي معجبون بهذا

يالله باللي فيه خير وخيره للكل
ــــــــــــــــــــــــــــــــــــــــــــــــــ ـــــــــــــــــــــــــــــــ
ياخفير السجن انا مسجون بابه صكه
ويمكن اهرب منه لو مليت خلك واعي

جونا برَّد ابا اسوي بضله دكه
المكيف من عصير اظن ماله داعي

آااه من صدرٍ حشاد وكل هم ايتكه
ووسوسات تحوس فكر وخاطرٍ ملتاعي

زارني زاير يسولف لي وعندي شكه
جني او انسي وانا من منظره مرتاعي

قال لاعبني بلوت وقلت ما فيه إكه
ولا يصح اثنين واللعبه تصير ارباعي

وصاح لوهم جالسين وقال يكفي هكه
والورق عند المحل اللي هناك يباعي

وطول الطاروق والموضوع ما من فكه
والـ طلب هالشيفه القشرا لزوم انصاعي

هههههههههههه وبس

الجووهره ,شاعرة نجد ,خيال مطير معجبون بهذا

يقول الهواوي
ردأ على ولد روق

يا هاوي الشعر مالي ب ذاك الزمان ~
اللي له القلب يطرب واحلامه يسايرها..

العاشق الحالم عايف زمانه وحاااان ~
يفوق من غفوة احلام ن ماهوب طايلها ..

شوف ربك المنعم الوالي المناااان ~
أعطانا من روح الحياه والقلب نايلها ..

نحمد الله على الدنيا ونطمع بالغفران~
ويرزقنا بالجنه اللي خيراتها نجهلها..

الجووهره ,شاعرة نجد معجبون بهذا

قال لاعبني بلوت وقلت ما فيه إكه
ولا يصح اثنين واللعبه تصير ارباعي
_______________________________

ماناقص الا تحط مشراقه.. وتجيب قهوتك وسمنك ومضيرك .
ماصار هذا سجن ... الواحد يدخل ويطلع ع كيفه
ونا وش دوري يالخفير بس اتفرج فيكم ..

الجووهره ,ناصر الهواوي معجبون بهذا

اولا اهلا يالمستشار الخيال الخفير وتسلم ذلئقتك الفاخره
الاوله من هي له اقصد اللي مشلوطني ناسيها
الثانيه ماهيب لي الا ان نقلك خطا او مبتكرها
الثالثه المسجون انا وانت ماداري يازول عن شي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
يالخيال واللي موجد الشمش والقمر
ويقبض ويبسط في يده طولة الاعمار
ولها تتمه ههههههههههههه

خيال مطير معجب بهذا