هنا .. سجن القوافي !!

صحت الالســـــــــــــن مبدعين ويطول اعماركم ويحفظكم الخالق

نسليه من ألأرشيف ?><


لا ترتجي النفعه من فلان وفلان
الذيب يرقى لو زما الضلع دونه

من عاملك بالخير جازه بالاحسان
وجااز العدو بالشر واكحل عيونه

لا تقبل الذله ولو كان ما كان
المووت خيرن من حياة المهوونه

اكسب من الدنيا معارف وخلان
واختر خوين شاع ذكره وعوونه

مهما حصل في الوقت زودن ونقصان
يبقي علي حاله وشكله ولوونه

واحذرمن اللي بالرخي طيب لسان
وان جااات للشده تراامش عيونه

كم من خوين تحسبه قرم وحصان
وسدن منيعن ما تزعزع ركونه

وتلقاه مايسوي خروفن من الضان
ادناة ما يآتيه يلوي قروونه

واللي قصر في واجبك حزة الشآن
لا تذخره واقصر خطاويك دوونه

حتيش لو هو من بني عم وخواان
وش لك برااسن ما تشله متونه

لابد ما يلقي مهونه وحقراان
يطيح قدره والعرب ينبذوونه

وانهج طريق الخير ودرووب لايمان
واسجد لمن كل البشر يرتجوونه

اللي بذكره تنجلي كل لاحزاان
واللي ينجي العبد لي ضاق كوونه

هذا وصلي الله علي خير برهان
علي النبي واعداد ما انشت مزونه

حمد بن سايمه

الجووهره ,ناصر الهواوي معجبون بهذا

القاف ونسة للقلوب المواليع
وحنا نرد القاف والرد مشروع

دور البداوة انتهى بالمشاريع
كلن تحضّر والفلا صار مقطوع

راح النزيل وراح دور المطاميع
يوم الضعن صوب الحيا يشلع شلوع

في خايعٍ عز الطرب بالمرابيع
ما به عقم ولا شارة الدرب ممنوع

تلقى الجهام ابكارها والمجاميع
تفلي زهر نوار بالريع مجموع

ترد على الغدران من دون ترويع
مع الجظ“نظ“ب ومصقّل الهند ودروع

من رامهم خاب الرجا والمراميع
يمسي وحيد الدار والراس منزوع

وانا بحياة البدو ما اسمع ولا اطيع
فيها الوفا وسط الصناديق مطبوع

وقت القطين ودور وقت المصانيع
وهلا هلابه واشقر الراس وردوع


عوض الرويلي

الجووهره ,كديميس السيحاني ,ناصر الهواوي معجبون بهذا

ارحب يابو منصور ولا عليك زود وصح لسانك مليار ولا هنت ودمت وسلمت
هلا وغلا يا لخيال وصح ذوقك الراقي ولا هنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
انا ابا اطلع وانت ادخل فــ السجن واقفل عليك الباب
صر المسجون والسجان والشاويش والحارس

ابا اطش لتنقيك التسالي يالحبيب الكاب
وابا اسليك من غرة اغسطس لا شهر مارس

انا من عام واشهر يالغليم بالوضع مرتاب
عجزت افهم ما جد من العلوم وناسي الدارس

انا لي ظن في بعض الاومور اثمر وظنٍ خاب
وذيب ادقم يموت من الطوى كنت احسبه فارس

الجووهره ,كديميس السيحاني ,خيال مطير معجبون بهذا

ارحب يابو منصور ولا عليك زود وصح لسانك مليار ولا هنت ودمت وسلمت
هلا وغلا يا لخيال وصح ذوقك الراقي ولا هنت ودمت وسلمت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
انا ابا اطلع وانت ادخل فــ السجن واقفل عليك الباب
صر المسجون والسجان والشاويش والحارس

ابا اطش لتنقيك التسالي يالحبيب الكاب
وابا اسليك من غرة اغسطس لا شهر مارس

انا من عام واشهر يالغليم بالوضع مرتاب
عجزت افهم ما جد من العلوم وناسي الدارس

انا لي ظن في بعض الاومور اثمر وظنٍ خاب
وذيب ادقم يموت من الطوى كنت احسبه فارس

الجووهره ,شاعرة نجد معجبون بهذا

صحت السنتكم الهواوي والسيحاني
ابدعتوا وامتعتوا
وصح نقلك خيال ولاهنت على هـ المعلقات
وحياك فالزنزانه

الجووهره ,كديميس السيحاني ,خيال مطير و 1 آخرون معجبون بهذا

ناصر الهواوي

لي في ظلام الليل منفس وترويح
أعشق ظلامه والسكون ونسيمه

مع النجوم الساهره خذت تصريح
تسري الهواجس لَـ سرى مع عتيمه

وبوح المشاعر دون وقفه وتوضيح
(ملهم)وله عندي مكانه عظيمه

أروح من فوق السحاب المراويح
والله يديم العقل والله يديمه

لو حافني من ضجة الناس تجريح
عادي..وبكره ذكرياتٍ قديمه !

الجووهره ,كديميس السيحاني ,خيال مطير و 1 آخرون معجبون بهذا

ناصر الهواوي

اقتباس:

المشاركة الأصلية كتبت بواسطة شاعرة نجد

صحت السنتكم الهواوي والسيحاني
ابدعتوا وامتعتوا
وصح نقلك خيال ولاهنت على هـ المعلقات
وحياك فالزنزانه

انا خفير .

شاعرة نجد ,الجووهره ,كديميس السيحاني معجبون بهذا

لرحبي شاعرتنا المبدعه وصح لسانك وبدنك ولاهنتي ودمتي وسلمتي
لو حافني من ضجة الناس تجريح
عادي........ وبكره ذكرياتٍ قديمه
تكرمين شاعرتنا ولا تهونين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ما اذرت رمال الصاهد العالي الريح
وما وردت العِد الضمايا المحيمه

وما سبب المرزم لخباتها فيح
وما جرت الونه قلوب كليمه

صح الله لسانٍ ما يحتاج تصحيح
لو عاجها بالعمد تظهر سليمه


اقوم مع درب الشواعير واطيح
نوب الحق ونوبات اذب الخريمه

تقديم ذا مع نفحة الورد والشيح
لاهل الوجيه الفالحه والوسيمه

انا حسود اغبط من بالمراجيح
ما صابهم ما صاب راعي رحيمه

قلبه بقايمة القلوب المجاريح
بحق ما ادري جارحينه ضليمه

والله يسامح جارح القلب ويبيح
لو ودي اعطي من جرحهم قسيمه

وبس

الجووهره ,كديميس السيحاني معجبون بهذا