هنا .. سجن القوافي !!

السلام عليكم
طابت اوقاتكم و دام تواجدكم
وعذرا على الغياب
،
،،
،

جيت ساري يا رواسي نجد يالله السلامة
حط في رجليّ قيد وجدد الذكرى القديمة

و ان بغيت اغفي يتل القلب سجعك يا الحمامة
و القريحة موجها الطامي يقوي للعزيمة

إن شكيت من الهوى و العشق يا كبر الملامه
و ان مزحت يقال هذا عود ياكبر الجريمة

و في رموز الشعر لو حطيت للمفتي علامه
اصدر الفتوى ولا حلفني ايمانٌ عظيمة

و إن بغيت الزرع يسقى ، جرم يُسعى في صرامه
قيل حم القيض و الأرياح تذرى في هشيمه

شاعرة نجد ,ناصر الهواوي ,الجووهره معجبون بهذا

لا تنسون الفطور وقهوة الصباح

شاعرة نجد ,ناصر الهواوي ,الجووهره معجبون بهذا

وعليكم السلام ورحمة الله
هلا بك شاعرناا وصح لسآنك
وإقامه سعيده هههههه

كديميس السيحاني ,شاعرة نجد معجبون بهذا

وتفضل الفطور على طريقة ابن جدلان
الله يرحمه

الحب ورده لكن ( الشكـ شوكة )
‏والبعد لامن طال دمع ( المقل قل )
‏.
‏واللي (مربى ع الجبن) في سلوكه
‏يموت مايلقى من (البيض) له (خل)
‏.
‏(كبده) تطوّى يوم مافلّ بوكه
‏ومن مايبي الفلات عمره (فلا فل)

كديميس السيحاني ,شاعرة نجد ,ناصر الهواوي معجبون بهذا

ارحب يابو منصور تراحيب المطر وصح الله لسانك ولاهان راسك
وارحب يالجوهره ما قصرتي شكشوكه ومربى وفلافل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مرحبا كثر الكيالو من طريف الى المنامه
عطرها كمبودي معتق /ربع توله غنيمه

انتبه توك شباب ولا تسلم للرخامه
للعفر تشوف ابو عشرين بالعارض وسيمه

بمثل ابو منصور ما ظني تليق الانهزامه
ولا تعيب القايد المغوار لو مر بهزيمه

ان عرض للعين خشفٍ مكتسي ملح ووسامه
ودققت فيه النظر ما ترجع بحاله سليمه

اشهد ان قاف الغزل لو غثني صاحب فخامه
به تجررنا بدون ظروس عيشتنا القديمه

وبس ههههههههههه

كديميس السيحاني ,شاعرة نجد ,الجووهره معجبون بهذا

اسمع وخل وخذ بلا منَّه وهات
وليا فهمت لمقصده فانت وافي

يجيب هجسي كلما يذكر ابيات
ليا استرسلت من غيض فيض القوافي

تنقاد معه ليا اجنب الجيب بالذات
وشاف الجبل له بان ما كان خافي

هذا الشعور يراوده من سنيات
هاوي ولا قد كان فيه احترافي

الجو صافي والصحاري عذيات
ما عكرت بغبارها والسوافي

مابه زمل في وين ما تمسي تبات
براد صيف وكان بشباط دافي

ان قيل ترجع قلت هيهات هيهات
ان كان فزت براس مالك عوافي

كديميس السيحاني ,الجووهره معجبون بهذا

صباح الخيرآت والمسرآت
وهلا بك شآعرنااا
وصح لسانك ودام حضورك وابداعك

كديميس السيحاني ,شاعرة نجد معجبون بهذا

تسليه فكاهيه
ههههه

« يا ويلنا لو يدري حنيف عنّا »
‏وخمسة عشر فنجال عيّت تقهويه

‏تبدلت من عقب هيلٍ وبنّا
‏الكيف صار بلاك وسبنش لاتيه .

كديميس السيحاني ,شاعرة نجد معجبون بهذا