هنا .. سجن القوافي !!

الله الله
صح لسانك شاعرة نجد على هالروائع
ابداع ليس مستغرب من شاعرتنا

الشاعر محمد العواد
صح الله لسانك على المجارآه الكايفه

صراحة السجن اصبح منتدا بحاله
صح لسانك شاعرة نجد على هالدرر والله يسكن والدك جنات النعيم وفعلا النسيان نعمه والصبر والرضا اكبر واوجر
شاعرنا محمد العواد حياك الله ولاهنت والسجن منور بوجودك
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ

اقنب ياذيب اقنب ولا يلحقك لوم=على صريع بواردي الشواوي
حطوا لها فخ ورواصيد ورجوم=واحذر تجي من عقب يومين ضاوي
والله ما الومك في قنيبك ضحى اليوم=منها بقالك فوق عسعس شلاوي
كوم الطوى وافراقها صار لك كوم=من عقبها ما يطربك صوت عاوي
معك بوجداني امشارك ومهموم=لي مثل هالدعوى مجرب دعاوي
اتلى العهد فيهم قبل مبتدا الصوم=وذا مبتدا القعده ولاني بقاوي
على النوى/ياوقتٍ اقفيت مرحوم=عليك انا كنت احسب اني رهاوي
كانت ليالي من فئة خمسة نجوم=اربع أُفول وخامس النجم هاوي

ياهلا والله يابو عبيد
وصح الله لسانك والسجن يكتمل جماله بوجودكم وابداعكم ياشعرائنا

امس العصر يوم شمسه هايفت للمغيب=بالراس دكت هواجيسٍ قبل غايبه
انا اشهد ان الشفر لاضاق صدرك حبيب=يوصلك دارٍ عليها مهجتك ذايبه
لوكان مالك بها غير النداوي قريب=ولو ان نفسك من اهل المنطقه طايبه
اللي وصاله حياه وقطع وصله يذيب=مقرن شرايين قلبٍ من قبل ذايبه
بالعرق الابهر صوابٍ من رموشه عطيب=وجروح بالقلب منها لمتي شايبه
اثر الجفا دونما سبه وبال و رهيب=مندوبه الضيق واظن الحزن نايبه

النجلاء ,محمد الغنامي ,طير حوران معجبون بهذا

الله عليك يابو عبيد صح لسانك مليون يالمبدع

لله عليك انت مبدع للقوافي واديب=والله على اللي لها تشيب ذوايبه
ان طول غيابها جانا بوجهٍ كئيب=وان شافها قبل ياتي تاتي اطايبه
اهل الهوي شانهم دايم غريب وعجيب=تطغى على كل ميزه فيه معايبه
امراضهم كايده يحتار فيها الطبيب=وقلوبهم راغبه ونفوسهم هايبه

الهواوي
العواد
شاعره نجد
صح السنتكم ياشعراء رواسي
مبدعين وجزلين
تقديري لكم

.
ياورد ياللي فيك عطر الهوى فاح
وفاحت على قلبي نسايم عبيرك
القلب بستانك والأضلاع سياح
والدم يسقي سلسبيله غديرك
والعين غيم لا طلبت المطر طاح
ويروي الفياض اللي رسمها مسيرك

طير حوران معجب بهذا