هنا .. سجن القوافي !!

الرد من شاعر آخر

ياشيب عيني وللقوايل تهاويل
‏لاحب ينفع به ولا قلب حساس

‏باقي لنا كم يوم ويمرنا سهيل
‏ويِزين كل الي من القيض منحاس

الرد من شاعر آخر

ياشيب عيني وللقوايل تهاويل
‏لاحب ينفع به ولا قلب حساس

‏باقي لنا كم يوم ويمرنا سهيل
‏ويِزين كل الي من القيض منحاس

اليوم جمعه واطلبو ربي الخير
‏وصلو على محمد بصبح وعشيّه

‏واقروا كتاب الله بحسن التدابير
‏وقطيعة الارحام ياهي خطيّه .

…..

يالله فالجمعه تجيب التباشير
‏وتزين الاعمال قبل المنيه

‏ايام عمر العبد ورد. ومصادير
‏تقفي وتقبل مثل جيش وسريه

‏بين الامل والياس عمره مقادير
‏يمسي بنيّه. ثم يصبح بنيّــــه !

،،،
عليك بالدعوه قبل مغرب الشمس
‏جمعه وفيها ساعةٍ مستجابه

‏دعواك للي يسمع القول والهمس
‏ما خاب ظن اللي وقف والتجابه .



وطابت جمعتكم وتقبل الله طآعتكم

شاعرة نجد ,ناصر الهواوي معجبون بهذا

اللهم صلي على سيدنا محمد
ارحب يا ابا منصور تراحيب الرشاش لقد ابدعت وامتعت ولاهنت
هلا بك يالجوهره دام عطاءك وحضورك ولا هنتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
كلش تغير غير طبعي كما هو
ولو زالت الضلعان تبقى الطبيعه

اهل الحكم الــ هالتماثيل قالو
وكمان لو ما طاعك الوقت طيعه

في معنيين ان قلت ذولا تعالو
وحده دهر قلبي والاخرى ربيعه

ان استجابو وإلــ كلامي تحالو
وان سفهو لنداي تلك الفضيعه

شاعرة نجد ,الجووهره معجبون بهذا

الـ " هلا " على طريقة بن جدلان :

‏يا هلا وميّة هلا يا رحب وميّة رحب
‏الرحب تنقل رحب والهلا تنقل هلا

‏لين تاصل غاية مناك يا أغلى من نحب
‏أن سلا قلبك من الحب وإلا ما سلا

‏شوفتك عندي بساتين وأطلال وسحب
‏و وحشتك يوم أبتعد عنك يا دافع البلا

شاعرة نجد ,ناصر الهواوي معجبون بهذا

تسلمين يالجوهره تسلمين وصح لسان بن جدلان رحمه الله وصح ذوقك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
الليله من ابرد ليالي مضت والله يعين
والشاعره على دفاً فات والله عانها

السجن مريته ولمكيفاته جاء رطين
يشبه حنين البل ليا فكرت باوطانها

اما بعد يامن لقلبٍ ليا امسا له حنين
ليا حاست الورقا بنوحن حزين الحانها

به ذكرت لو ما نسي ود قومٍ راحلين
ودارٍ بعدهم مخليه مع كثر سكانها

ويامن لعينٍ نومها غير نوم النايمين
كله كوابيسٍ تروع بعد خلانها

وبس هههههههه

شاعرة نجد ,الجووهره معجبون بهذا

ان كان جو قولي لهم يالجوهره غنا ونام
عيت تعينه يلعب طروق الغانوي نومته

للشاعره حطي وشاح ابداع والشاعر وسام
وتستاهلين انتي مديحٍ تعتلين بقمته

بيتين عنن لي بعد رد التحيه والسلام
ذكرتكم والهجس للذكرى تعلت همته

الجووهره معجب بهذا

هلا بك شاعرنااا
وصح لسآنك ودآم ابدآعك




‏جازت له الغيبه وللحين غايب
‏ما يدري ان الشوق في خافقي حيّ

‏من طول الغيبات عنده حبايب
‏ما عاد فيها لا غنايم ولا شيّ.

شاعرة نجد ,ناصر الهواوي معجبون بهذا