هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

هنا سيداتي سادتي بس انا الموجود
بسجني وحيد وفي يديني كلبشاتي

من قال ونعم اقول انا ما عليكم زود
توقعت من كثر المسايير ما اباتي

لا دله ولا براد يطرد عماس العود
بانت لي من اشعب في بعضكم علاماتي

تمنيت كبسة ديك ميس من المفرود
تسد الرمق مع الاسف بس ما جاتي

من اللي مورثها الكرم عودها المحمود
او من ولد عمٍ ما افلحت فيه هقواتي

او بنت الفضول اللابه اللي ترد القود
او خيال قومٍ سابقه بالفخر تاتي

ــــــــــــــــــــــــــــــــــــــــــــــــــ شرشحه ههههههههههه

رووعه رووعه يالهواوي ههه
صح لسانك وطابت إقامتك
،
،

عسى مـ أنت يالمسجون مع الأسف مقرود
تجي سجنتك يالقرم في ضيق الأوقاتي

تحلّ الصبر وابشر بكلٍّ عليك يْجود
راعي لاوله تستأهل من احلا الابياتي

وابشر بالعشا الكايف وعقبه يدور العود
على ريحته تزكَى جميع المحيطاتي

وبَعَدها أمسيه سهره على خاطرك والمود
ينسّق لها كديميس من ماضيٍ فاتي

يسليك ويسلي بشعرٍ لعل وكود
تطيب الاقامه لك بليا معاناتي

ونغني معك بالعذب ونحرك الركود
ونخفف عن شْجون المودين بالذاتي

ناصر الهواوي ,كديميس السيحاني ,الجووهره معجبون بهذا

هلا بك شاعرتنا المبدعه
أبدعتي ويستاهل شاعرنااا
وصح لسانك ودام ابداعك

شاعرة نجد ,ناصر الهواوي ,كديميس السيحاني معجبون بهذا

تسليه

يقول الشاعر فيني
أمزح أمزح ههههههههههه

شيخه قصيد وقلبها يعشق الخيل
‏وتشــوش بالشيــخه اليــا لقبـوها

‏ما كنها الا الجــدي لا رافــق سهيل
‏و الا جمــوح الخــيل لا زعلــوها

‏في رمشــها المسموم فتنه وتأويل
‏وفي عيــنها نجــد العذيه وأبــوها


اهم شي نجد العذيه
لبى نجد وأهلها ومن سكنها

ناصر الهواوي ,كديميس السيحاني معجبون بهذا

اقتباس:

المشاركة الأصلية كتبت بواسطة شاعرة نجد

رووعه رووعه يالهواوي ههه
صح لسانك وطابت إقامتك
،
،

عسى مـ أنت يالمسجون مع الأسف مقرود
تجي سجنتك يالقرم في ضيق الأوقاتي

تحلّ الصبر وابشر بكلٍّ عليك يْجود
راعي لاوله تستأهل من احلا الابياتي

وابشر بالعشا الكايف وعقبه يدور العود
على ريحته تزكَى جميع المحيطاتي

وبَعَدها أمسيه سهره على خاطرك والمود
ينسّق لها كديميس من ماضيٍ فاتي

يسليك ويسلي بشعرٍ لعل وكود
تطيب الاقامه لك بليا معاناتي

ونغني معك بالعذب ونحرك الركود
ونخفف عن شْجون المودين بالذاتي

صحت السنكم ودام تواجدكم و حضوركم
ابدعتوا وامتعتوا لاهنتوا

انا خابر ان العود له وقته المحدود
عدو السهر ،، عقب العشاء يغط بسباتي

و انا والثواني عدها جارد و مجرود
يطول انتظاري ما قطعت المسافاتي

ياكم ليل سرّيته بنظمٍ عليه شهود
ولا اشوفك الا الغب تفتح ملفاتي

و انا و إن طرت لي كل ذكرى،، بدون قيود
نظمت القوافي و اعزف بصوتي آهاتي

و اخاف اني اذكّرك من تلبس الماهود
و يبيّح كنينك بين عاذل و شماتي

و بعدها ليا هبت علينا هبوب النود
نحط الكفالة والتواقيع بصماتي

نبي نجد تدخل معتقل شعرنا و نزود
بحق الضيافة و امسية شعر ميزاتي

ارضيات سجن القاف تفرش لها بورود
ومباخر يفوح العود منها ضيافاتي

لمدة اسبوع و كل قافٌ عليه ردود
هذا هو كلام الصدق مابه مراواتي

يا خيال نفذ و انحروا من خيار الذود
عشا للسجينه و اوكلك بالمهماتي

ناصر الهواوي ,الجووهره معجبون بهذا

من سمع سجع الحمامه وش يقول ؟
من سؤالي بيت مبدأ الامسية

ناصر الهواوي ,الجووهره معجبون بهذا

هلا بك شاعرنا كديميس
وصح لسآنك ودام ابداعك
بانتظار تكملة الأمسيه

بس مين المسجوون هههههه
انا فهمت الهواوي سجن نفسه

شاعرة نجد ,ناصر الهواوي معجبون بهذا

شاعرتنا المبدعه الروعه مجاراتك ومجاراة ابو منصور طبعا على سواحل ينبسط ويتسع الخيالاحسن من اهل العبال والسموم صح لسانك مليون ولا يسدون
ارحب يابو منصور وصح لسانك مدد بلا عدد
ارحبي يالجوهره ودمتي وسلمتي اظن ابو منصور وضع الشاعره بالسجن
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
هلا مرحبا ترحيب جد العرب بالذود
مهذري بذودٍ شافه امع الغروب آتي

باهل ديرةٍ ما فيه عن حرها منشود
ان شالله شهر ويروح ماله بقاياتي

الليله وعدكم كان ربي عطانا زود
اعوضكم ان خِلِيت عن كل ما فات

الجووهره معجب بهذا

شاعرتنا المبدعه الروعه مجاراتك ومجاراة ابو منصور طبعا على سواحل ينبسط ويتسع الخيالاحسن من اهل العبال والسموم صح لسانك مليون ولا يسدون
ارحب يابو منصور وصح لسانك مدد بلا عدد
ارحبي يالجوهره ودمتي وسلمتي اظن ابو منصور وضع الشاعره بالسجن
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
هلا مرحبا ترحيب جد العرب بالذود
مهذري بذودٍ شافه امع الغروب آتي

باهل ديرةٍ ما فيه عن حرها منشود
ان شالله شهر ويروح ماله بقاياتي

الليله وعدكم كان ربي عطانا زود
اعوضكم ان خِلِيت عن كل ما فات

الجووهره معجب بهذا