هنا .. سجن القوافي !!

مساكم الله بالخير
ماقصرتوا. ابدعتوا و امتعتوا

،،
و تسلية للخفير السجين هههههههههه


ابدأ بذكر الله بحمدٌ و تسبيح
و اقلط ولو ما وُجهت لي عزيمه

وبديت درهامي على الفطّر الفيح
ماهمني في القيض لاهب جحيمه

اعارض بقافي دهاة الطحاطيح
في قولهم طب القلوب السقيمه

احدْ معا ذكرى الليال المدابيح
يرقى سماه ويعتلي كل غيمه

و احدٌ لطرّاد الهوى منه تلميح
كن الرعد في الصدر يُسمع هزيمه

و بشرح لهم فعل العيون الذوابيح
اللي سواياها بقلبي جريمه

لسْهام لحظه فعل شلفا شليويح
و دمعة برائه مثل دمع اليتيمه

يا كذب من قالوا دموع التماسيح
الا دموع النصر ( لا ) للهزيمه

شاعرة نجد ,الجووهره ,خيال مطير و 1 آخرون معجبون بهذا

ناصر الهواوي

سرى الليل ياهجسي نبي نصدح الموال
لو اني ما اشوف الناس ياهجس ملتمه

ابا اقول لي بيتين و ارقد خليّ البال
ما دام الجماعة كل منهم عطا يمّه

سلامي على عدٌ قطناه و الاطلال
سلامي على روضٍ عبق ورده نشمه

الجووهره ,خيال مطير ,ناصر الهواوي معجبون بهذا

وعليكم السلام ورحمة الله ولركاته وهلابك وصح لسانك وبدنك
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
سرى الليل ياهجسه ما كابدت حر اللال
والقيفان تدحم بعضها وصلت القمه

وانا اعرف ظروف المنطقه وافهم الرجال
وادري بالتفوس من الرطوبات منسمه

لكن ماله الحق ايتهبد على ما قال
ويشطب تواقيعٍ بهالسجن مهتمه

الجووهره ,خيال مطير معجبون بهذا

هههههههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــ
يا النود هبي كان جالك مجالي
ريح الفياض اللي تمرين جيبيه

عن شمته يا النود ماني بسالي
يالنود كل اللي يذكر به ابيه

طيبٍ عرفته بالسنين الخوالي
توجد ابــ بيتٍ له كذا عام مخليه


من مرتي للبيت يا وجد حالي
آقف تحاكيني طلوله واحاكيه

لي فيه يالباقي منه كان غالي
كيف ومتاه ووين راح ورحل ليه

ويالشوق مت مالك وقلبي ومالي
بمكابدي للوجد عمري بتاليه

وبسسسسسسسسسسسسسسسسسسه

شاعرة نجد ,الجووهره ,خيال مطير معجبون بهذا

وش يكفي؟ كان ما كفاك من عمري ثلاث ارباعه
ربع ريف وكيف والباقي هواجيس وحنين وونه

ويش اسوي؟والصبر غلق ولا يوجد مع البياعه
وقلب عانق قلب غصب اقفى وهيج جنه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ حطوها تحت المجهر للوزن وعطوني النتيجه ههههههه

الجووهره ,خيال مطير معجبون بهذا

صحت السنتكم يامجرمين ..
واخص المجرمه شاعرة نجد .. اول مره اسمع خفير يدخل السجن
وورعاني من يوكلهمم ..

شاعرة نجد ,الجووهره ,ناصر الهواوي معجبون بهذا

يحلوك ونت صغير
لاتنسى حبوب الظغط . وابعد عن التفكير ... الهواوي ,, يبقى هواوي هههههه

ههههههههههههههههههه
ابشرك ما عندي ضغط من فضل ربي
وصاغ سليم كلي ولله الحمد ما عدا شويات سكيكره
وكلنا لنا ورعان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
انت سجان وسجين وفي يدك مفتاحه
وعندك الجيب ومفاتيحه زر الورعاني

وكل حاجه يا احمر العينين فيه امتاحه
ماش شيٍ يزعجك بالحبس/ ويش تعاني؟

الوناسه فيه وهجوس الشِعِر والراحه
ومن نزل به له ثلاث وجاب بالمجاني

بس ماودي تطول هههههههههه

شاعرة نجد ,الجووهره ,خيال مطير معجبون بهذا