هنا .. سجن القوافي !!

مساء القايله
ماتقلد أحد ههههههه
وهلا بك شاعرنااا
وصح لسانك ويعطيك العافيه
على التسالي الجمييله
ودام حضورك الجميل وابداعك

خيال مطير ,ناصر الهواوي معجبون بهذا

ارحبي يالجوهره وصح بدنتس ودام تواجدتس في المعتقل ههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
ليت كلمه تكون من ثلاث حروف
لام يا تاء للتمني هي

والاماني كذاب وذا هو المعروف
لكن لمن تشغله تلهي

تضرب اخماسها اسداسها ويشوف
طلةٍ كدرت خاطره تفهي

بكبده فراقها مثل حد سيوف
كان قبل التفرق بها مرهي

ممكن يصير لقوى لكن الخوف
العراقيل من من هي وش هي

تبي مجهر للوزن

شاعرة نجد ,الجووهره ,خيال مطير معجبون بهذا

وش ودك تقول وتقترح يالهجوس اليوم
انا بالصراحه ما اقترح لك ولا ودي

لكن كان في خاطرك حاجه وجد علوم
غلفها بشاش السر لا ينكشف سدي

والا خلها تبقى على طمة المرحوم
لا تقعد تجي وتروح وتجيب وتودي

تكفيني طيوفٍ لا تضايقت جت بالنوم
تسولف واسايرها على الهزل والجدي

خيال مطير معجب بهذا

هلا بك شاعرناا

والبقاااوصح لسانك
ودام حضورك وابداعك



‏ إفتح شبابيك الأمل .. عانق النور
‏ الصـبح دافع .. للفـرح والإراده

‏ عيش الشعور إتقنه وإنت مسرور
‏ وإرشف فناجين / الصباح بسعاده


صباحكم سعاااده


وكيف المنتدى معكم
انا يطلعني دايم
وادخله بصعوبه

شاعرة نجد ,ناصر الهواوي معجبون بهذا

هلا بك شاعرناا

والبقاااوصح لسانك
ودام حضورك وابداعك



‏ إفتح شبابيك الأمل .. عانق النور
‏ الصـبح دافع .. للفـرح والإراده

‏ عيش الشعور إتقنه وإنت مسرور
‏ وإرشف فناجين / الصباح بسعاده


صباحكم سعاااده


وكيف المنتدى معكم
انا يطلعني دايم
وادخله بصعوبه

هلا بك يالجوهره وصح بدنك والله يسعدك
المنتدى او النت ماهو جيد
انا ما اسجل خروج لكن احيانا يرفض فتح الموقع واعيد ويقبل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
ورا ملهمي مرجوج والفكر جاء به طيش
ما افهم سبة الرجه وذا وش سبب طيشه

واسرِّح مع الهاجوس لين اتعدا بيش
بجيزان وارجع معه لين ادخل ابــ بيشه

ولا القا جواب لويش رحت ومتاك وليش
لو اطول التفكير مخي ضرب فيشه

سقى الله زمان وموطنٍ كان لي به عيش
وهالحين لا موطن به اتطيب لي عيشه

ليا شفت عين الوكري اللي كفخ بالريش
ذكرته وقلت الطير لو يسعف بريشه

شاعرة نجد ,خيال مطير ,الجووهره معجبون بهذا

صح لسانك شاعرنا
ويعطيك العافيه
على الابيات الجميله


‏ِ
‏هذي هي الدنيا حظوظ وتوافيق
‏اما وطــــاك الحـــظ والا وطيته

‏تعيش في غيبــوبة الوقت وتفيق
‏شــــي تذكـــرته وشــــي نسيته

‏بس الوكـاد انه بعد نشفت الريق
‏مالك ســــوا بنيـــانك اللي بنيته

‏الســــد خلـه دايما فالصنــاديق
‏منشان ما تصــــدم بشي هقيتـه

‏والطيب فعل وله دروب وطواريق
‏وســـوه لوجـــه الله لامـن نويتـه

عبدالكريم الجباري

ناصر الهواوي معجب بهذا

يقول الشاعر منعب التركي
‏ِ
‏توديع الاحباب مثل الموت له سكره
‏أدمى جروحـــي وشـق الصـدر منيّا

‏والقلب طـــيرٍ ضلــوع الادمي وكره
‏لا شاقه الطلــــع لا سلــــم ولا حيّا

‏مصـــير الأحـــزان تنساني وتفتكـره
‏ما كل الأيـــام بيض وسمحـة محيّـا

‏قل غيرهـــا ما أنت لا مجبر ولامكره
‏لاصـــار ما هي غلا ما أبي لك حميّـا

‏لو في يدي شي ما قلت الوعــد بكره
‏حزمت حدب الضلوع وقلت لك هيّا

‏لو كــل غـــالي تجي دايم علي ذكره
‏ما صـرت اشوفك هناك وحبك هنيّا

‏يا ليتني لا بغيت اكره قـــدرت اكره
‏ما كـــان قلبي اليا جيت اكرهك عيّا

‏ما دامك معيف رح لكـن على فكـره
‏ما قلت لي ليــه دمعـك سـال منيّـا

شاعرة نجد ,ناصر الهواوي معجبون بهذا