آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
03-08-2024, 01:39 PM
|
#38801 | |
|
حزب العاصفه
|
تسليه😀😀
ماقصر ابوعبيد يالسيحاني قهواك من عذب الشعر وارواني بالامس يوم انّه سجنّا غنّى وقدم لنا من فاخر القيفاني سلاك من طيبه وسجل شعره وانا بعد غنى لي وسلاني واليوم جاا رد الجزا يبشر به يُم سكروا من دونه القضباني الطيب لاهل الطيب رده واجب عليه ابوي ومنهجه رباني شيخٍ كريم ومايسكر بابه مفتوح للمضهود والضيفاني ياحضرة المسجون خذ موالي مع الغدا مع دلة الرسلاني واسمع جديد القاف لاغنيته عذبٍ يسلِّ الخاطر العمساني ماودي استرسل واخاف المرسَل لاهل وبله هيض الوجداني عشرة ابيات بْحزة القيلوله استرسلت ياكان ياما كاني😀 |
|
سبحانك اللهم وبحمدك
أشهد الا اله الا أنت,أستغفرك واتوب اليك 
|
|
03-08-2024, 06:22 PM
|
#38802 | |
حزب العاصفه
|
ارحبي شاعرتنا تراحيب المطر وصح لسانتس وبدنتي ماقصرتي وبيض الله وجهك في الدارين
ـــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ ـــــــــــــــــــــــــــــــــــــــــــــ يامرحبا مثل المطر وداني تظفي على الزوار والسجاني عطورها ورد المصيف وعنبر ومذاقها طعم عسل يماني بمن ليا مرت علينا تبدع هجوسها له ملهمٍ رباني من حاتم الطائي عليها خصله ومن شيخها المرحوم دعمٍ ثاني على العلوم الطيبه رباها وقد كان له باعلى المراجل شاني رثته فيما قلت ومصدقها ولا يستتب الكذب والايماني ياجعل مثوى عودها بالجنه مع ابو ذر وعروه وعثماني عشره وانا زدت اربعه مستعجل ومن تعجبه يقول صح لساني هههههههههههههههههههه |
|
|
|
03-08-2024, 10:55 PM
|
#38803 | |
|
حزب العاصفه
|
ايوالله صح لسانك ثم صح لسانك
مجاراة كايفه ونايفه والمرحب باقي ياشاعرنا المبدع رثته فيما قلت ومصدقها ولا يستتب الكذب والايماني ياجعل مثوى عودها بالجنه مع ابو ذر وعروه وعثماني يشهد الله صادقه واللهم آمين يرحمه ويرحم والديك والمسلمين اجمعين لاهنت'،، |
|
|
|
|
03-08-2024, 10:59 PM
|
#38804 | |
|
حزب العاصفه
|
تسليه
لي مع حديث النفس ساعه وساعات توزيعها حَسْب الزمن والفضاوه لَـ حدّثت بالذات عن فايتٍ فات واستوطنت مشاعري بالهداوه عـ الصمت وتسولف وانا اسمع وبسكات وعلى عيوني من دموعي غشاوه ومره تحدّثني بـ انس ومسرات حديث له في جوف صدري حلاوه ليت الاماني لاتمنيتها جات تقبل وانا اقبل بالغلا والحفاوه |
|
|
|
|
04-08-2024, 12:45 AM
|
#38805 | |
|
صحت الســـــــــــــــــــــــــــــنتكم جميع
تسليه من ألأرشيف > صوت وصدى سهم روق والهواوي يـــا راكـــب الـلــي مـــا دخـــل فالصـيـانـه ولا ســاقــه الـهـنــدي لـبـنــده و كــرفــور ومـــا شـغـلّــه ورعــــن بــراســه شـطـانــه ورعٍ عـلــى التـفـحـيـط مــيّــت ومـقـهــور عـلــيــه قــــــرمٍ مــــــن صــتــايــم زمـــانـــه طـلــيــق وجـــــه ولـلـمـواجـيـب مــذخـــور مــــن لابـــــة الــروقـــه وســيـــعٍ بـطــانــه مــع سرعـتـه يـسـمـع حـبـيـب ومـسـتـور روقـــي ومـــن طـلـحــه وراعــــي مـكـانَــه ومـنـصـاه لـلـروقـه قـبــل طـلـعـة الــنــور يـنـصــى الــهـــواوي والـتـحـيــات امــانـــه ويحبّ راس اللي علـى الطيـب مخبـور نـاصــر جـزيــل الـهــرج يـنـقـى إسـمـانـه مــا قــطّ ورّدهــا عـلــى الـعِـمِـي والـعُــور قــل لــه تــرى قـلـبـي مـخـلّـص ضـمـانـه واخــــاف لاتـفـتِِــق تـيـازيــره الــحُـــور قـنـاتــنــا تـــعـــرض لــمــيــس وجــمــانـــه وانـــا عــلــى الـتـلـفـاز مــغــرم ومـجـبــور وابـلـيــس يــعـــزف فـالـمـحـانـي كـمــانــه ومــاعــاد ينـفـعـنـي مـحــامــي ودكــتـــور و اسـمـح لـنـا ياشـيـخ بـعـض المـيـانـه ما خاب من يطلب من الشايب الشور الصدى من الشاعر القدير ناصر الهواوي ياراكب اللي تو وقِع ضمانه في ربع مليون ودفعها على الفور فاكس ار صدره ما خثع بالطمانه وعليه من مزحم شلاقي وممرور عزيز نفس ولا يحب الاهانه فكره ذكي والراس صاحي ومسطور منصاه ابو مشعل امبين مكانه بيته امشيد للنشاما ومخبور ان قلت وينه كل احد قال عانه ماهو عن اللافي مخبى ومستور ان وافق لسانه لما في جنَانه عليِّ امانه لا اسحبه عند دكتور واقول بالله صنِّفه باي خانه يفرح شعور بقوله ويجرح شعور حتيش لو لاميس والبرتكانه شعت بنور وجيههن لا انطفى النور زينات مظهر والبلى( بالبطانه) مار استمع لي كان لي تقبل الشور ولا ودي اسمع منك ياليلدانه ما دامني مغضي وراضي ومسرور من الكبر صاير بقلبك ليانه وخابرك من عامين والقلب معصور وعلى ابليس من الله الاستعانه اللي خلق ذاك الملك نافخ الصور |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
04-08-2024, 08:51 AM
|
#38806 | |
|
حزب العاصفه
|
هلا بشاعرتنا وصح بدنتس ولسانتس والله يقبل الدعوات ويغفر للاباء والامهات ولنا جميعا
ارحب يالخيال ولاهنت وصح نقلك والله يرحم ابا مشعل رحمة واسعه وينه الارشيف اللي تاخذ منه الذكريات القيمه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ بما تنقله صحيت كل المواجع وبذحت مندمل الجروح القديمه وعودت في ماض السجلات اراجع واشوف فيها المفرحه واللأليمه ما به فرح الا ويتليه فاجع والفطن ياخذ ما تيسر غنيمه |
|
|
|
|
04-08-2024, 09:12 AM
|
#38807 | |
|
حزب العاصفه
|
ارهقت من كلمه تذكرتها اليوم
لي قالها من لا فجعني بيومه ليا صرت في مجلس سواليف وعلوم مع ما يقولونه تداخل علومه نصفك معه والنصف الآخر مع القوم وعين بفضا دارٍ سكنها تحومه يعني الى نصفين بالظبط مقسوم ان ما ثلاث ارباعك اضحت قسومه |
|
|
|
|
04-08-2024, 09:12 AM
|
#38808 | |
|
حزب العاصفه
|
ارهقت من كلمه تذكرتها اليوم
لي قالها من لا فجعني بيومه ليا صرت في مجلس سواليف وعلوم مع ما يقولونه تداخل علومه نصفك معه والنصف الآخر مع القوم وعينٍ بفضا دارٍ سكنها تحومه يعني الى نصفين بالظبط مقسوم ان ما ثلاث ارباعك اضحت قسومه |
|
|
|
|
«
الموضوع السابق
|
الموضوع التالي
»
العرض العادي
|
|
